YEREMIA 23:17 - WUKE SUSI WATTI'U AL᷊AL᷊USASSA

¹⁷ Su manga taumata apan maddiri maddaringikka manga wisara-U, i mangitou sidutu mabbisara, ‘I yamiu sarun masal᷊amatta.’ Wuṛṛu suapan taumata apan maatikka puane i mangitou mabbisara, ‘I'o sarun tawe maasomba silaka.’ ”

YEREMIA 23:17 Referans Kwoze

MIKHA 3:11

Manga tembonannu soa mammarenta ringannu maasomba roitta aonggolla, manga imam mangngaṛṛa'u titan Mawu tadea'u maasomba lal᷊antakke, wuṛṛu manga nabi maddorongnga tatantiro wuassu Ruata tadea'u maasomba roitta – ana see i mangitou sarangkanambone massunna manungku Mawu uasamba'a si mangitou. I mangitou nabbisara, “Mawu udde su pattangnganni ite; i ite sarun tawe aṛṛiannu asasilaka.”

YEREMIA 13:10

Walahanna apan dal᷊eo indi tumaniten maattikka wuṛṛu maddiri tumuṛṛutta si Ya'u. I mangitou mattaṛṛamawu wuṛṛu massubba manga mawu waine. Ana waugu udde i mangitou sarun maola'a ere nasa maautta apan tate gunane udde.

AMOS 9:10

Manga taumata marosa suwallattu uma-U nabbisara, ‘Ruata tawe mamalan kite aṛṛiaannu asasilaka.’ Arawe, wutte'e i mangitou sarun pateanna sulal᷊ummu pangalo.”

MIKHA 3:5

Walahangku niwahiannu manga nabi apan manni'attu apapia su taumata apan tawe mongonggolla. Su manga nabi aroddi, Mawu nabbisara,

YEREMIA 9:14

I mangitou puane maattikka wuṛṛu massubba manga paal᷊uanni Baal ere buatte niaṛṛa'u al᷊amona mangitou.

YEREMIA 8:11

Manga lessan uma-U su sunna mangitou tumba'u lessa addio'a. ‘Eh, tawe apa-apane,’ unni mangitou, ‘Sarangkanambone mapia wuṛṛu mal᷊angnganna.’ Wutte'e mangke tawe.

YEREMIA 5:12

Umattu Mawu maggahatton apa apan tawe suṛṛinone su ola'u Mawu. I mangitou nabbisara, “Eh, i Tou tawe ma'aola'a apa-apa. I ite tawe aṛṛiaannu asasilaka wuṛṛu tawe lai maapendamma pangalo wuṛṛu ṛutumma.

TAHIUL᷊E 29:19

Suwallatti yamiu apan naaringikka atoranna apan masahadda udde, imbaṛṛangnga piaddu maṛṛingidda manungku ola'u pabbiaṛṛanne sidutu mapia, salaiwe i tou ringannu apulun naungnge niumamatta su lal᷊anne sassane. Olangnge udde sarun maawinasa si yamiu sarangkanambone, manga taumata lal᷊eo ara'e lai taumata mapia.

ZAKARIA 10:2

Manga taumata apan maddorongnga tantatiro su manga paal᷊uanna wuṛṛu manga manani'atta, arawe manga sasimbakka apan niasombanganni mangitou uddewe awusu wuṛṛu mangke tawe loṛṛone. Piaddu mannal᷊a'an bal᷊iawa,arawe tatal᷊a'an mangitou tumba'u mangal᷊iwun kamiu, wuṛṛu lal᷊uassa apan nionggolle tawe pangaratianne. Ana waugu udde tumanangnge nassal᷊iawukka ere domba. I mangitou massusa ana waugu tawe piaṛṛangnge.

YEHEZKIEL 13:22

Manga taumata mapia apan maddiri Ta'u olaanna lal᷊eo, niadio'i yamiu naungnge ringannu wawahianu. Manga taumata lal᷊eo niola'i yamiu wahewalla naungnge tadea'u sidutu marosa wuṛṛu tawe iapaasal᷊amatta.

YEHEZKIEL 13:10

Ei manga nabi awusu! I yamiu buatte nangal᷊iwun uma-U ringannu mabbisara manungku sarangkanambone mal᷊angnganna wuṛṛu naatokke. Sumbal᷊i wutte'e mangke tawe! Uma-U buatte napararisikku tanda batu tela apan mal᷊oangnga addone, wua'udde i yamiu rumanta wuṛṛu mamuṛṛa.

YEREMIA 18:18

Taumata mabbisara, “Wette i ite ma'ammulle lumawangnga si Yeremia. Wal᷊ine tumba'u i tou apan botongnge maggahatton Duata. Sidutu sarun pia imam apan botongnge mangonggollu al᷊aṛṛa'a, pia taumata pande apan botongnge mangonggollu tatantiro; wuṛṛu pia nabi apan wotongnge mamasingkatta si ite manga tanata wuassu Ruata. Wette i ite mangalaen tou su mallaṛṛuungnga wuṛṛu lai maddirite maddaringikka manga wisarane.”

YEREMIA 6:14

Manga lessan uma-U antimanni mangitou tumba'u lessa addio'a. ‘Ah, tawe apane,’ unni mangitou, ‘sarangkanambone mapia wuṛṛu mal᷊angnganna.’ Sumbal᷊i tawe aroddi.

YEREMIA 3:17

Sutempo udde soan Yerusalem sarun isaggo, ‘Aianannu Mawu’, wuṛṛu anambon walahanna sarun ma'ammulla su soa udde massubba Mawu. I mangitou tate lai tumuṛṛutta apulu naungngi mangitou apan maattikka wuṛṛu lal᷊eo udde.

REENGANNA 11:20

arawe sambul᷊anna tuudda al᷊annune i yamiu u'inassa, ma'oman sara i yamiu rumadda'a wuṛṛu mammuta ana waugu inassa udde. Olangnge udde mariaddi ana waugu i yamiu buatte nanol᷊a'u Mawu apan udde su pattangnganni yamiu. Wuṛṛu ana waugu i yamiu buatte nilumuai su saruan-Ne wuṛṛu sunumal᷊iomanna manungku i yamiu buatte nanantangngu leta'u Mesir.”

1 TESALONIKA 4:8

Taumata apan tawe madaringikka al᷊aṛṛa'a indi wal᷊inewe tawe madaringikka taumata, arawe tawe madaringikka Ruata apan nangonggollu Ghaṛṛaho-Ne susi si yamiu.

LUKAS 10:16

See Mawu Yesus nabbisara manga mallal᷊aṛṛenggen-Ne, “Taumata apan madaringikka si yamiu, madaringikka lai si Ya'u. Taumata apan mannol᷊a'i yamiu, mannol᷊a-U lai. Wuṛṛu taumata apan mannol᷊a-U, mannol᷊a'i Tou lai apan nandolo-U.”

LAL᷊ALLU 2:14

Apan niapasingkattu manga nabi si'o, tumba'u aawusu wuṛṛu wawahia sassane. I mangitou taambe naasi'attu rosanu, na'oman sara ana waugu udde i'o maddiri mawal᷊u. Nawal᷊i'a i mangitou tumba'u mammasingkatta si'o manga wisara awusu apan maasarootta.

YEREMIA 7:24

Arawe i mangitou maddiri maddaringikka wuṛṛu maddiri massunna. Ewe'e lai i mangitou tuttuṛṛutta apulu naungngi mangitou sassane apan maattikka wuṛṛu lal᷊eo udde. I mangitou wal᷊inewe nabbal᷊i mapia ewe'e nabbal᷊i lembon maddal᷊eoanna.

YEREMIA 4:10

Wua'udde i ya'u nabbisara, “Mawu Apan Atanggaṛṛanne, I'o buatte namahia taumatan Yehuda wuṛṛu tumana'u Yerusalem! I'o nabbisara manungku sarun pia paddarame, wutte'e orassa indi niawan kami su pentakku hal᷊ele.”

YESAYA 57:21

Tawe atatammudda su taumata marosa,” wisara Mawu.

2 SAMUEL 12:10

Ana waugu i'o tawe tinumuṛṛutta si Ya'u wuṛṛu i'o nanganu awingngi Uria, ne suapan papapulunnu piaddu mate iapate.

1 SAMUEL 2:30

I Ya'u, Mawu Ruatan Israel, dorone buatte naddiandi, amonannu wuṛṛu ṛuangannu sarun mangimbe si Ya'u maola'a imam sarangkal᷊o'enge. Arawe orassa indi Ya'u maddiriten olangnge udde lai! Ana waugu apan mangngaddatta si Ya'u, sarun Ta'u addatanna arawe isai mallobbossa si Ya'u, sarun Ta'u lobbosanna lai.

MALEAKHI 1:6

Mawu Apan Lembontaṛṛino nabbisara su manga imam, “Sangkatou ana'a mangngaddatta iamangnge, wuṛṛu sangkatou mangangimbe mangngaddatta mawune. I Ya'u indi Iamangngu; anio i yamiu tawe mangaddatta si Ya'u? I Ya'u indi Tuangngu; anio i yamiu tawe mata'u-U? I yamiu mallobbossa si Ya'u, arawe i yamiu ma'iwal᷊o, ‘Ringannu olangnge ereapa i yami mallobbossa Si'o?’

ZEFANYA 1:12

Sutempo udde i Ya'u sarun manganu sasol᷊oanna, wuṛṛu mamarikissa Yerusalem. Sarun Ta'u iṛṛuumanna tumanangnge apan uapapadua udde see apan mammungan batanganne sassane, wuṛṛu apan maṛṛingidda manungku i Ya'u, Mawu tawe mammanara arendi ara'e aroddi.

YESAYA 30:10

I mangitou mabbisara su manga nabi, “Paal᷊annabba tutuwa'a moṛṛongnga! Arie pabbal᷊o si yami apa apan naṛṛino, ewe'e apa apan aapuluanni yami udde daringiṛṛanna. Wala'e i yamiu sidutu mabbal᷊iawa.

YEREMIA 18:12

Arawe i mangitou sarun sumimbakka, ‘Apa hunane? I yami sidutu mannan tuṛṛutta apulung kami sassane! I yami sambau-sambau sarun ma'ola'a apulun naungngi yami apan dal᷊eo!’ ”

YEHEZKIEL 13:19

I yamiu buatte nangaddio'a si Ya'u su saruannu uma-U tumba'u ana waugu see maasomba pirang kangkumma jelai wuṛṛu piran paddi roti. Manga taumata apan tawe sal᷊ane, nipateng kamiu arawe manga taumata apan ṛinone mate niwalang kamiu wiakka. Ana see i yamiu namahia uma-U wuṛṛu i mangitou nangimanna si yamiu.’ ”

MIKHA 2:11

I yamiu mappandumma nabi apan apulune mammahia wuṛṛu mallinga see mammasingkatta manungku i yamiu sarun maatahuanna anggore wuṛṛu ua'e apan maawu'anna nilumambalanna.”

TAHIUL᷊E 29:18

Nariaddi paatehamma imbaṛṛangnga pia sangkatou suwallati yamiu, esakka ara'e wawine, tuṛṛangnga ara'e ṛuanganna apan uarisikka isindi, tumal᷊iudda Mawu Ruatan kite wuṛṛu massubba manga Mawu balahanna waine. Inolaanna udde naal᷊ihidda ṛamutta apan tinumuwo naola'a sasuanna mapetta wuṛṛu ere pasangkada.