YEREMIA 22:28 - WUKE SUSI WATTI'U AL᷊AL᷊USASSA

²⁸ I ya'u Yeremia nabbisara, “Apa i Ratu Yoyakhin buatte naola'a ere urinna napesangnga apan niramme wuṛṛu ipa'adirite lai? Ana waugu udde i tou wuṛṛu manga anangnge nilimbuaṛṛanna wuṛṛu niramme su wanua apan awagananni mangitou?”

YEREMIA 22:28 Referans Kwoze

HOSEA 8:8

Naal᷊ihidda urinna apan napesangnga, aroddi lai Israel apan tate gunane, wuṛṛu naola'a walahanna wiasa ere manga walahanna waine.

DARALO 31:12

I ya'u naola'a papal᷊age su anambon see'u, ewe'e lai su manga al᷊indongangku. Anambon hawe'u niṛṛumindu'a napawe naasilo si ya'u, i mangitou tumal᷊angnga napawe massomba'u su lal᷊anna.

YEREMIA 48:38

Roso su anambon sal᷊awon bal᷊e wuṛṛu su manga tana lapangnga tumba'u aaringiṛṛanna lal᷊uai. Ana waugu Moab buatte Ta'u nipesangnga ere wensadda apan ipaaddiri.

HOSEA 13:15

Salaiwe Israel mabbiakka sulal᷊umanna'a ere nannal᷊o apan masuwukka, arawe i Ya'u sarun mandolokku anginna ra'i apan mal᷊oso wuassu wadda'a mamara. Anginna udde sarun mapamanaran anambon al᷊imatan kua'e wuṛṛu manga paṛṛihi, ma'oman sara mawul᷊ite sarangkanambone apan maarega.

YEREMIA 22:30

“Taumata udde buatte nitantunna tadea'u awul᷊iannu al᷊aṛṛanangnge wuṛṛu sidutu tawe maaola'a wiakke. Wuassu papapulunne taweddu mahessi sulal᷊ummu mammarenta su Yehuda ere sangkatou ratu papapulunni Daud. I Ya'u, Mawu, buatte nabbisara.”

YEREMIA 17:4

I yamiu sarun ipabbawata'a manantillu leta'a apan buatte Ta'u nionggolla si yamiu, wuṛṛu i Ya'u sarun ma'ola'a si yamiu mattaṛṛamawu su seennu su wanua apan mangke awaganannu. I Ya'u na'ola'a sarangkanambone udde ana waugu asasa'u-U sinumopate ere putungnga apan lukkenggamma tawe iapaddumma.”

YEREMIA 15:1

Mawu nabbisara si ya'u, “I Ya'u tate umakkannu walahanna indi, salaiwe i Musa wuṛṛu i Samuel uarisikka isindi sumal᷊ande si Ya'u maiakkanna huna mangitou. Doloṛṛa'e walahanna indi massal᷊iu, i Ya'u maddirite ma'ellega si mangitou!

YEREMIA 14:18

Napawe i ya'u inai watukku wadda'a, i ya'u naasilo manga winal᷊unanna sol᷊on pangalo. Sulal᷊ummu soa i ya'u naasilo asasusa, taumata mateten al᷊al᷊unussa. Nabi wuṛṛu imam mappaamattu manarane ringannu tawe apa apan a'olaanni mangitou.”

2 SAMUEL 5:21

Tantaran Filistin tinumal᷊angnga ringannu tawe nangapiddu manga paal᷊uanna sassubbanni mangitou. Manga paal᷊uanna udde nianun Daud wuṛṛu tantarane.

2 TAWARIKH 21:20

Tawe saran sangkatou apan sinumassillu papatene. I tou nilabbinga su Soan Daud, arawe tawe sulal᷊ummu labbingu manga ratu. Sutempo i tou naola'a ratu, Yehoram uukke 32 su tonnane, wuṛṛu i tou namarenta su Yerusalem 8 su tonnane al᷊annune.

YEREMIA 22:27

I yamiu sarun maanaungnga wanua indi, arawe i yamiu tawe maawelengnga apia.”

YEREMIA 37:1

Sutempo i Nebukadnezar ratun Babel namarentin Yoyakhin, i tou namile si Zedekia ana'i Yosia naola'a ratun Yehuda.

YEREMIA 16:12

Arawe i yamiu ma'ola'a lembon al᷊al᷊eone lai. Puang kamiu maattikka wuṛṛu tumba'u tuttuṛṛutta apulunu sassane apan dal᷊eo. I yamiu tawe tumuṛṛutta si Ya'u.

YEREMIA 24:1

Su sambau tempo napawe i Yoyakhin ana'i Yoyakim ratun Yehuda suadio'a ringannu manga tembonannu pamarentan Yehuda, manga base wuṛṛu manga mammamanara apandeanne niapiddi Nebukadnezar ratun Babel, wuṛṛu niapidda naola'a niatawanna wuassu Yerusalem watukku Babel, Mawu nangonggollu sambau aellega si ya'u. I ya'u naasilo darua so'anna lal᷊oṛṛoannu wuan ara uaaddo su saruannu Wal᷊en Mawu.