YEREMIA 23:28 - WUKE SUSI WATTI'U AL᷊AL᷊USASSA

²⁸ Nabi apan nabbal᷊iawa ṛinone mabbisara, ‘Indi tumba'u wal᷊iawa.’ Arawae nabi apan naasomba tanata wuassia-U ṛinone mamasingkattu tanata udde ringannu atonna. Gandumma tawe iasul᷊ungngu laṛṛami.

YEREMIA 23:28 Referans Kwoze

1 TIMOTIUS 1:12

I ya'u maadiangkamanna si Kristus Yesus Mawun kite. I Tou suete nangonggolu atatohassa si'u ipangimbe si Tou, wuṛṛu i Tou mammendama manungku i ya'u wotongnge su manara udde,

2 KORINTUS 2:17

I yami tawe naal᷊ihida ere taumata nambo apan ma'ola'a Watti'u Ruata ere saranapa wal᷊u'anna. Manga pandumanni yami udde waresi, ana waugu i yami nirolokku Ruata. Wuṛṛu Ruata sassane ua'ellega manungku i yami mammasingkatu watti'a udde naola'a allangngi Kristus.

LUKAS 12:42

Mawu Yesus sinumimbakka, “Isai mangangimbe apan matuṛṛutta wuṛṛu pande ma'oman sara pileannu mawune maola'a tembonannu mangangimbe waine tadea'u i tou mappaanni mangitou su tempone?

MATIUS 24:45

Mawu Yesus nabbisara apia, “Amungkangngu aroddi, mangangimbe suapane apan matuṛṛutta wuṛṛu pande? Ete i tou sarun itenegu mawune maola'a tembonannu manga mangangimbe waine, tadea'u i tou mangagillu anna si mangitou su tempone.

AMSAL 14:5

Matatiala apan matul᷊idda sidutu mabbatti'u ṛinone, matatiala apan tawe apangimananna sidutu mammahia.

1 KORINTUS 4:2

Paarorone apan ṛaddeaanna wuassu mangangimbe aroddi, eteudde manungku i tou matuṛṛuta mawune.

YEREMIA 9:12

I ya'u naiwal᷊o, “Mawu, anio wanua indi niwala maṛṛagassa wuṛṛu mamara ere wadda'u anne na'oman sara tateddu ummatta isudde? Apa piaddu lembon pande huna massunna sarangkanambone indi? Ete si sai I'o nangonggollu tal᷊aane tadea'u i tou wotongnge mamasingkatta su taumata waine?”

YEREMIA 9:20

I ya'u nabbisara, “Paddaringikke manga wisara Mawu, ei wawine sarangkanambone! Su manga sinangiannu aṛṛa'en antarin lalal᷊o, su manga hawenu antarin asasusa.

YEREMIA 23:25

Sarangkanambone apan niwisara manga nabi udde i Ya'u masingkatte. Ringannu arang-Ku i mangitou mangngawusu manungku tanata-U buatte nisengkammi mangitou wuassu wal᷊iawa.

YEREMIA 42:4

I ya'u sinumimbakka, “Mapia amungkangngu aroddi. I ya'u manarimmattu darorongngu udde. I ya'u sarun umal᷊iomanna su Mawu Ruatang kite, wuṛṛu salaiwe apa sasimbak-Ke, i ya'u sarun mamasingkatta sarangkanambone udde si yamiu; saran sambau tawe ta'u iwuni si yamiu.”

YEHEZKIEL 13:3

Mawu Apan Atanggaṛṛanne nabbisara, “Nasilakate manga nabi apan woddo udde! Ṛingiranne nia'ompante wuassu tinnaune sassane pa'ellege tumaniten awusu atonna.

1 MARARATU 22:14

Arawe i Mikha sinumimbakka, “Ringannu arannu Mawu apan biakka, i ya'u tumba'u mamasingkatta apa apan niwal᷊on Mawu si ya'u!”

1 MARARATU 22:16

I Ahab sinumimbakka, “Amungkangngu i'o mabbisara si ya'u ringannu arannu Mawu, wal᷊oa'e ringannu atonna. Paapira i'o ta'u iappanaungnga su ola'u hatto udde?”

YESAYA 21:10

Pabbawala'u Israel! I'o buatte niṛṛamissa wuṛṛu niṛṛinda ere watun gandumma. Orassa indi ta'u iapasingkatta si'o watti'a mapia apan ta'u naringiṛṛanna wuassu Mawu Apan Lembontaṛṛino, Ruatan Israel.