YEREMIA 23:13 - WUKE SUSI WATTI'U AL᷊AL᷊USASSA

¹³ Rosa manga nabin Samaria suelen niasiloang-Ku. I Ya'u naasilote. I mangitou mabbisara ringannu aranni Baal, wuṛṛu mangngal᷊iwun Israel uma-U.

YEREMIA 23:13 Referans Kwoze

YEREMIA 2:8

Manga imam taweddu maiwal᷊o suapa i Ya'u, Mawune. Manga mallaṛṛuungnga lai wagga isai Ya'u, manga tembonanne lai lullawangnga si Ya'u. Ringannu arannu Baal manga nabi mabbisara, wuṛṛu massubba paal᷊uanna apan tawe gunane.”

YESAYA 9:16

Walahanna udde nassina'adde wuṛṛu nal᷊al᷊eote wuṛṛu anambon wisara mangitou lal᷊eo. Ana waugu udde suwallattu manga umbasanna tawe saran sangkatou apan niapaal᷊iu Mawu. I tou tawe niumakkannu wawine wal᷊u wuṛṛu asisitimpal᷊ussa. Arawe Mawu ta'e massa'u wuṛṛu ta'e makkuumanna.

2 TAWARIKH 33:9

Manasye naaola'a tumana'u Yerusalem na'ola'a manga rosa maddal᷊eoanna wuassu rosa apan buatte niola'u manga walahanna apan nilimbuaṛṛannu Mawu wuassu Kanaan sutempo al᷊aṛṛana'u Mawu sinumutta su wanua udde.

1 MARARATU 18:40

Ne i Elia nabbisarate, “Sametta manga nabin Baal udde! Arie pabbala'a saran sangkatou ma'al᷊assangnga!” Ana see manga taumata udde nanametta manga nabin Baal udde, wua'udde i Elia nangapiddi mangitou watukku Sal᷊ukku Kison wuṛṛu poiaroddi i tou namate si mangitou sarangkanambone.

YEREMIA 23:32

I Ya'u, Mawu, sarun mando'appa manga nabi apan mammasingkattu manga wal᷊iawane apan napenen awusu. I mangitou mangngal᷊iwun uma-U ringannu awusu wuṛṛu wawahia mangitou. I Ya'u tawe nandolokku manga nabi udde. I mangitou mangke tawe gunane su uma-U. I Ya'u, Mawu, buatte nabbisara.”

YEREMIA 36:2

“Anute sambau buke lalul᷊unanna, wuṛṛu woṛṛeta'a isudde sarangkanambone apan buatte Ta'u niwisara si'o su ola'u Israel wuṛṛu Yehuda, wuṛṛu su ola'u al᷊awo'u walahanna. Woṛṛeta'e anambon wisara-U ro'en i Ya'u paarorone nabbisara si'o sutempo i Ratu Yosia uaparenta naddatingngu allo indi.

HOSEA 4:11

Mawu nabbisara, “Ei uma-U, mawae anggore tabbe ara'e anggore apan wakku buatte napaawul᷊in atatohannu ipaṛṛingidda ringannu mapia.

HOSEA 4:12

I yamiu maddorongnga tatantiro wuassu alu sampaddi! Ta'inna sambua mammasingkatta si yamiu apa apan apulu singkatanni yamiu! I yamiu naal᷊ihidda sangkatou awingnga apan sussandaga; i yamiu nanantang-Ku wuṛṛu nanantillu watangannu su manga mawu waine.

MIKHA 1:5

Sarangkanambone udde sarun mariaddi ana waugu taumatan Israel marosa wuṛṛu mammangalo su saruannu Ruata. Isaite apan naaola'a Israel marosa? Wal᷊inewe Samaria inangngu soane sassane? Isaite apan naaola'a Yehuda massubba paal᷊uanna? Wal᷊inewe Yerusalem sassane?