YEREMIA 22:21 - WUKE SUSI WATTI'U AL᷊AL᷊USASSA

²¹ I Ya'u buatte nabbisara si'o sutempo olangngu mapia, arawe i yami maddiri maddaringikka. Atonna etearoddi pallal᷊agunu ro'en dorone naddatingngu orassa indi; taambe saran paassa iemiu tumuṛṛutta si Ya'u.

YEREMIA 22:21 Referans Kwoze

YEREMIA 32:30

Ro'en pinanattaṛṛannu watti'i mangitou, taumatan Israel wuṛṛu taumatan Yehuda buatte na'ola'a si Ya'u tawe mal᷊uassa. I mangitou mapasabbangngu asasa'u-U ringannu manga inolaanni mangitou apan dal᷊eo.

YEREMIA 3:25

Nariaddi, wala'e i yami mamasanna asasili, wuṛṛu wala'e i yami mabbal᷊i lal᷊ebbone. Ana waugu, i yami wuṛṛu al᷊amonan kami narosate su lantakku hati Mawu Ruatang kami, wuṛṛu taambe saran paassa tumuṛṛutta manga parenta-Ne.”

YESAYA 48:8

I Ya'u masingkatta i'o tawe apangimananna, ro'en dorone i'o tinumelengnga mapontol᷊osanna. Ana waugu udde i'o waggan olangnge udde, tawe sampaddi wisara apan na'oma su tal᷊inganu.

AMSAL 30:9

Ana waugu, amungkangngu i ya'u ala, asinungka i ya'u sarun mabbisara manungku i ya'u tate mappandumma si'o. Wuṛṛu napawe i ya'u asiangnga, asinungka i ya'u sarun manna'o ma'oman sara mandal᷊eote aran-Nu.”

YEHEZKIEL 20:8

Arawe i mangitou lullawangnga si Ya'u wuṛṛu maddiri maddaringikka si Ya'u. I mangitou maddiri manddamme manga paal᷊uanna apan maarantinna udde wuṛṛu lai maddiri mangillol᷊o massubba manga paal᷊uanna wuassu Mesir. Sutempo i mangitou ta'e poiaroddi, i Ya'u nasaddiate mapasabbangngu asasa'u-U si mangitou.

YEREMIA 35:15

I Ya'u sidutu mandolokka ringanni yamiu anambon allang-Ku manga nabi, wuṛṛu i mangitou buatte nanantiro si yamiu tadea'u mamal᷊u pallal᷊agunu wuṛṛu tate ma'ola'a al᷊al᷊eo. I mangitou mapanaungnga si yamiu tadea'u ariete massubba manga mawu waine wuṛṛu tate mattaṛṛamawu si mangitou, tadea'u i yamiu wotongnge sidutu uatana'a su wanua indi apan buatte Ta'u nionggolla si yamiu wuṛṛu su al᷊amonanu. Arawe i yamiu maddiri mappandumma wuṛṛu maddiri maddaringikka si Ya'u.

YEREMIA 6:16

Mawu nabbisara uman-Ne, “Darisikke su pappengannu lal᷊anna, wuṛṛu panutudde paapia-pia! Pa'iwal᷊ote manga lal᷊annu al᷊amona, wuṛṛu suapa apan apianne suwallanne. Amatte su lal᷊anna udde, tadea'u i yamiu mabbiakka matammudda.” Arawe i mangitou nabbisara, “Tawe, i yami maddiri umamatta su lal᷊anna udde!”

YEHEZKIEL 20:28

I Ya'u nangapiddi mangitou su leta'a apan buatte niriandi-U si mangitou. Sutempo i mangitou maasilo manga wuidda apan matanggakka wuṛṛu manga aal᷊uanna apan mapaṛṛampunga, i mangitou mangonggollu sasamba su manga tampa udde. I mangitou napasa'u-U ana waugu manga sasamba itattambunna wuṛṛu anggore sasamba mangitou.

YEHEZKIEL 20:21

Arawe ingana'a saṛṛen tumuwo udde mal᷊awangnga si Ya'u. I mangitou lullawangnga manga tita-U wuṛṛu tawe maddaringikka manga parenta-U, apan maola'a wataṛṛu manungku taumata apan tuttuṛṛuta udde sidutu wiakka. I mangitou manggal᷊usa'a allon Sabat. Ana waugu udde i Ya'u nasaddiate mamallossu asasa'u-U su saruanni mangitou su wadda'u anne udde wuṛṛu mamate si mangitou sarangkanambone.

YEHEZKIEL 20:13

Arawe su wadda'u anne udde, i mangitou nilumawangnga manga parenta-U, wuṛṛu nanol᷊a'u manga tita-U apan maola'a wataṛṛu manungku taumata apan matuṛṛuta sidutu wiakka. I mangitou tumanite nanggal᷊usa'a allon Sabat. Ana waugu udde, su wadda'u anne udde i Ya'u nasaddiate mamallossu asasa'u-U su saruanni mangitou wuṛṛu mamate si mangitou.

YEREMIA 2:31

Ei umattu Israel, paddaringikke manga wisara-U indi. Apa i Ya'u buatte na'ola'a Israel ere wadda'u anne su saruanni yamiu ara'e leta'a apan wasa tuudda? Arawe anio i yamiu mabbisara manungku i yamiu mappulu mapallossa, wuṛṛu maddirite mabelengnga ringang-Ku?

2 TAWARIKH 33:10

Mawu nanaggu si Manasye wuṛṛu tumanangnge, arawe i mangitou maddiri maddaringikka.

TAHIUL᷊E 31:27

I ya'u masingkatta i mangitou puane mangke maatikka wuṛṛu apulune lullawangnga. Ro'en i ya'u ta'e wiakka lai i mangitou lullawangnga Mawu; nangillembo lai su allo addantane, napawe i ya'u natete!

TAHIUL᷊E 9:24

Ro'en i ya'u masingkatti yamiu, i yamiu sidutu lullawangnga Mawu.

TAHIUL᷊E 9:7

Paanaungete ereapa i yamiu na'ola'a Mawu Ruata nasa'u su wadda'a. Ro'en i yamiu nanantangngu Mesir na'oman sara i yamiu na'omate isindi, yamiu mannal᷊are Mawu.

DARALO 129:1

Aantarin patatembo. Israel, wal᷊oa'e ereapa i'o sassansarannu seetta ro'en i'o ta'e umbasanna.

YEREMIA 3:24

Pasasubba si Baal, paal᷊uanna apan ma'asili udde naaola'a i yami niawul᷊iannu manga ana'i yami see lai manga sapi wuṛṛu domba, eteudde al᷊awo'u inasaharannu al᷊amonang kami ro'en paarorone.

YEREMIA 13:10

Walahanna apan dal᷊eo indi tumaniten maattikka wuṛṛu maddiri tumuṛṛutta si Ya'u. I mangitou mattaṛṛamawu wuṛṛu massubba manga mawu waine. Ana waugu udde i mangitou sarun maola'a ere nasa maautta apan tate gunane udde.

YEREMIA 19:15

manungku Mawu Apan Lembontaṛṛino, Ruatan Israel, nabbisara arendi, “Ana waugu mal᷊awangnga wuṛṛu maddiri maddaringikka, ne i Ya'u sarun mandantan su soa indi wuṛṛu su anambon ampungnga maranine al᷊awo'u asasilaka apan buatte Ta'u nihol᷊aga.”

YEREMIA 48:11

Mawu nabbisara, “Ro'en dorone Moab mabbiakka matammudda. Taambe saran paassa i tou niapidda su pamuanganna. I tou ere ua'e anggore apan niwala niapaatiilla wuṛṛu tawe ilal᷊inna su tampan anggore waine. Anggorene ta'e mawangngi wuṛṛu matemangnga.

ZAKARIA 7:7

Eteudde apan niwal᷊on Mawu wuassu manga nabi sutempo nal᷊iu sutempo Yerusalem ta'e atatanaanna wuṛṛu tumanangnge su lal᷊umanna'a. Sutempo udde taumata wal᷊ine tumba'u uatana'a su manga ampungnga maranin soa arawe lai su wageangngu timukka wuṛṛu su wawal᷊annu manga wuidda su samba'an baṛṛetta.

YEREMIA 2:25

Israel, imbaṛṛangnga i'o tumal᷊angnga mangenggenna manga monganna, wuṛṛu imbaṛṛangnga mangintul᷊i mamaggo si mangitou, sal᷊immurine leddanu mal᷊essa wuṛṛu tonggol᷊annu mamara ana waugu marou. ‘Tawe, i ya'u tawe suṛṛinone maawelengnga,’ i'o mabbisara, ‘ana waugu i ya'u marangngu manga monganna, wuṛṛu mappulu tumantalongnga si mangitou.’ ”

YEREMIA 25:3

“Al᷊annune ruan pul᷊o su tonnane, ro'en tonna mapul᷊o tallu ro'en i Yosia ana'i Amon uaparenta Yehuda, naddatingngu allo indi, Mawu buatte nabbisara si ya'u wuṛṛu tate lai maabul᷊i mamasingkatta si yamiu apa apan buatte niwisara-Ne. Arawe i yamiu maddiri maddaringikka.

YEREMIA 25:4

Mawu lai sidutu mandoloka ringanni yamiu manga allang-Nge, arawe i yamiu tawe maddaringikka wuṛṛu tawe mappandumma si mangitou.

YEREMIA 25:7

Arawe Mawu sassane nabbisara manungku i yamiu tawe maddaringikka si Tou. I yamiu ewe'e napaarantan asasa'u-Ne ana waugu manga paal᷊uannu udde. Ete i yamiu sassane apan nandatan ṛuman-Ne su watangannu sassane.

YEREMIA 25:8

Ana waugu i yamiu maddiri maddaringikka manga wisara-Ne, ne Mawu Apan Lembontaṛṛino nabbisara,

ZEFANYA 3:2

Nasilakate soa apan maddiri manengkamma pananaungnga wuassu Mawu, wuṛṛu tawe lai maddaringikka manga tataggu-Ne, apan tawe manantillu ola'u pabbiaṛṛanne su Mawu, wuṛṛu tawe maiontolla si Tou!