YEREMIA 23:14 - WUKE SUSI WATTI'U AL᷊AL᷊USASSA

¹⁴ Arawe su Yerusalem i Ya'u naasilo manga nabi ma'ola'a lembon al᷊al᷊eoanne lai. I mangitou mammahia wuṛṛu sussandaga, see mannasa taumata apan ma'ola'a al᷊al᷊eo, na;oman sara taweddu sangkatou apan mawal᷊u. Si Ya'u i mangitou sarangkanambone lal᷊eo ere tumana'u Sodom wuṛṛu Gomora.”

YEREMIA 23:14 Referans Kwoze

YEREMIA 29:23

Etearoddi ola'u wiakki mangitou ana waugu buatte na'ola'a manga rosa wahewalla su Israel: i mangitou sussandaga, wuṛṛu nappaattu arannu Mawu ipabbatti'u manga inolaanna awusu. Udde napapaṛṛalan apulu Mawu. I tou masingkattu apa apan a'olaanni mangitou, wuṛṛu i tou sassane nabal᷊i tialane lumawangnga si mangitou. Mawu buatte nabbisara.”

YEHEZKIEL 22:25

Manga piaṛṛangnge naal᷊ihidda singa apan mammassinga napawe tumambo wiakke. I mangitou mammate tumanangnge, mangngaṛṛo anambon darotongnga wuṛṛu pa'aala apan niasangkal᷊anni mangitou wuṛṛu naaola'a manambo wawine wal᷊u.

MIKHA 3:11

Manga tembonannu soa mammarenta ringannu maasomba roitta aonggolla, manga imam mangngaṛṛa'u titan Mawu tadea'u maasomba lal᷊antakke, wuṛṛu manga nabi maddorongnga tatantiro wuassu Ruata tadea'u maasomba roitta – ana see i mangitou sarangkanambone massunna manungku Mawu uasamba'a si mangitou. I mangitou nabbisara, “Mawu udde su pattangnganni ite; i ite sarun tawe aṛṛiannu asasilaka.”

YEREMIA 23:32

I Ya'u, Mawu, sarun mando'appa manga nabi apan mammasingkattu manga wal᷊iawane apan napenen awusu. I mangitou mangngal᷊iwun uma-U ringannu awusu wuṛṛu wawahia mangitou. I Ya'u tawe nandolokku manga nabi udde. I mangitou mangke tawe gunane su uma-U. I Ya'u, Mawu, buatte nabbisara.”

YEREMIA 14:14

Arawe Mawu sinumimbakka, “Manga nabi udde mangapiddu watti'a awusu ringannu arang-Ku; i Ya'u tawe nandolokki mangitou, wuṛṛu tawe lai nangonggollu parenta ara'e naggahatto mangitou. Manga aellegga apan iwabbatti'i mangitou wal᷊ine wuassia-U; i mangitou maṛṛangngo manga inolaanna tawe gunane apan iaarangnga sassane.

TAHIUL᷊E 32:32

Ana waugu i mangitou lal᷊eo ere Sodom wuṛṛu Gomora, ere punnu anggore apan mapetta wuṛṛu wuane ma'apate.

PANDARIADDI 18:20

Wua'udde Mawu nabbisara si Abraham, “Pia aalae apan wahewalla su Sodom wuṛṛu Gomora, wuṛṛu atonna paddarosa mangitou tumaniten manambo.

MATIUS 11:24

Paanaunge, su Allong Kiamatta, taumatan Sodom malluasanna ampungannu Ruata wuassi yamiu!”

ZEFANYA 3:4

Manga nabine tawe apendamma mandiaga wuṛṛu tawe apangimananna; manga iman mandal᷊eo apa apan niṛṛae su Mawu wuṛṛu mammal᷊elongngu manga titan Duata ipaddea'a auntunganni mangitou sassane.

YEREMIA 20:16

Wala'e i mangangapiddu watti'a udde ere manga soa apan niṛṛimunsa'u Mawu ringannu tawe aakkanna. Wala'e i tou maaringikka auaren atataddu'a su tempo marua'allo, wuṛṛu hahoressan pangalo su allattune.

PANDARIADDI 13:13

Soa Sodom udde wawanuannu manga taumata apan tumaniten dal᷊eo wuṛṛu marosa su saruannu Mawu.

SONDAPPA 22:15

Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.

SONDAPPA 21:8

Arawe taumata matal᷊o, taumata mandalal᷊eo, taumata mawunga, taṛṛa pate, taumata masandaga, taumata apan mappaattu wal᷊i'i mata, massubba paal᷊uanna, wuṛṛu taṛṛa wahia, sarun iramme sulal᷊ummu tahal᷊oangngu putungnga wuṛṛu belerangnga apan lukkenggama, eteudde papate aruane.”

SONDAPPA 19:20

Ne winatangnga udde niasametta suadio'a ringannu nabi awusu apan suete na'ola'a manga al᷊aṛṛindu'a su saruannu winatangnga udde. (Ringannu manga al᷊aṛṛindu'a uddewe winatangnga udde nangawusu manga taumata apan uatahuanna tatialam binatangnga udde, wuṛṛu manga taumata apan massubba paal᷊uannu winatangnga udde.) See winatangnga udde wuṛṛu nabi awusu udde niramme ta'e wiakka sulal᷊ummu tahal᷊oangngu putungnga apan lukkenggama ringannu belerangnga.

SONDAPPA 11:8

Wuṛṛu winal᷊unanni mangitou sarun iapatal᷊allada su amatannu soa wahewalla, suapa Mawu mangitou niarussa. Aranna sasanato'u soa udde, eteudde Sodom ara'e Mesir.

YUDAS 1:7

Naunge'o lai soa Sodom wuṛṛu Gomora wuṛṛu manga soa maranine, apan inolaannu tumanangnge ere lai inolaannu manga mala'ekatta udde. I mangitou sussanddaga wuṛṛu ma'ola'a al᷊al᷊eo, na'oman sara i mangitou niramme sulal᷊ummu putungnga apan tawe panginsueanne, tadea'u maola'a sambau pannanaunganna su anambon taumata.

2 PETRUS 2:6

Uasul᷊ungnga lai ere Sodom wuṛṛu Gomora: Ruata nanutungnga manga soa udde ringannu putungnga tadea'u maola'a tul᷊ada su ola'u apa apan sarun mariaddi su manga taumata lal᷊eo.

1 TIMOTIUS 4:2

apan niapaasingkatu taumata lilangkamal᷊e'a wuṛṛu taṛṛa wahia. Lal᷊ummu naungngu manga taumata udde marandumpe.

MALEAKHI 1:1

Eteindi tanatan Mawu si Maleakhi tadea'u iapapasingkatta su umattu Israel.

YEHEZKIEL 13:16

ei manga nabi awusu! I yamiu manni'atta manungku Yerusalem mal᷊angnganna wuṛṛu naatokke, sumbal᷊i atonna-tonna tawe!” Etearoddi wisara Mawu Apan Atanggaṛṛanne.

YEREMIA 23:17

Su manga taumata apan maddiri maddaringikka manga wisara-U, i mangitou sidutu mabbisara, ‘I yamiu sarun masal᷊amatta.’ Wuṛṛu suapan taumata apan maatikka puane i mangitou mabbisara, ‘I'o sarun tawe maasomba silaka.’ ”

YEREMIA 18:13

Mawu nabbisara, “Iwal᷊oi su anambon balahanna apa buatte nariaddi olangnge ereudde. Umattu Israel buatte na'ola'a sambau inolaanna apan ma'ata'utta!

YESAYA 9:15

Manga piaṛṛa'u walahannu udde buatte nangal᷊iwu wuṛṛu nanongkakku tumana'u soa.

YEREMIA 23:22

Unnuwisara i mangitou masingkattu apa apan sulal᷊ummu ṛingirang-Ku, natantunna i mangitou buatte nabbatti'a su uma-U sarangkanambone apan buatte Ta'u niwisara. Ne uma-U sarun mawal᷊u wuassu manga rosa wuṛṛu pallal᷊agune apan dal᷊eo.

YEREMIA 36:2

“Anute sambau buke lalul᷊unanna, wuṛṛu woṛṛeta'a isudde sarangkanambone apan buatte Ta'u niwisara si'o su ola'u Israel wuṛṛu Yehuda, wuṛṛu su ola'u al᷊awo'u walahanna. Woṛṛeta'e anambon wisara-U ro'en i Ya'u paarorone nabbisara si'o sutempo i Ratu Yosia uaparenta naddatingngu allo indi.

YEREMIA 49:18

Su ereapa Sodom wuṛṛu Gomora niṛṛimunsa'a suadio'a ringannu manga ampungnga maranine, aroddi lai Edom. Tawe saran sangkatou apan matana'a apia poiaroddi. I Ya'u, Mawu, buatte nabbisara.

YEHEZKIEL 13:19

I yamiu buatte nangaddio'a si Ya'u su saruannu uma-U tumba'u ana waugu see maasomba pirang kangkumma jelai wuṛṛu piran paddi roti. Manga taumata apan tawe sal᷊ane, nipateng kamiu arawe manga taumata apan ṛinone mate niwalang kamiu wiakka. Ana see i yamiu namahia uma-U wuṛṛu i mangitou nangimanna si yamiu.’ ”

HOSEA 6:10

Su Israel i Ya'u naasilo sambau apan maata'utta: uma-U mandal᷊eo watanganne ringannu massubba paal᷊uanna.

AMOS 4:11

Sambageanganna wuassi yamiu Ta'u pateanna ere lai i Ya'u namate Sodom wuṛṛu Gomora. Apan ta'e wiakka suwallatti amia uddewe naal᷊ihidda anutungnga sampaddi apan nianu wuassu putungnga. Salaiwe aroddi i yamiu ta'e lai maddiri mabbelengnga ringang-Ku.

ZAKARIA 13:2

Su allo udde sarun Ta'u pappasanna arannu manga paal᷊uanna wuassu leta'a indi, na'oman sara tate saran sangkatou apan mannaungnga. Anambon taumata apan mangnga'u watanganne nabi sarun Ta'u limbuaṛṛanna suadio'a ringanni mangitou apan niasuttanu ghṛṛaho mallinga.

PANDARIADDI 19:24

Inaṛṛombanganne Mawu nanossokku uranna belerangnga pia putungnge su Sodom wuṛṛu Gomora.

PANDARIADDI 19:25

Soa darua udde nisoṛṛoba, see lai ahewallu wawal᷊anne wuṛṛu anambon manga sasuanna ana see anambon tumana'u soa isudde.

YEREMIA 29:21

Mawu Apan Lembontaṛṛino, Ruatan Israel, buatte nabbisara su ola'i Ahab ana'i Kolaya, wuṛṛu su ola'i Zedekia ana'i Maaseya apan nappaattu arannu Mawu ipamasingkattu manga inolaanna awusu. Mawu nabbisara manungku i Tou sarun manantilli mangitou su taṛṛino Nebukadnezar ratun Babel, apan sarun mamate si mangitou su saruannu matanu.

LAL᷊ALLU 4:6

Uma'u buatte niṛṛuumanna mabbakkatanna wuassu tumana'u Sodom apan tumba'u sulal᷊ummu sangkaṛṛondapa naṛṛimunsa'u liman Duata ringannu tawe inolaannu taumata.

MIKHA 1:5

Sarangkanambone udde sarun mariaddi ana waugu taumatan Israel marosa wuṛṛu mammangalo su saruannu Ruata. Isaite apan naaola'a Israel marosa? Wal᷊inewe Samaria inangngu soane sassane? Isaite apan naaola'a Yehuda massubba paal᷊uanna? Wal᷊inewe Yerusalem sassane?