YEREMIA 22:30 - WUKE SUSI WATTI'U AL᷊AL᷊USASSA

³⁰ “Taumata udde buatte nitantunna tadea'u awul᷊iannu al᷊aṛṛanangnge wuṛṛu sidutu tawe maaola'a wiakke. Wuassu papapulunne taweddu mahessi sulal᷊ummu mammarenta su Yehuda ere sangkatou ratu papapulunni Daud. I Ya'u, Mawu, buatte nabbisara.”

YEREMIA 22:30 Referans Kwoze

YEREMIA 36:30

Ana waugu udde, i Ya'u, Mawu, mabbisara si'o ei Ratu Yoyakim, manungku tawe saran sangkatou wuassu papapulunnu sarun mamarenta maola'a ratu wuassu papapulunni Daud. Winal᷊unannu sarun ituntungnga su liudde, iwati su paddissa sutempo allo, wuṛṛu wal᷊angngukka sutempo ṛabbi.

DARALO 94:20

I'o tawe maammulu manga mallaṛṛuunga lal᷊eo, apan manggol᷊agu al᷊al᷊eo ringannu sasarianne tita.

YEREMIA 10:21

I ya'u sinumimbakka, “Woddo manga piaṛṛa'i ite udde. I mangitou tawe maddorongnga tatantiro wuassu Mawu, ana waugu udde i mangitou naauntungnga wuṛṛu i ite nassal᷊iawu su anambon tampa.

YEREMIA 2:37

I yamiu sarun manantangngu Mesir ringannu sasassilla wuṛṛu asasili. I Ya'u, Mawu, buatte nanol᷊a'i mangitou apan ia'asakki yamiu; i yamiu sarun tawe maasomba auntunganna apa-apa wuassi mangitou.”

YEREMIA 29:32

wuṛṛu ana waugu i tou buatte nandolokki yamiu lumawangnga si Ya'u, ne i Ya'u sarun makkuumanni tou wuṛṛu papapulunne. Tawe saran sangkatou wuassu wallatti mangitou apan sarun matana'a suwallatti yamiu tadea'u ma'ellega manga inolaanna mangkapia apan sarun Ta'u olaanna su anambon uma-U. I Ya'u, Mawu, buatte nabbisara.”

YEREMIA 52:10

Su soa udde lai al᷊aṛṛanange nipate su saruannu matane, wuṛṛu anambon mangangumbelen pamamarenta su Yehuda lai nipate.

AYUB 18:19

Ana'a wuṛṛu papapulunna i tou tawe uatahuanna, su ampungnga niasungkanganne saran sangkatou taweddu nallambe.