YEREMIA 22:9 - WUKE SUSI WATTI'U AL᷊AL᷊USASSA

⁹ Ana see taumata sarun sumimbakka manungku sarangkanambone udde nariaddi ana waugu i yamiu buatte nassina'addu pa'aireng kamiu si Ya'u, Ruatanu, wuṛṛu buatte nassubba see nattaṛṛamawu su mawu waine.”

YEREMIA 22:9 Referans Kwoze

2 TAWARIKH 34:25

I mangitou buatte nanantang-Ku wuṛṛu nangonggolu sasamba su manga mawu waine. Sarangkanambone apan buatte niola'i mangitou mangke naasa'u si Ya'u. I Ya'u nasa'u su Yerusalem, wuṛṛu asasa'u-U tawe umompo'a.

2 MARARATU 22:17

I mangitou buatte nanantangku wuṛṛu nangonggolu sasamba su manga mawu waine. Sarangkanambone apan niola'i mangitou naal᷊al᷊eo naung-Ku. I Ya'u nasa'u si Yerusalem, wuṛṛu asasa'u-U tawe al᷊imbatanna.

YEREMIA 50:7

I mangitou nitalliwunanna wuṛṛu nisansaran anambon taumata apan nassomba mangitou. Manga seettu uma-U mabbisara, ‘Apa apan niola'i ite, tawe sal᷊ane, ana waugu manga taumata udde narosate su lantakku hati Mawu. Al᷊amonan mangitou mangngimanna Mawu, nariaddi ṛinone lai i mangitou sidutu satia si Tou.’

1 MARARATU 9:8

Wal᷊en patataṛṛamawuanna indi sarun maola'a ere winal᷊al᷊anna niomboanna na'aman sara suapan taumata apan sumabbi isudde sarun ṛumindu'a wuṛṛu mata'utta. I mangitou sarun mabbisara, ‘Anio Mawu na'ola'a aroddi su wanua wuṛṛu su wal᷊en indi?’

YEREMIA 9:13

Mawu sinumimbakka, “Udde nariaddi ana waugu uma-U tate lai maddaringikka manga al᷊aṛṛa'a apan Ta'u nionggolla si mangitou. I mangitou tate tumuṛṛutta si Ya'u, wuṛṛu maddiri maddaringikka manga parenta-U.

YEREMIA 11:3

i Ya'u, Mawu Ruatan Israel, namontoga sisai-sai apan tawe tumuṛṛutta manga atorannu pa'aire-U udde.

YEREMIA 16:11

Wal᷊oa'e si mangitou manungku i Ya'u nabbisara arendi, ‘Al᷊amonanu buatte nanantang-Ku inai massubba wuṛṛu mattaṛṛamawu manga mawu waine. I mangitou tuttal᷊iudda si Ya'u wuṛṛu maddiri tumuṛṛutta manga atorang-Ku.

YEHEZKIEL 5:15

Amungkangngu i Ya'u masa'u wuṛṛu mannaungnga lal᷊eo si'o see makkuumannu, anambon araratuanna uapal᷊iwutta si'o sarun maapendamma atata'utta. I mangitou sarun mangal᷊uandaga si'o wuṛṛu mammuta maasilo si'o.

YEHEZKIEL 12:16

Sambageanganna addio'a wuassi mangitou sarun Ta'u iapasal᷊amatta wuassu papangalo, wuassu ṛutumma, wuṛṛu ṛiwutta, tadea'u su pattangngannu manga walahanna raho udde i mangitou sarun maatutukka manungku i mangitou buatte na'ola'a al᷊al᷊eo wahewa. Ne i mangitou sarun manga'u manungku ete i Ya'u Mawu.”

YEHEZKIEL 14:23

See lai i yamiu sarun maasunna manungku al᷊awo'u inolaang-Ku udde pia pangiananne. I Ya'u Mawu Apan Atanggaṛṛanne buatte nabbisara.”

YEHEZKIEL 39:23

Wuṛṛu anambon balahanna sarun maatutukka manungku taumatan Israel nirolokka su pamuanganna ana waugu rosa mangitou su saruang-Ku. I mangitou Ta'u nitantangnga wuṛṛu Ta'u niwala niawaddo manga seetta wuṛṛu nipate sulal᷊ummu pangalo.

TAHIUL᷊E 29:24

Ne ahewallu runia sarun maiwal᷊o, ‘Anio Mawu na'ola'a aroddi su wanua mangitou? Anio ana waugu i Tou aroddi ahewalle nasa'u?’

YEREMIA 11:10

I mangitou buatte na'ola'a rosa apan niola'u al᷊amona mangitou apan maddiri tumuṛṛutta si Ya'u, i mangitou massubba mawu waine wuṛṛu maddiri tumuṛṛutta parenta-U. Mawae Israel aroddi lai Yehuda lullawangnga paaire apan buatte Ta'u niola'a ringannu al᷊amonan mangitou.