YEREMIA 22:26 - WUKE SUSI WATTI'U AL᷊AL᷊USASSA

²⁶ I'o wuṛṛu inangngu sarun Ta'u limbuaṛṛanna wuṛṛu Ta'u iramme watukku wanua wal᷊ine niariaddiannu, wuṛṛu poiaroddi iraddua sarun nate.

YEREMIA 22:26 Referans Kwoze

YESAYA 22:17

Paaṛṛaddo, i Ya'u sarun mandammenu marau-rau. I'o sarun Ta'u attonganna wuṛṛu Ta'u lul᷊unanna ana see Ta'u ital᷊inggi ere bale watukku wanua apan bahewalla. Poiaroddi i'o sarun mate su sandiṛṛannu manga kereta ipammunganu. I'o buatte nandal᷊eo arannu ṛuangannu hagurangngu.

2 MARARATU 24:8

I Yoyakhin uukke 18 su tonnane, sutempo i tou naola'a ratun Yehuda, wuṛṛu i tou namarenta su Yerusalem tallu wul᷊anna al᷊annune. Inangnge aranne i Nehusta ana'i Elnatan, wuassu Yerusalem.

YEREMIA 10:18

Paassa indi Mawu sarun manuntungngu anambon walahannu Yehuda su pamamuanganna; i yamiu sarangkanambone sarun ṛimunsaan-Ne sara masue. Eteudde tanata wuassu Mawu.

YEREMIA 13:18

Mawu nabbisara si ya'u, “Doloṛṛa'a ratu wuṛṛu wo'i lumintukka wuassu adderan araratuanna, ana waugu makotane apan maṛṛansanga nanawite wuassu puane.

YEREMIA 16:13

Ana waugu udde, i yamiu sarun Ta'u limbuaṛṛanna wuassu wanua indi wuṛṛu Ta'u iramme su sambau wanua apan awagananni yamiu wuṛṛu al᷊amonanu. Poiaroddi i yamiu sarun mattaṛṛamawu allo ṛabbi su manga mawu waine, wuṛṛu i Ya'u tate umakkanni yamiu. ’ ”

YEREMIA 22:27

I yamiu sarun maanaungnga wanua indi, arawe i yamiu tawe maawelengnga apia.”

YEREMIA 28:4

I Ya'u lai sarun mangapidda apia i Yoyakhin ana'i Yoyakim ratun Yehuda suadio'a ringannu anambon tumana'u Yehuda apan buatte niapidda su Babel. Atonna, i Ya'u sarun mapaallomen atatohassu Babel. I Ya'u, Mawu, buatte nabbisara.”

YEREMIA 29:2

Suratta udde ta'u niwoṛṛetta napawe i Ratu Yoyakhin, inangnge, manga mammamanaran araratuanna, manga tembonannu araratuannu Yehuda wuṛṛu Yerusalem, manga base, wuṛṛu manga mapapande manara apan niapidda su pamuanganna.

YEREMIA 44:14

Wuassu taumatan Yehuda apan nallambe, apan inaite su Mesir matana'a poiaroddi, tawe saran sangkatou apan mal᷊iu ara'e mabbiakka. Tawe saran sangkatou wuassi mangitou sarun maawelengnga watukku Yehuda, salaiwe olangnge udde tumaniten ipaapulu mangitou. Atonna, taweddu maawelengnga tabbene'e manga pirang katou tumatal᷊angnga.”

2 MARARATU 25:27

Su allo rua pul᷊o pitune wul᷊anna mapul᷊o dua sulal᷊ummu tonna tallun pul᷊o pitu, napawe i Yoyakhin buatte niapidda watukku panamuanganna, i Ewil-Merodakh naola'a ratun Babel. Su tonna udde lai i tou napal᷊iatta'u darangngune si Yoyakhin, wuṛṛu namallosi tou wuassu tattupanna,

2 MARARATU 25:29

I Yoyakhin tate lai nalluṛṛen laubbu tattupanna wuṛṛu u'ante su wal᷊en araratuanna wuṛṛu lai nionggol᷊annu roitta ipabbiakke.