YEREMIA 23:36 - WUKE SUSI WATTI'U AL᷊AL᷊USASSA

³⁶ I mangitou tate wotongnge lai mappaattu wisara ‘winabbawa Mawu’. Amungkangngu ta'e piaddu mappaattu wisara udde, ne i Ya'u na'ola'a tanata-U atonna-tonna winabbawa si tou. Taumata apan mabbisara ‘winabbawa Mawu’ tumba'u mammal᷊elongngu wisara-U, Ruata mangitou, Ruata apan biakka, Mawu Apan Lembontaṛṛino.

YEREMIA 23:36 Referans Kwoze

2 PETRUS 3:16

Sulal᷊ummu anambon suranne, Paulus siddutu mammoṛṛetu ola'u hatto udde. Atonna pia manga pira hatto apan masahadda passunnanne sulal᷊ummu manga suratti tou udde. Wuṛṛu wageangnge udde iwabal᷊elongngu manga taumata apan waggan apa-apa wuṛṛu apan lome pangangimanne. Olangnge udde tawe maatiangnga, ana waugu manga wageangnge waine wuassu Wuke Susi a'olaanni mangitou aroddi lai. Apa apan a'olaanni mangitou udde tumba'u manongkaki mangitou sassane.

YESAYA 3:8

Atonna, Yerusalem nanawote! Yehuda nahohakke! Ana waugu al᷊awo'u wisara wuṛṛu inolaanni mangitou lullawangnga Mawu wuṛṛu mannal᷊are taṛṛino-Ne.

YEREMIA 10:10

Arawe I'o, Mawu, Ruata apan naṛṛino, Ruata mangangonggllu wiakka, ratu sarangkal᷊o'enge. Amungkangngu I'o masa'u, runia umio'a, amungkangngu I'o mamansagga manga walahanna tawe maataṛṛanga. (

DARALO 120:3

Ei taṛṛa l᷊inga, apate sarun olaannu Ruata su saruannu? Ringannu apa i Tou sarun makkuumannu?

DARALO 64:8

Arawe Ruata namiti'u anaan-Ne si mangitou, wuṛṛu inaṛombanganne i mangitou nal᷊essa.

2 MARARATU 19:4

Ratun Asyur buatte nandolokku sangkatou tembonannu tantara atanggaṛṛanne niapal᷊obbosa Ruata apan biakka. Isai masingkata Mawu Ruatanu naaringikke lal᷊obbosa udde, wuṛṛu sarun makkuumanni mangitou apan nabbisara! Ana waugu udde a'al᷊iomante su Ruata hunan manga taumatan kite apan ta'e wiakka.”

1 TESALONIKA 1:9

Anambon taumata udde uahahatto su ola'u ereapa i yamiu nanal᷊oho si yami su tempo i yami dorone nirumanta ringanni yamiu. I mangitou uahahatto su ola'u ereapa i yamiu nanantangu pasasubba paal᷊uanna wuṛṛu nirumanta ringannu Ruata tinggassa apan wiakka wuṛṛu mattaṛṛamawu si Tou.

GALATIA 6:5

Ana waugu sangkatou-sangkatou ṛinone mamasanna winabbawane sassane.

WATTI'U MANGA RASUL 14:15

“Ei, anio i yamiu ma'ola'a arendi? I yami indi taumata ere lai yamiu! I yami rudanta mamasingkattu Watti'u Al᷊al᷊uassa si yamiu tadea'u i yamiu manantangngu inolaanna lal᷊eo indi wuṛṛu rumanta ringannu Ruata apan biakka, nandiadi langitta wuṛṛu runia wuṛṛu tahal᷊oangnga wuṛṛu anambon lal᷊oṛṛone.

LUKAS 19:22

Ratu udde nabbisara si tou, ‘I'o mangangimbe lal᷊eo! Nassul᷊ungngu ere wisaranu sassane, i ya'u sarun maṛṛuumannu. I'o masingkatta i ya'u taumata maṛṛagissa: i ya'u mangnganu al᷊awoa apan tawe rarotongku, wuṛṛu mangngammulu auntunganna su tampa i ya'u tawe massuanna.

MATIUS 12:36

Nariaddi, paanaunge: su Allong Kiamatta, sangkatou-sangkatou ṛinone sumimbakka manga wisara apan tawe gunane apan suete niwisaran tou.

YESAYA 28:22

I ya'u naaringikke laṛṛawessu Ruata Apan Atanggaṛṛanne wuṛṛu Lembontaṛṛino ipamate ahewallu runia. Arie mapasal᷊a manga wisara tatagu apan iwabbal᷊o'u indi. Sal᷊immurine mabbal᷊i nangillembon asaharanne si yamiu maddea'a asasal᷊amattu waddangnga!

AMSAL 17:20

Sangkatou taṛṛa l᷊inga tawe lumuassa, taumata ringannu lilangkamal᷊e'a sarun maasomba silaka.

DARALO 149:9

ipakkuumannu manga walahanna wuassu parentan Duata. Eteudde auntungannu umatta apan arangnguan-Ne. Paddalote Mawu!

DARALO 12:3

I mangitou sarangkanambone uawawahia, uawawahia ringannu manga wisara apan manenengnga.

1 SAMUEL 17:36

Allangngu buatte namate singa wuṛṛu beruangnga, wuṛṛu taumatan Filistin apekka udde lai sarun ta'u pateanna ere manga winatangnga udde, ana waugu i tou waṛṛani mangal᷊uandaga tantaran Duata apan biakka.

1 SAMUEL 17:26

Ana see i Daud nabbisara, “Waṛṛani atonna taumatan Filistin apekka udde mannal᷊u'atta tantaran Duata apan biakka!” Wua'udde ya'u naiwal᷊o su sangkatou tantara, “Apate apan sarun ionggolla su taumata apan naapate taumatan Filistin udde wuṛṛu namappassa aal᷊uandaga wuassu Israel?”

TAHIUL᷊E 5:26

Apa piate taumata apan sidutu wiakka napawe naaringikka Mawu Ruata apan biakka udde mabbisara wuassu putungnga?

YEREMIA 23:37

I mangitou tumba'u wotongnge mabbisara su manga nabi, ‘Apa sasimbakku Mawu si'o? Apa apan niwisara Mawu?’

LAL᷊ALLU 2:14

Apan niapasingkattu manga nabi si'o, tumba'u aawusu wuṛṛu wawahia sassane. I mangitou taambe naasi'attu rosanu, na'oman sara ana waugu udde i'o maddiri mawal᷊u. Nawal᷊i'a i mangitou tumba'u mammasingkatta si'o manga wisara awusu apan maasarootta.