YEREMIA 25:3 - WUKE SUSI WATTI'U AL᷊AL᷊USASSA

³ “Al᷊annune ruan pul᷊o su tonnane, ro'en tonna mapul᷊o tallu ro'en i Yosia ana'i Amon uaparenta Yehuda, naddatingngu allo indi, Mawu buatte nabbisara si ya'u wuṛṛu tate lai maabul᷊i mamasingkatta si yamiu apa apan buatte niwisara-Ne. Arawe i yamiu maddiri maddaringikka.

YEREMIA 25:3 Referans Kwoze

YEREMIA 26:5

I yamiu ṛinone lai maddaringikka apan apan niwal᷊on allang-Ku, manga nabi apan sidutu Ta'u niorolokka ringanni yamiu. Arawe i yamiu maddiri maddaringikka si mangitou.

YEREMIA 11:7

Sutempo i Ya'u nangapiddu al᷊amona mangitou sinumabbangnga wuassu Mesir, ringannu ma'ikkatta i Ya'u napanaungnga si mangitou tadea'u matuṛṛutta si Ya'u. Naddatingngu sara orassa indi lai Ya'u ta'e sidutu mappanaungngu uma-U su olangnge udde,

YEREMIA 1:2

Mawu nabbisara si Yeremia tonna mapul᷊o tallu sutempo i Yosia ana'i Amon ratun Yehuda uaparenta.

YEREMIA 7:13

Salaiwe ete masokka i Ya'u mabbisara si yamiu, i yamiu maddiri maddaringikka. I yamiu ma'ola'a al᷊awo'u rosa udde, wuṛṛu maddiri sumimbakka napawe i Ya'u mamaggo.

YEREMIA 29:19

Sarangkanambone udde sarun mariaddi si mangitou, ana waugu i mangitou tawe tumuṛṛutta tanata-U apan sidutu Ta'u iapappasingkatta si mangitou wuassu manga nabi manga allang-Ku. I mangitou maddiri manutukka tanata-U udde.

2 TAWARIKH 34:8

Su tonna mapul᷊o ual᷊u sutempo i Yosia uaparenta, napawe i tou buatte nanginsue pasasubbanna paal᷊uanna su Wal᷊en Mawu wuṛṛu su ahewallu wanua, i tou nandolokku siri 3 taumata iapaapia Wal᷊en Mawu Ruata. Siri tallu taumata eteudde i Safan ana'i Azalya, Maaseya gubernuren Yerusalem, wuṛṛu Yoah ana'i Yoahas, sangkatou mamanaran araratuanna apan atanggaṛṛanne.

2 TAWARIKH 34:3

Napawe 8 tonna i Yosia naola'a ratu, su uukka ta'e dario'a, i Yosia nanattakke mattaṛṛamawu Ruata apan sassubbanni Ratu Daud iupungnge. Appattu tonna wua'udde i tou nanattakke nanggohakku manga tampa passubbanna paal᷊uanna, manga paal᷊uannu Monganni Asyera, wuṛṛu manga paal᷊uanna waine.

2 TIMOTIUS 4:2

Ṛinone i'o mamasingkatu watti'a wuassu Ruata udde, wuṛṛu sidutu mammata'a tadea'u taumata maddaringikka, apa i mangitou maapulu ara'e maddiri. Ṛinone i'o mapaangimannu taumata, manta'en pasasal᷊a, wuṛṛu mangonggolu sasasa si mangitou. Aṛṛa'ete taumata ringannu anambon asasabbare.

YOHANES 8:47

Taumata apan darantane wuassu Ruata, madaringikka wisaran Ruata. Arawe i yamiu wal᷊ine wuassu Ruata, ana waugu udde i yamiu maddiri madaringikka.”

YOHANES 8:2

Tiṛṛabbine rua'allo maṛṛanggapa i Tou inaite lai su Wal᷊e Mawu, wuṛṛu manambo taumata nirumanta ringanni Tou. Mawu Yesus inuma'ianna see nanattakke mangngaṛṛa'a si mangitou.

MARKUS 1:35

Rua'allone, su tempo ta'e maṛṛanggapa atonna, Mawu Yesus nabangunte see nanantangken bal᷊e. I Tou inaite su tampa apan mal᷊annaba su liuddu soa, wuṛṛu inumal᷊iomante poiaroddi.

YEREMIA 44:4

I Ya'u ṛinone sidutu mandolokka ringanni yamiu manga allang-Ku manga nabi, apan manningaddi mangitou ma'ola'a al᷊al᷊eo apan iaaranting-Ku udde.

YEREMIA 35:15

I Ya'u sidutu mandolokka ringanni yamiu anambon allang-Ku manga nabi, wuṛṛu i mangitou buatte nanantiro si yamiu tadea'u mamal᷊u pallal᷊agunu wuṛṛu tate ma'ola'a al᷊al᷊eo. I mangitou mapanaungnga si yamiu tadea'u ariete massubba manga mawu waine wuṛṛu tate mattaṛṛamawu si mangitou, tadea'u i yamiu wotongnge sidutu uatana'a su wanua indi apan buatte Ta'u nionggolla si yamiu wuṛṛu su al᷊amonanu. Arawe i yamiu maddiri mappandumma wuṛṛu maddiri maddaringikka si Ya'u.

YEREMIA 25:4

Mawu lai sidutu mandoloka ringanni yamiu manga allang-Nge, arawe i yamiu tawe maddaringikka wuṛṛu tawe mappandumma si mangitou.

YESAYA 55:2

Apa hunane mamalli sambau saranapa apan tawe maal᷊uassa naungnga, wuṛṛu mammanara hunan apa apan tawe maal᷊aidda? Tuṛṛutte parenta-Ku, ne i yamiu sarun umanna anna apan mapia, wuṛṛu mattemma anna uaimbe apan matemangnga.

DARALO 81:13

Ana waugu udde i mangitou niwala'u tawe maddaringikka; wala'e i mangitou mappaamattu apulun naungnge sassane.

1 MARARATU 22:3

Tantal᷊anna wua'udde i Ahab buatte nabbisara su manga tembonannu tantarane, “I yamiu masingkatta manungku soan Ramot su Gilead udde pussa'an kite! Anio tawe ul᷊eanni ite apia wanua Siria?”

SASABANGNGA 8:20

Mawu nabbisara si Musa, “Roote tiṛṛabbi maṛṛanggappa maisasomban datu su tempo i tou sumossokka su sal᷊ukka, wuṛṛu wal᷊oa'a si tou wisara-U indi; ‘Wala'awe al᷊aṛṛana-U inai mattaṛṛamawu si ya'u.

PANDARIADDI 22:3

Tiṛṛabine marua allo maṛṛanggapa, i Abraham nama'ate alun sasamba itattambunna wuṛṛu nalli'ussa alu udde su liuddu keledai. I tou inaite ringanni Ishak wuṛṛu ruan katou allangnge watukku tampa apan niapasingkattu Ruata si tou.

2 TAWARIKH 34:1

Yosia uukke 8 tonna sutempo i tou naola'a ratun yehuda, wuṛṛu i tou namarenta su Yerusalem 31 su tonnane al᷊annune.

2 TAWARIKH 36:15

Mawu, Ruatan al᷊amonan mangitou, masokkate mandolokku daroloṛṛanne mapanaungngu al᷊aṛanang-Nge, ana waugu i Tou marangngu si mangitou wuṛṛu su wal᷊e-Ne.

YEREMIA 7:25

Ro'en al᷊amonanu sinumabbangnga wuassu Mesir naddatingngu allo indi Ya'u sidutu mandolokku manga allang-Ku, manga nabi, ringanni yamiu.

YEREMIA 32:33

I mangitou buatte nanantang-Ku salaiwe I Ya'u sidutu mangngenggenna si mangitou, i mangitou maddiri maddaringikka wuṛṛu mangimanna.

YEREMIA 35:14

Yonadab naningaddu papapulunne ma'inumma anggore, wuṛṛu i mangitou tinumuṛṛutta su sasingadda udde. Naddatingngu allo indi tawe saran sangkatou wuassi mangitou apan ma'inumma anggore. Arawe i Ya'u sidutu mabbisara si yamiu, arawe i yamiu maddiri maddaringikka.

YEREMIA 36:1

Su tonna aiappanne napawe Yoyakim ana'i Yosia naola'a ratun Yehuda, Mawu nabbisara si ya'u,

YEREMIA 36:2

“Anute sambau buke lalul᷊unanna, wuṛṛu woṛṛeta'a isudde sarangkanambone apan buatte Ta'u niwisara si'o su ola'u Israel wuṛṛu Yehuda, wuṛṛu su ola'u al᷊awo'u walahanna. Woṛṛeta'e anambon wisara-U ro'en i Ya'u paarorone nabbisara si'o sutempo i Ratu Yosia uaparenta naddatingngu allo indi.

2 MARARATU 17:13

Mawu nandolokku manga daroloṛṛanna wuṛṛu manga nibi-Ne su walahannu Israel wuṛṛu Yehuda iapapasingkattu sasingadda indi: “Pangillol᷊ote ma'ola'a al᷊al᷊eo wuṛṛu tattuṛṛute al᷊awo'u parenta wuṛṛu tita apan Ta'u nionggola su al᷊amonanu wuṛṛu si yamiu wuassu manga nabi, manga allang-Ku udde.”

2 TAWARIKH 24:19

Mawu nandolokku manga nabi niapatagu si mangitou tadea'u mabelengnga apia mattaṛṛamawu Mawu, arawe tumanangnge maddirite maddaringikka.

YEREMIA 19:15

manungku Mawu Apan Lembontaṛṛino, Ruatan Israel, nabbisara arendi, “Ana waugu mal᷊awangnga wuṛṛu maddiri maddaringikka, ne i Ya'u sarun mandantan su soa indi wuṛṛu su anambon ampungnga maranine al᷊awo'u asasilaka apan buatte Ta'u nihol᷊aga.”

YEREMIA 22:21

I Ya'u buatte nabbisara si'o sutempo olangngu mapia, arawe i yami maddiri maddaringikka. Atonna etearoddi pallal᷊agunu ro'en dorone naddatingngu orassa indi; taambe saran paassa iemiu tumuṛṛutta si Ya'u.

YEHEZKIEL 33:4

Isai-sai apan maaringikka tatialan silaka udde arawe tawe maddaringikka, wuṛṛu seetta nirumantate wuṛṛu mamate si tou, ne i tou nate ana waugu sal᷊ane sassane. Unnu wisara i tou nangareggan tatialan silaka udde, i tou sarun masal᷊amatta.

ZAKARIA 1:4

Ariewe ere iupungngu al᷊amonanu. Sutempon dorone manga nabi mammasingkattu tanata-U si mangitou tadea'u i mangitou tate lai ma'ola'a al᷊al᷊eo wuṛṛu ma'ola'a rosa. Arawe i mangitou tawe maddaringikka wuṛṛu maddiri tumuṛṛutta si Ya'u.