YEREMIA 22:18 - WUKE SUSI WATTI'U AL᷊AL᷊USASSA

¹⁸ Ana waugu udde su ola'i Yoyakim ratun Yehuda, ana'i Yosia, Mawu nabbisara arendi, “Papate sarun tawe luaianna; taweddu mabbisara, ‘Uare, hawe'u, uare.’ Taweddu lumal᷊o ara'e niumui, ‘Naholo'a i tuangnga!’

YEREMIA 22:18 Referans Kwoze

YEREMIA 16:6

Taumata ala wuṛṛu taumata asiangnga su wanua indi sarun mate ringannu taweddu mallabbingngi mangitou. Taweddu saran sangkatou apan manansara watanganne ara'e mallunggukka puanne tatialan lullal᷊o mangitou.

1 MARARATU 13:30

Nabi timmade udde sassane nallabbingu winal᷊unanna udde, su lal᷊abbingannu amonanne, ana see i tou wuṛṛu manga anangnge nilumuain asuangnga udde. I mangitou mannisara: “Asusawe eteapa i'o, tuṛṛangku, uare!”

YEREMIA 22:10

Taumatan Yehuda, ariete massusa su papaten Ratu Yosia. Luaite si Yoahas anangnge esakka ana waugu i tou niapidde wuṛṛu tate mabbelengnga apia. Leta'a niasungkanganne tate ellehanne apia.

YEREMIA 16:4

I mangitou sarun mate amatannu sa'itta apan mangipiddi mangitou su papate, wuṛṛu i mangitou sarun mate sulal᷊ummu pangalo ara'e maten al᷊aṛṛutumma. Tawe saran sangkatou apan lumuai ara'e mallabbingngi mangitou. Winal᷊unanni mangitou sarun massal᷊iawukka ere pupukka su leta'a, wuṛṛu inasannu manu'u winalanganna wuṛṛu winatangnga mal᷊aṛṛaga.

YEREMIA 34:5

ewe'e mate ringannu matammudda. Wuṛṛu ereapa tumanangnge mannambunnu amania sutempo mallabbingu al᷊amonanu apan namarenta tantal᷊anna i'o taambe, aroddi lai tumanangngu sarun manambunnu amania hunanu. I mangitou sarun lumal᷊o wuṛṛu mabbisara, ‘Uare! Ratung kami natete!’ I Ya'u, Mawu, buatte nabbisara.”

2 TAWARIKH 35:25

Nabi Yeremia namoṛṛettu sambau aantari lal᷊al᷊o si Ratu Yosia. Naddatingngu orassa indi aantari udde ta'e ipappaattu mangangantari su Israel, mawae ete esakka aroddi lai wawine, su ipannaungnga i mangitou lullal᷊on Yosia. Aantari udde buatte niwoṛṛetta sulal᷊ummu ammul᷊annu aantarin lal᷊al᷊o.

2 SAMUEL 1:26

I Yonatan, ei tuṛṛangku, naungku massusa, ana waugu si ya'u, i'o tumaniten maarega. Darangngunu si ya'u lembon mawantuga, ewe'e lai nangillembo wuassu darangngun bawine.

2 MARARATU 23:6

Paal᷊uannu Dewi Asyera niapasabbangi tou wuassu, Wal᷊en Mawu, wuṛṛu niapidda su liuddu soa watukku Wawal᷊annu Kidron. Poiaroddi paal᷊uanna udde nitutunga, ana see munsinge tinumma'a al᷊ussa, wuṛṛu awune nisal᷊iawukka su labbingu awada'alla.

2 MARARATU 23:36

I Yoyakim uukke ruan pul᷊o l᷊ima su tonnane sutempo i tou naola'a ratun Yehuda, wuṛṛu i tou namarenta su Yerusalem 11 su tonnane al᷊annune. Inangnge aranne i Zebuda ana'i Pedaya wuassu soan Ruma.

2 TAWARIKH 36:5

Yoyakim uukke 25 su tonnane sutempo i tou naola'a ratun Yehuda, ne i tou namarenta su Yerusalem 11 su tonnane al᷊annune.

YEREMIA 22:12

I tou sarun nate su pamamuanganna, wuṛṛu sarun tate maasilo wanua indi apia.”

1 TAWARIKH 3:15

I Yosia pia siri appatta ana'a esakka; i Yohanan, i Yoyakim, i Zedekia wuṛṛu i Yoahas.

YEREMIA 21:11

Mawu nandolo'u mamasingkattu tanata indi su amonanni ratun Yehuda, papapulunni Daud: “Paddaringikke si Ya'u, Mawu, mabbal᷊o. Pattinsahadde tadea'u atatul᷊idda sidutu ia'amatta miallo-miallo. Pallosa'e taumata apan a'allanganna wuassu taumata apan mangngallangnga. Amungkangngu tawe ne al᷊al᷊eo apan a'olaannu sarun mandantan asasa'u-U sussal᷊oi ere putungnga apan tawe iapaddumma.”

YEREMIA 36:30

Ana waugu udde, i Ya'u, Mawu, mabbisara si'o ei Ratu Yoyakim, manungku tawe saran sangkatou wuassu papapulunnu sarun mamarenta maola'a ratu wuassu papapulunni Daud. Winal᷊unannu sarun ituntungnga su liudde, iwati su paddissa sutempo allo, wuṛṛu wal᷊angngukka sutempo ṛabbi.