YEREMIA 23:10 - WUKE SUSI WATTI'U AL᷊AL᷊USASSA

¹⁰ Wanuan kite napanen taumata apan mal᷊awangnga Mawu. I mangitou mabbiakka lal᷊eo wuṛṛu massal᷊a paattu taṛṛino mangitou. Ana waugu tatal᷊a Mawu, nannal᷊o su wadda'a nabbal᷊i mamara wuṛṛu ahewallu wanua lullal᷊o.

YEREMIA 23:10 Referans Kwoze

DARALO 107:34

Leta'a masuwukka niolang-Nge wadda'u asimma, ana waugu al᷊al᷊eon manga taumata apan uawanua isudde.

YEREMIA 9:10

I ya'u, Yeremia, nabbisara, “I ya'u lumuaite wuṛṛu lumal᷊o ana waugu nannal᷊o su wadda'a wuṛṛu su manga wowone apan naṛṛangute wuṛṛu naṛṛaggassa see lai tate amatannu taumata. Tingikku winatangnga tate aringiṛṛanna lai, manu'u winalanganna wuṛṛu manga winatangnga waine tinumalangke wuṛṛu nawul᷊ite.”

YEREMIA 9:2

Unnu wisara su wadda'u anne wotongnge ta'u asangkal᷊anna tampa pattindahoannu taumata apan sulal᷊ummu amatanna! Ne i ya'u sarun manantangngu walahangku, wuṛṛu tumal᷊angke poiaroddi tadea'u mangindau wuassi mangitou. I mangitou sarangkanambone mandal᷊al᷊eo, sambau ammul᷊annu taumata apan mal᷊awangnga,

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

YESAYA 24:6

Ana waugu Mawu buatte namontoga runia wuṛṛu nakkuumannu tumanangnge ana waugu inolaanni mangitou. I mangitou nitutungnga, wuṛṛu tumba'u matul᷊u suwallatti mangitou apan nasal᷊amatta.

YAKOBUS 4:4

I yamiu udde taumata mal᷊awangnga! I yamiu masingkate manungku amungkangu i yamiu uahahawen dunia, ne i yamiu sarun maola'a seettu Ruata? Nariaddi isai-sai apan maola'a hawen dunia indi, i tou maola'a seettu Ruata.

IBRANI 13:4

Anambon taumata ṛinone mamasilon addatta su pa'a'awingnga, ana waugu udde ṛinone sangkawinganna warararingikka sangkatou ringannu waine. Taumata apan lal᷊eo wuṛṛu taumata masandaga sarun parikisannu Ruata.

1 TIMOTIUS 1:10

su manga taumata masandagga, esakka uaapulun esakka, maṛṛarampasa, taṛṛa wahia, matatiala awusu, wuṛṛu suapan taumata apan ma'ola'a inolaanna lullawangnga al᷊aṛṛa'a apan naṛṛino.

YOEL 1:10

Manga wawail᷊anna orassa indi nassongkakke. Leta'a lullal᷊o, ana waugu naṛṛangute al᷊awo'u gandumma namarate wuan anggore, wuṛṛu nasuete lanan zaitun.

YEREMIA 14:2

“Yehuda naungnge massusa manga soane maranite mate. Manga taumatane ual᷊allowangnga su leta'a wuṛṛu sussal᷊iomanna. Yerusalem mangngintul᷊i ma'iontolla.

YEREMIA 7:9

I yamiu manna'o, mammate, sussandaga, mattiala awusu, mangngongollu sasamba si Baal, wuṛṛu massubba manga monganna apan awagananni yamiu.

IMAMATTA 5:1

Sasamba ipangampungnga rosa ṛinone ionggola; Amungkangngu pia sangkatou taumata ringannu atonna niroronganna massakassi su mallaṛṛuungnga, arawe tawe nanal᷊a'an sarangkanambone apan buatte niasiloanna ara'e niaringiṛṛanne, na'oman sara i tou sarun mamasanna passasala udde.

YESAYA 5:18

Nasilakate i yamiu apan tawe illol᷊one ma'ola'a rosa!

YEREMIA 9:12

I ya'u naiwal᷊o, “Mawu, anio wanua indi niwala maṛṛagassa wuṛṛu mamara ere wadda'u anne na'oman sara tateddu ummatta isudde? Apa piaddu lembon pande huna massunna sarangkanambone indi? Ete si sai I'o nangonggollu tal᷊aane tadea'u i tou wotongnge mamasingkatta su taumata waine?”

YEREMIA 12:11

Ore, i Ya'u naasilo si mangitou na'ola'a wanua-U tampa mal᷊annabba wuṛṛu ma'asusa. Sarangkanambone niwala aroddi, taweddu mamadul᷊i.

HOSEA 7:4

I mangitou sarangkanambone taṛṛa awusu wuṛṛu taumata apan tawe satia. Ararantinni mangitou naal᷊ihidda putungnga sulal᷊ummu sungilla apan tawe niṛṛunuttu. Maaola'a roti tantal᷊anna tamponna taambe nasaddia lol᷊oanna.

EZRA 10:18

Eteindi arannu manga taumata apan pia awingnge wuassu walahannu raho: Manga Imam, nawoṛṛetta ringannu wawosoanne: Wawosoanni Yesua ringannu manga tuṛṛangnge, manga ana'i Yozadak: Maaseya, Eliezer, Yarib wuṛṛu Gedalya.

YEREMIA 6:13

I mangitou sarangkanambone, timmadde dario'a, maddea'a auntunganna ringannu lal᷊anna apan tawe suṛṛinone. Ewe'e lai nabi wuṛṛu imam mammahia taumata.

ZEFANYA 3:4

Manga nabine tawe apendamma mandiaga wuṛṛu tawe apangimananna; manga iman mandal᷊eo apa apan niṛṛae su Mawu wuṛṛu mammal᷊elongngu manga titan Duata ipaddea'a auntunganni mangitou sassane.