YEREMIA 28:14 - WUKE SUSI WATTI'U AL᷊AL᷊USASSA

¹⁴ Mawu Apan Lembontaṛṛino, Ruatan Israel, nabbisara manungku i Tou sarun mangandangngu pasanganna atta'a su pal᷊u'an al᷊awo'u walahanna indi, wuṛṛu i mangitou sarun massuṛṛubbawa si Nebukadnezar, ratun Babel. Mawu lai nabbisara manungku winatangnga mal᷊aṛṛaga lai sarun itantilla su taṛṛino Nebukadnezar.”

YEREMIA 28:14 Referans Kwoze

TAHIUL᷊E 28:48

Ana waugu udde i yamiu ṛinone mattaṛṛamawu manga seennu apan nirolokku Mawu iaparoappa si yamiu. I yamiu sarun amal᷊unusanna, marou wuṛṛu matantol᷊e wuṛṛu sidutu awussa sulal᷊ummu al᷊awo'u inolaanna. Mawu sarun makkuumanni yamiu ringannu maṛṛagissa ma'oman sara i yamiu mate.

DANIEL 2:38

Tuangku noilang-Nge uataṛṛino su wageangngu runia apan pia tumanangnge wuṛṛu su al᷊awo'u manu'u winalanganna wuṛṛu winatangnga waine. Tuangku sassane uddewe pua wul᷊awanna wuassu paal᷊uanna udde.

YEREMIA 40:4

Orassa indi ta'u ipallossa laṛṛapussa indi wuassu limanu wuṛṛu i'o ta'u ipallossa. Amungkangngu i'o mappulu, i'o wotongnge tumantalongnga watukku Babel, wuṛṛu i ya'u sarun mappadul᷊i si'o. Arawe amungkangngu i'o maddiri, tawe apane. Su ahewallu wanua indi i'o walate apulunu umamatta su al᷊awo'u tampa suapa ipaapulunu.”

YEREMIA 27:4

I ya'u ṛinone mamasingkatta si mangitou manungku Mawu Apan Lembontaṛṛino, Ruatan Israel, nabbisara,

TAHIUL᷊E 4:20

Arawe i yamiu uddewe walahanna apan niapasal᷊amatta wuassu Mesir, su tampa i yamiu tumaniten uatataṛṛanga. I yamiu niapiddi Tou sinumabbangnga wuassu wanua udde, tadea'u mabbal᷊i walahanna sassane ere olangngu orassa indi.

YEREMIA 15:12

Tawe saran sangkatou apan wotongnge maapaddi atta'a lembonete atta'a wuassu sawannakka apan buatte nilo'annu witu'a.)

YEREMIA 27:8

Walahanna wuṛṛu araratuanna apan tawe tumuṛṛutta si Nebukadnezar sarun Ta'u iṛṛuumanna ringannu pangalo, ṛutumma, wuṛṛu al᷊aṛṛusa'itta, ma'oman sara panginsueanne tumuṛṛutta si tou.

LAL᷊ALLU 1:14

I Tou nanganu anambon rosa'u, wua'udde niwa'issa nabbal᷊i sambau, ana see nipul᷊issa su ullekka'u, na'oman sara awakkanne naal᷊ome si ya'u. Mawu nananti'u su seetta; i ya'u tawe ikkatta lumawangnga si mangitou udde.

HOSEA 10:11

Dorone Israel ere sapi saṛṛen tumuwo apan nal᷊atite mapia, wuṛṛu apulane maṛṛinda gandumma. I Ya'u salaiwe tate mangandangngu pasanganna su wongkone apan mapia udde. Arawe orassa indi i Ya'u buatte nakkawessa tadea'u mamata'i mangitou mammanara mawakkatta. Yehuda Ta'u irolokka mamajeko, wuṛṛu Israel Ta'u irolokka manisiṛṛe.