YEREMIA 25:32 - WUKE SUSI WATTI'U AL᷊AL᷊USASSA

³² Mawu Apan Lembontaṛṛino nabbisara, “Wuassu manga pentakku runia anginna ma'ikkatta sussal᷊induṛṛunga; asasilaka naṛṛia'a su manga araratuannu sambau-sambau.”

YEREMIA 25:32 Referans Kwoze

YEREMIA 23:19

Asasa'u Mawu naal᷊ihidda anginna wahewalla apan mannanggiudda wuṛṛu mannalla'u manga taumata apan dal᷊eo.

YESAYA 34:2

Mawu massa'u su anambon walahanna wuṛṛu al᷊awo'u tantaran mangitou. I Tou sarun makkuumanna wuṛṛu makkadda'a si mangitou.

2 TAWARIKH 15:6

Walahanna sambau mammangalo walahanna waine, wuṛṛu soa sambau mammangalo soa waine, ana waugu Ruata nandantan al᷊iba'ukka apan wahewa si mangitou.

YEREMIA 30:23

Asasa'u Mawu naal᷊ihidda tandi'a, naal᷊ihidda anginna ma'ikkatta apan mandi'uṛṛunga naṛṛia'a su manga taumata lal᷊eo, wuṛṛu tawe umompo'a tantal᷊anna anambon ṛiin-Ne matipussa. Su allo murine uman-Ne sarun maasunna olangnge udde.

YESAYA 30:30

Mawu sarun mapararingikku tingik-Ke apan mawantuga, wuṛṛu suapan taumata sarun maapendamma taṛṛino-Ne apan bahewalla. Asasa'u-Ne sarun mandantan putungnga apan mannoṛṛobba, uranna masaddatta, uranna watu wuṛṛu tandi'a.

LUKAS 21:25

“Paṛṛadote, su matannallo, wul᷊anna, wuṛṛu manga anumpitanna sarun asiloanna manga tatialane. Su runia, manga taumata sarun matta'utta wuṛṛu ma'al᷊iwu sumaruanna wallada wuṛṛu tingikku lua'a.

LUKAS 21:10

See Mawu Yesus nanassukku watti-Nge, wisara-Ne, “Walahanna sambau sarun mamangalo walahanna waine, wuṛṛu araratuanna sambau mamangalo araratuanna waine.

ZEFANYA 3:8

Arawe paatehamma! Paṛṛaddote allone i Ya'u dumarisikka maola'a mangangalaene. Ana waugu buatte Ta'u niṛṛawessa tadea'u mangammullu manga walahanna wuṛṛu manga araratuanna ipangema'u asasa'u-U si mangitou. Ahewallu runia sarun masue soṛṛowannu putungngu asasa'u-U.

YESAYA 66:18

I Ya'u masingkattu ṛingiranna wuṛṛu inolaanni mangitou. I Ya'u nirumanta tadea'u mangammullu manga taumata wuassu al᷊awo'u walahanna. Sutempo i mangitou uaammulle, i mangitou sarun maasilo taṛṛino-U.

YESAYA 5:28

Anaanne maṛṛoro wuṛṛu al᷊ati'anne nasaddiate mamiti'a. Anu'un awal᷊one aatikke ere watu putungnga, wuṛṛu bolan keretane tuttal᷊inggi ere anginna al᷊isusu.

YEREMIA 6:22

Mawu nabbisara, “Sambau araratuanna apan matohassa tantal᷊anna u'amatta wuassu wanua apan marau su sawannakka. I mangitou rumanta mapapangalo.

YEREMIA 6:23

Ahiddi mangitou ana'anna wuṛṛu sambeangnga; i mangitou maṛṛagissa wuṛṛu wagga mangonggollu ampungnga. Ere tingikku tahal᷊oangnga apan mattandi'a etearoddi tingikku lal᷊empangngu awal᷊o mangitou apan tantal᷊anna iappatal᷊angnga inai mamangalo Yerusalem.”