YEREMIA 23:29 - WUKE SUSI WATTI'U AL᷊AL᷊USASSA

²⁹ Wisara-U naal᷊ihidda putungnga, wuṛṛu ere darupa apan maaṛṛimunsa'a watu!

YEREMIA 23:29 Referans Kwoze

IBRANI 4:12

Wisaran Ruata eteudde wisara apan biakka wuṛṛu matohassa; maṛṛoroanna wuassu hal᷊el᷊e rorone ruam ba'a. Wisara udde uusippa ma'oman sara su wallatu niawa wuṛṛu ghaṛṛaho; ma'oman sara su wallattu manga passi'uanna wuṛṛu duṛṛin liudda, na'oman sara maasingkata al᷊al᷊ummu ṛingiranna wuṛṛu apulu naungngu taumata.

YEREMIA 5:14

Ana see Mawu Apan Lembontaṛṛino nabbisara si ya'u, “Yeremia, ana waugu manga taumata udde nabbisara aroddi, ne i mangitou sarun aṛṛiaannu asasilaka apan tumuṛṛutti mangitou tawe mariaddi. I Ya'u sarun ma'ola'a manga wisara-U ere putungnga sulal᷊ummu moṛṛongngu. Walahanna udde sarun maola'a ere anutungnga, wuṛṛu putungnga udde sarun manoṛṛobba si mangitou ma'oman sara masue.”

LUKAS 24:32

Unni mangitou sangkatou ringannu waine, “Wal᷊inewe pendamanna naungngi ite ere ola'u sussarootta, su tempo i Tou uahahattong kite su tangngan dal᷊anna, wuṛṛu nanal᷊a'an lal᷊oṛṛon Buke Susi si ite?”

YEREMIA 20:9

Arawe napawe sulal᷊ummu naungku i ya'u mabbisara, “Wala'e Mawu timbul᷊ianangkute, i ya'u maddirite lai maggahatto ringannu aran-Ne,” ne tanata-Nu naal᷊ihidda putungnga apan lukkenggamma sulal᷊ummu naungnga. I ya'u buatte naannamma manaṛṛangnga, arawe inauranna i ya'u tawe auatanna.

SONDAPPA 11:5

Amungkangu taumata ma'annama ma'ola'a inolaanna apan lal᷊eo si mangitou, ne wuassu moṛṛongi mangitou sumabbangke putungnga apan maapate manga seenne. Ringannu olangnge aroddi, anambon taumata apan ma'apulu mannansara si mangitou sarun iapate.

YOHANES 6:63

Apan maawiakka taumata eteudde Ghaṛṛahon Ruata. Atatohassu taumata tawe gunane. Manga wisara apan niwisara-U si yamiu indi eteudde wisara Ghaṛṛahon Ruata wuṛṛu manga wisara apan mangngonggolu wiakka.

WATTI'U MANGA RASUL 2:3

See i mangitou naasilo manga lila ere ṛenggammu putungnga mangngeekka su al᷊awo'u tampa wuṛṛu inumarunna si mangitou sangkatou-sangkatou.

WATTI'U MANGA RASUL 2:37

Napawe manga taumata udde naaringikka olangnge udde, naungngi mangitou u'ambul᷊isada. See i mangitou naiwal᷊o si Petrus wuṛṛu manga rasul apan baine, “Manga tuṛṛangnga apa ṛinone olaanni yami?”

HOSEA 6:5

Ana waugu udde i Ya'u nandolokku manga nabi-U iapapasingkatta si yamiu laṛṛawe-U manungku i yamiu ṛinone iṛṛuumanna wuṛṛu pateanna. Apan ipaapulu-U wuassi yamiu nasemakke wuṛṛu natualage: