YEREMIA 25:16 - WUKE SUSI WATTI'U AL᷊AL᷊USASSA

¹⁶ Napawe i mangitou ma'inumma anggore udde, i mangitou mabbal᷊i sumassendekka wuṛṛu awul᷊ianten ṛingidda ana waugu pangalo apan Ta'u iaparanta si mangitou.”

YEREMIA 25:16 Referans Kwoze

NAHUM 3:11

Ei Niniwe, i'o lai sarun mapinsanna ana waugu wu'anna. I'o lai sarun mattinsahadda tadea'u maatal᷊angnga wuassu manga seennu.

YEREMIA 51:7

Babel dorone ere halasi wul᷊awanna apan Ta'u aagassanna wuṛṛu na'ola'a ahewallu runia wu'anna. Manga walahanna ma'inumma anggore wuassu halasi udde, na'oman sara i mangitou nabbewa.

SONDAPPA 18:3

Ana waugu al᷊awo'u walahanna suete na'inumma anggoru apulum pasasandage. Manga ratu su runia sussandaga ringanni tou, wuṛṛu manga mabbawal᷊u'a su runia nabbal᷊i ala ringannu apulune apan tawe ia'ul᷊inna udde.”

SONDAPPA 14:10

taumata udde sarun ma'inumma anggore wuassu Ruata, eteudde anggoru asasa'u-Ne apan suete nilal᷊inni Tou sulal᷊ummu tampane, apan tawe nihaingnga sarang kadio'a! Anambon taumata udde sarun sansaranna sulal᷊ummu putungnga wuṛṛu belerangnga su saruannu manga mala'ekatta susi wuṛṛu su saruannu Ana'u Domba udde.

LAL᷊ALLU 4:21

Ei walahannu Edom wuṛṛu Us, ore lallagete, lalluasse, suapawe ta'e wotongne! Asasilaka sarun rumanta lai ringannu wuṛṛu ana waugu wu'anna i'o nanantol᷊e watangannu.

YEREMIA 51:39

Tantal᷊anna apulu mangitou umanna niatambanna, i Ya'u sarun manaddia wiakki mangitou, wuṛṛu mapawu'anni mangitou wuṛṛu lumiṛṛibba ma'oman sara amatiil᷊anna wuṛṛu tate maatimpu'o apia.

YEREMIA 25:27

Wua'udde Mawu nabbisara si ya'u, “Wal᷊oa'e su manga taumata udde manungku i Ya'u, Mawu Apan Lembontaṛṛino, Ruatan israel, nandolokki mangitou ma'inumma ma'oman sara iwu'anne wuṛṛu mammuta. I mangitou Ta'u olanna mal᷊iundu'a wuṛṛu tate maapabbangunna apia ana waugu pangalo apan Ta'u niaparanta si mangitou.

SONDAPPA 14:8

Mala'ekatta aruane nanansuna mala'ekatta paarorone lapiddu inumui, “Nanawote! Soam Babel apan wahewalla nanawote! I tou suete na'ola'a al᷊awo'u walahanna niwu'annu anggore – eteudde anggore wuassu apulun sasandage!”

LAL᷊ALLU 3:15

Tumba'u apapetta apan nionggollu Mawu si ya'u maola'a anna wuṛṛu uae'u.

OBAJA 1:16

Su puiddu wowone-U apan susi uma-U buatte na'inumma ua'e apan nammasingkattu ṛuumanne. Arawe ua'en manga walahanna su runia indi mappetanna lai. Ṛuumanna udde tawe ial᷊asso'i mangitou. I mangitou sarun ma'inumma ma'iman sara masue, wua'udde i mangitou sarun mawul᷊i tawe lannangnge.”

YEREMIA 13:12

Mawu Ruata nabbisara si ya'u, “Yeremia, wal᷊oa'e tanata-U su taumatan Israel manungku suapan wensadda tampan anggore ṛinone loṛṛoannu anggore ma'oman sara mapene. I mangitou sarun sumimbakka, ‘ṛatadde i yami wagga manungku suapan wensadda ṛinone loṛṛoannu anggore ma'oman sara mapene?’

YEREMIA 13:14

Wua'udde i mangitou Ta'u ipatatenggoka sambau ringannu waine. Timmadde dario'a sarun Ta'u olaanne aroddi ringannu tawe ampungnge. I mangitou sarun Ta'u pateanna ringannu tawe apendamma u'akkanna ara'e tuttal᷊antuppa. I Ya'u, Mawu, buatte nabbisara.”

YEREMIA 45:5

Anio i'o mappulu olaanna apianne? Arie aroddi, Barukh! Anambon taumata Ta'u niṛṛuumanna ringannu asasilaka, arawe su olangngu mattingkaddio'a i'o sarun masal᷊amatta. Su anambon tampa i'o inai, i'o sidutu wiakka. I Ya'u, Mawu buatte nabbisara.”

YEREMIA 48:26

Mawu nabbisara, “Moab pawu'ana'e, ana waugu i tou mammungan batanganne su saruang-Ku. I tou sarun tumal᷊inggi sulal᷊ummu mutane, wuṛṛu ilaggen taumata.