YEREMIA 26:21 - WUKE SUSI WATTI'U AL᷊AL᷊USASSA

²¹ Sutempo i Ratu Yoyakim susambau ringannu manga tembonannu tantarane wuṛṛu manga tembonannu araratuanna naaringikka manga wisaran Uria, ratu naddea'a lal᷊anne mamate si tou. Arawe i Uria naaringikka olangnge udde nabbal᷊i nata'utta ana see tinumal᷊angnga watukku Mesir.

YEREMIA 26:21 Referans Kwoze

MATIUS 10:23

Amungkangngu i yamiu pappateanna su soa sambau, tal᷊angnga su soa waine. I Ya'u mabbal᷊o si yamiu: Tantal᷊anna i yamiu taambe namal᷊intaddu al᷊awo'u soa su Israel, Ana'u Taumata nirumantate.

MATIUS 14:5

Atonna i Herodes maapulu mamate si Yohanes, arawe i tou matta'uttu manga taumata, ana waugu i mangitou masingkatta i Yohanes udde nabi.

YEREMIA 36:26

Ratu ewe'e lai namarenta parinsine, eteudde Yerahmeel, suadio'a ringanni Seraya ana'i Azriel wuṛṛu Selemya ana'i Abdeel, tadea'u manametta si ya'u wuṛṛu si Barukh ruddutul᷊i'u. Arawe iambua niwuni Mawu.

2 TAWARIKH 16:10

Wisaran Nabi Hanani udde naasa'u si Asa na'oman sara nabi udde nitaṛṛon Asa sulal᷊ummu tattupanna. Orassa udde lai Asa nanansara manga pira taumata wuassu tumanangnge.

MARKUS 6:19

Ana waugu udde i Herodias pia naungnga lal᷊eo si Yohanes wuṛṛu maapulu mamate si Yohanes, arawe i tou tawe mapa'ola'a olangnge udde, ana waugu isassingaddi Herodes.

MATIUS 10:39

Taumata apan tumba'u mattinau wiakke, sarun awul᷊iannu wiakke, arawe taumata apan awul᷊iannu wiakke ana waugu tuttuṛṛutta si Ya'u, sarun maasomba wiakke.”

MATIUS 10:28

Arie mata'utti mangitou apan mammate wadangnga, arawe tawe taṛṛino mamate niawa. Ata'utten Duata apan uataṛṛino mamate, mapia ete wadangnga aroddi lai ṛimuudda sulal᷊ummu naraka.

AMSAL 29:25

Matta'uttu addapattu taumata, pangillul᷊eanne asasusa. Pangimante Mawu, ne i'o sarun matammudda.

DARALO 119:109

Niawa'u sidutu maola'a wataṛṛu, arawe i ya'u tawe maabul᷊in tita-Nu.

2 TAWARIKH 24:21

Arawe awadaalla apan uaammula udde suadio'a ringanni Ratu Yoas mannal᷊are si Zakharia. I tou tate mannaungnga inasaharanna wuṛṛu tatuṛṛutti Yoyada, iamangngi Zakharia. Wuassu parentan datu, Zakharia tinuntungannu watu na'oman sara nate su rallakku Wal᷊en Mawu. Sutempo i tou matete, i Zakharia sinumal᷊ande, “Antimanna Mawu ma'ellega inolaanna indi wuṛṛu mabbal᷊issa!”

YEREMIA 26:10

Sutempo manga tembonannu araratuannu Yehuda naaringikka apa apan buatte nariaddi, i mangitou nasasaṛṛawutta sinumabbangnga wuassu wal᷊en araratuanna ana see inaite watukku Wal᷊en Mawu, wuṛṛu niuma'ianna su Ngara Pasallanganna Wakku.

YEREMIA 38:4

Ne inaite manga tembonanne udde ringannu ratu wuṛṛu nabbisara, “Taumata indi ṛinone iṛṛuumanna pateanna. Ana waugu, ringannu nabbisara aroddi i tou mangngaddio'a ikkattu anambon tantara wuṛṛu taumata waine apan ta'e uatana'a su soa indi. I tou tawe mantul᷊ungnga tumanangnge, ewe'e lai manilaka si mangitou.”

1 MARARATU 18:10

Ringannu arannu Mawu apan biakka, Ruata apan sassubbannu Iamangnga, i ya'u mamasingkatta manungku ratu buatte nandolo'u maddea'a si Iamangnga su alawo'u tampa. Amungkangngu su sambau wanua tembonanne mabbisara manungku Iamangnga tawe poiaroddi, i Ahab maddorongnga tadea'u tembonannu wanua udde massalu manungku Iamangnga atonna tawe niasangkal᷊anna isudde.