YEREMIA 22:6 - WUKE SUSI WATTI'U AL᷊AL᷊USASSA

⁶ Si Ya'u, wal᷊en araratuannu Yehuda tumanite maṛṛansanga, ere aṛṛansangu leta'u Gilead wuṛṛu manga wowon Libanon; arawe tampa udde sarun Ta'u olaanna ere wadda'u anne apan tawe atanaannu taumata.

YEREMIA 22:6 Referans Kwoze

YESAYA 6:11

I ya'u naiwal᷊o, “Pira al᷊annune olangnge sarun iapaamatta, Mawu?” I Tou sinumimbakka, “Ma'oman sara manga soa mahohakka abbi sara tate tumatanangnge, manga wal᷊en tate atanaanna lai, wuṛṛu leta'a naola'a tawe loṛṛone wuṛṛu lol᷊okke,

DARALO 107:34

Leta'a masuwukka niolang-Nge wadda'u asimma, ana waugu al᷊al᷊eon manga taumata apan uawanua isudde.

MIKHA 3:12

Ana waugu al᷊aleonu udde, Sion sarun pajekoanna ere wawail᷊anna, Yerusalem sarun maola'a ombon winalal᷊anna, wuṛṛu wuiddu Wal᷊en Mawu mabbal᷊i mahurangnge.

YESAYA 27:10

Soa pia tanda'a watune udde nabbal᷊ite lallangoanna wuṛṛu nitantangnga ere wadda'a mal᷊alangnga apan tawe loṛṛone. Ammul᷊annu winatangnga papadul᷊iananna u'anna wuṛṛu mangngillol᷊o isudde lapiddu mangnginsue manga rongnga wuassu manga rannan kalu.

YEREMIA 26:18

“Sutempo i Hizkia naola'a ratun Yehuda, i Nabi Mikha wuassu Moresyet namasingkatta su tumanangnge wisara indi wuassu Mawu Apan Lembontaṛṛino, ‘Sion sarun pajekoanna ere wailla, Yerusalem sarun maola'a winal᷊al᷊anna, wuṛṛu wuiddu Wal᷊e Mawu sarun mabbal᷊i mahurangnge.’

YEREMIA 9:11

Mawu nabbisara, “Yerusalem Ta'u olaanna napapussa'a tampa pa'imbuniannu asun ahuranganna. Manga soan Yehuda sarun mabbal᷊i mal᷊annabba, tampa apan tate lai atanaanna.”

YEREMIA 7:34

Wanua indi sarun maola'a wadda'a lol᷊okka. Tingikku al᷊aluassa wuṛṛu tingikku andeangngu awingnga sarun Ta'u iaddo su manga soan Yehuda wuṛṛu su manga lal᷊annu Yerusalem.

PANDARIADDI 37:25

Tantal᷊anna i mangitou u'anna, inaṛṛombanganne i mangitou naasilo sambau ammul᷊annu taumatan Ismael apan tantal᷊an sulal᷊ummu amatanna wuassu Gilead watukku Mesir. Manga unta mangitou lal᷊uranannu manga rampa-rampa wuṛṛu anggore namarate.

YEREMIA 22:24

Mawu nabbisara si ratu Yoyakhin, ana'i Yoyakim ratun Yehuda, “Ringannu arang-Ku, Ruata apan biakka, i Ya'u mabbisara manungku salaiwe i'o si Ya'u ere sinsingnga meterai su lima uanang-Ku, arawe i'o sarun Ta'u sawutanna

YEREMIA 21:14

arawe i Ya'u sarun makkuumannu ana waugu inolaannu. Wal᷊en araratuannu sarun Ta'u soṛṛowanna, wuṛṛu al᷊awo'a maranine sarun masoṛṛobba lai. I Ya'u, Mawu, buatte nabbisara.”

YEREMIA 21:11

Mawu nandolo'u mamasingkattu tanata indi su amonanni ratun Yehuda, papapulunni Daud: “Paddaringikke si Ya'u, Mawu, mabbal᷊o. Pattinsahadde tadea'u atatul᷊idda sidutu ia'amatta miallo-miallo. Pallosa'e taumata apan a'allanganna wuassu taumata apan mangngallangnga. Amungkangngu tawe ne al᷊al᷊eo apan a'olaannu sarun mandantan asasa'u-U sussal᷊oi ere putungnga apan tawe iapaddumma.”

YEREMIA 4:20

Asasilaka nirumanta ualal᷊intuṛṛutta nanggohakku ahewallu wanua. Niaṛṛombanganne rasangku nihohakka, manga pampelene ringanna nihesa'a.

ANTARI MAWANTUGA 5:15

Leddane naal᷊ihidda manga diṛṛi wuassu marmar mawira, ringannu apampakke wul᷊awanna tutune. Saṛṛen baddangnge ere aṛṛansangu manga wowone su Libanon, wuṛṛu aṛṛamage naal᷊ihidda alu aras.

TAHIUL᷊E 3:25

Wala'awe i ya'u inai malliu Sal᷊ukku Yordan, oh Mawu, inai ma'ellega wanua apan masuwukka su samba'ane, leta'u panenteanna apan maṛṛamaga wuṛṛu Panenteannu Libanon.

REENGANNA 32:1

Manga ṛuanganni Ruben wuṛṛu i Gad uatahuanna manambo winatangnga. Napawe i mangitou naasilo aroddi apiane leta'u Yaezer wuṛṛu leta'u Gilead pabbuwunanna winatangnga,

ANTARI MAWANTUGA 4:1

I'o maṛṛamaga atonna, arangnguangku, atonna, i'o tumaniten maṛṛamaga. Matanu sulal᷊ummu tatindungu naal᷊ihidda merpati; utangngu naal᷊ihidda ammul᷊annu ambinga apan lullintukka su manga wuiddu Gilead.

YEREMIA 50:12

Arawe i yamiu sarun maola'a walahanna apan lembon tawe gunane suwallattu al᷊awo'u walahanna. Soanu sassane apan bahewalla udde sarun heloanna wuṛṛu pansilianna. Wanuanu sarun maola'a wadda'u anne apan maṛṛasa wuṛṛu mamara.

ZAKARIA 11:1

Ei Libanon, wu'ate manga ngaranu, tadea'u putungnga manoṛṛobba manga alu arasi yamiu!

YESAYA 37:24

I'o nandolokku daroloṛṛanna iapatal᷊imoṛṛonganna manungku ringannu manambo keretan pangalonu, i'o buatte namaddon manga wowone matanggakka su Libanon. I'o mammunga manungku i'o buatte nanuwangnga manga punnu cemara apan atanggaṛṛanne wuṛṛu maṛṛamaga, lapiddu sinumuṛṛi su manga mahurangnge apan aappal᷊anne.

YEREMIA 4:7

Naal᷊ihidda singa sinumabbangnga wuassu pa'imbunianne aroddi lai niumamatte mamamaddo manga araratuanna apan rumantate mamate Yehuda. Manga soan Yehuda sarun mallambe ete tuiddu wal᷊en tampa apan tawe atanaannu taumata.

YEREMIA 8:22

Apate apan naahal᷊ahe na'oman sara walahangku naddatingngu orassa indi taambe lai napia? Apa su ahewallu Gilead tawe doktere ara'e undamma?