YEREMIA 25:15 - WUKE SUSI WATTI'U AL᷊AL᷊USASSA

¹⁵ Mawu, Ruatan Israel, nabbisara si ya'u, “Panganute halasin anggore indi apan buatte nilloṛṛoannu anggoru asasa'u-U. Apira'e su al᷊awo'u walahanna watukkuapa i'o Ta'u irolokka, wuṛṛu i mangitou doloṛṛa'e painuma'a anggore indi.

YEREMIA 25:15 Referans Kwoze

DARALO 75:8

Arawe ete Ruata sassane apan makkuungnga, i Tou mapawawon sangkatou wuṛṛu mapatanggaku waine.

YESAYA 51:17

Pabbangunte, ei Yerusalem, pabbangunte! Ṛuumanna apan niema'u Mawu ana waugu asasa'u-Ne buatte niamannu na'oman sara nasue.

SONDAPPA 14:10

taumata udde sarun ma'inumma anggore wuassu Ruata, eteudde anggoru asasa'u-Ne apan suete nilal᷊inni Tou sulal᷊ummu tampane, apan tawe nihaingnga sarang kadio'a! Anambon taumata udde sarun sansaranna sulal᷊ummu putungnga wuṛṛu belerangnga su saruannu manga mala'ekatta susi wuṛṛu su saruannu Ana'u Domba udde.

AYUB 21:20

Wala'ewe taumata marosa mamasanna rosane sassane, wala'ewe i tou maapendamma asasa'un Duata Apan Atanggaṛṛanne.

YESAYA 51:22

Etearendi wisara Mawunu, Mawu Ruatanu apan nanamba'a si yamiu, “Asasusa apan Ta'u nionggolla sulal᷊ummu asasa'u-U, sarun Ta'u ul᷊eanna apia wuassi'o. Asasa'u-Ku sarun mompo'a, wuṛṛu i yamiu tate lai mamasanna udde.

SONDAPPA 14:19

Ne mala'ekatta udde nallimbeten hal᷊elene watukku runia wuṛṛu nani'o manga wuan anggore wuassu alune, see nilombo sulal᷊ummu hahilingannu anggoru asasa'un Ruata apan wahewalla.

YEREMIA 51:7

Babel dorone ere halasi wul᷊awanna apan Ta'u aagassanna wuṛṛu na'ola'a ahewallu runia wu'anna. Manga walahanna ma'inumma anggore wuassu halasi udde, na'oman sara i mangitou nabbewa.

DARALO 11:6

Taumata lal᷊eo niṛṛuuman-Ne ringannu asasilaka, ringannu putungnga, mal᷊elanga wuṛṛu anginna apan maaepodda.

DARALO 60:3

I'o nanol᷊a'i yami, oh Ruata, wuṛṛu namalan kami niawaddo.

YESAYA 51:23

Asasusa udde Ta'u nionggolla su mangangallangu, apan buatte nandolokku niapaatiilla su leta'a, wua'udde nakkinda si yamiu, ere ola'u i yamiu lal᷊anna apan a'amatannu taumata.”

YEREMIA 1:5

“Tantal᷊anna i Ya'u taambe nadiandi si'o sulal᷊ummu piolon inangngu, wuṛṛu tantal᷊anna i'o taambe nasungkangnga, i Ya'u buatte namile wuṛṛu maneneggu maola'a nabi su manga walahanna.”

YEREMIA 43:11

I Nebukadnezar sarun dumanta wuṛṛu mamaddo Mesir. Wuṛṛu manga taumata apan buatte nitantunna mate ana waugu al᷊aṛṛusa'itta sarun maten al᷊aṛṛusa'itta. I mangitou apan nitantunna iapidda maola'a tawananna sarun iapidda maola'a tawananna, wuṛṛu nitantunna mate sulal᷊ummu pangalo sarun mate sulal᷊ummu pangalo.

YEREMIA 46:1

Mawu nabbisara si ya'u su ola'u manga walahanna,

YEREMIA 48:26

Mawu nabbisara, “Moab pawu'ana'e, ana waugu i tou mammungan batanganne su saruang-Ku. I tou sarun tumal᷊inggi sulal᷊ummu mutane, wuṛṛu ilaggen taumata.

YEREMIA 49:12

Taumata apan ṛinone tawe iṛṛuumanna, aṛṛiaannu ṛuumanna lai, ṛatadde i yamiu tawe? I yamiu natantunte sarun iṛṛuumanna!

YEHEZKIEL 23:32

Mawu Apan Atanggaṛṛanne nabbisara, “Lal᷊oṛṛo mangkon iaangngu ṛinone allupannu. Mangko wahewalla wuṛṛu mal᷊al᷊umma. Lal᷊oṛṛone napenen aal᷊uandaga wuṛṛu hahelo, apan ṛinone pasannannu wuassu anambon taumata.

YEHEZKIEL 23:33

Mangkon iaangngu Samaria, lal᷊oṛṛoannu atata'utta wuṛṛu ahahohakka. Napawe i'o ma'inumma anambon lal᷊oṛṛone i'o sarun iwu'anne wuṛṛu matataṛṛangnga. Wuṛṛu ringannu manga pesangngu mangko udde i'o sarun manggesa'a sabbangngu. I Ya'u, Mawu Apan Atanggaṛṛanne buatte nabbisara.”

YEHEZKIEL 29:12

I Ya'u sarun ma'ola'a Mesir mal᷊annabba ma'oman sara suwallattu manga wanua mal᷊annabba waine, ete Mesir apan al᷊annawanne. Al᷊annune appatu pol᷊o su tonnane manga soa su Mesir sarun maola'a manga tuidda apan maddal᷊eoanna wuassu manga tuiddu soa waine. Walahannu Mesir sarun Ta'u olaanna manga taumata massal᷊iu. I mangitou sarun massal᷊iawukka su al᷊awo'u wanua wuṛṛu matana'a su pattangngannu walahanna waine.”

OBAJA 1:16

Su puiddu wowone-U apan susi uma-U buatte na'inumma ua'e apan nammasingkattu ṛuumanne. Arawe ua'en manga walahanna su runia indi mappetanna lai. Ṛuumanna udde tawe ial᷊asso'i mangitou. I mangitou sarun ma'inumma ma'iman sara masue, wua'udde i mangitou sarun mawul᷊i tawe lannangnge.”

HABAKUK 2:16

Orassa indi nia'omante i'o pansilianna, wuṛṛu wal᷊ine tadea'u aadatanna. Aadannu sarun mawal᷊u mabbal᷊i aal᷊uandaga. Mawu sarun mamatangngu ma'inumma wuassu cawanna apan lal᷊oṛṛoannu ṛuumanna si'o. I'o sarun ma'inumma wuṛṛu sumassedekka.

DARALO 75:9

Asasa'un Mawu naal᷊ihidda cawanna su lima-Ne, cawanna udde lal᷊oṛṛoannu anggore maattikka. Ruata nallal᷊innu lal᷊oṛṛone, anambon taumata lal᷊eo su runia ṛinone ma'inumma sara masue.

YESAYA 14:26

Eteindi ṛiing-Ku su runia; pulal᷊ang-Ku naṛṛatadde ipakkuumannu manga walahanna.”

YESAYA 34:2

Mawu massa'u su anambon walahanna wuṛṛu al᷊awo'u tantaran mangitou. I Tou sarun makkuumanna wuṛṛu makkadda'a si mangitou.

YEREMIA 36:2

“Anute sambau buke lalul᷊unanna, wuṛṛu woṛṛeta'a isudde sarangkanambone apan buatte Ta'u niwisara si'o su ola'u Israel wuṛṛu Yehuda, wuṛṛu su ola'u al᷊awo'u walahanna. Woṛṛeta'e anambon wisara-U ro'en i Ya'u paarorone nabbisara si'o sutempo i Ratu Yosia uaparenta naddatingngu allo indi.

YEREMIA 45:5

Anio i'o mappulu olaanna apianne? Arie aroddi, Barukh! Anambon taumata Ta'u niṛṛuumanna ringannu asasilaka, arawe su olangngu mattingkaddio'a i'o sarun masal᷊amatta. Su anambon tampa i'o inai, i'o sidutu wiakka. I Ya'u, Mawu buatte nabbisara.”