YEREMIA 22:17 - WUKE SUSI WATTI'U AL᷊AL᷊USASSA

¹⁷ Arawe i'o, Yoyakim, al᷊aṛṛaene. I'o tumba'u maddea'a auntungannu sassane. I'o mammate taumata apan tawe sal᷊ane, wuṛṛu mangngallangnga tumanangngu ringannu maṛṛagissa.

YEREMIA 22:17 Referans Kwoze

2 PETRUS 2:14

I mangitou tawe illol᷊one ma'ola'a rosa, wuṛṛu al᷊utuanni mangitou ma'ellega wawine masandaga. Wuṛṛu taumata apan wakku mangngimanna wuṛṛu ta'e matul᷊u pangangimanne, wal᷊onotanni mangitou. Naungngi mangitou ninumarampen awawal᷊iu. Ete i mangitou udde taumata apan niawontohante!

YEHEZKIEL 19:6

Ana'u singa udde nabbal᷊i timmade wuṛṛu naggaweten manga singa waine. I tou massal᷊umma manametta wiakka, wuṛṛu nabbal᷊i taṛṛa inassa taumata lai.

YEREMIA 22:3

“Pammanarate ringannu atatul᷊idda wuṛṛu arie mangawusu. Pallosa'e taumata apan niallangnga wuassu taṛṛinon taumata apan mangngallangnga. Arie pangallangnga ara'e ma'ola'a lal᷊eo su taumata raho, ana'a asisitimpal᷊ussa, ara'e wawine wal᷊u. Arie mamate taumata apan tawe sal᷊ane sutampa indi.

2 MARARATU 24:4

nangillembo lai ana waugu anambon pamamate apan niolangnge su saruannu manga taumata apan tawe sal᷊ane. Mawu maddiri mangampunga si Manasye ana waugu inolaane udde.

YEHEZKIEL 33:31

I mangitou nirumanta manambo-nambo wuṛṛu ana waugu uma-U i mangitou niuma'ianna maddaringikka manga wisaranu, arawe apa apan niparentanu tawe tuṛṛutanni mangitou. Wiwikki mangitou tumba'u mapasabbangu wisaran pa'aapulu, arawe naungngi mangitou tumba'u maṛṛingiddu auntunganna.

DARALO 10:3

Taumata lal᷊eo tuttal᷊umama apulun taumata lal᷊eo, taumata wal᷊iu mantal᷊a wuṛṛu mannol᷊a'u Mawu.

2 PETRUS 2:3

Ana waugu i mangitou masaṛṛia'u, ne manga huru awusu udde sarun mabatti'a si yamiu manga watti'a iaaṛṛangnge sassane ana see maasomba auntunganna wuassi yamiu. Arawe pamamarikisanna apan maṛṛuumanni mangitou mal᷊annute nissaddia, wuṛṛu papate apan suete nitantuna si mangitou tantal᷊anna uaraṛṛaddo si mangitou.

KOLOSE 3:5

Ana waugu udde, tantanga'e paa'apulun dunia apan maawinasa ririnu, ere sandaga, manga inolaanna apan tawe matataṛṛino, apulu naungnga, tawe masabare, apulu apan lal᷊eo, wuṛṛu awawal᷊iu (ana waugu awawal᷊iu udde nassul᷊ungngu massubba paal᷊uanna).

1 KORINTUS 6:10

apan manna'o, apan wal᷊iu, apan taṛṛa wu'anna, apan taṛṛa umbilangngu taumata waine, wuṛṛu taṛṛa l᷊inga taumata waine – anambon taumata ereudde, tawe maola'a al᷊aṛṛana'u Ruata.

ROMA 1:29

Naungngi mangitou napenen al᷊awo'u al᷊al᷊eo, al᷊awo'u awusu; napenen awawal᷊iu, awawukku'a, wuṛṛu mannihikka taumata waine, napenen apulu mamate, uawawul᷊o, mallinga wuṛṛu mangngune. I mangitou apulune ma'umbilangngu taumata waine,

ZEFANYA 3:3

Manga tembonannu soa udde naal᷊ihidda singa apan mammasingnga. Manga mallaṛṛuungnge naal᷊ihidda manga serigala mal᷊unussa; i mangitou tumaniten bal᷊iu na'oman sara duṛṛi sampaddi lai tadewu itantangnga tiṛṛabbine.

AYUB 31:7

Unnuwisara i ya'u buatte sinumewadda wuassu lal᷊anna apan naṛṛino, ara'e naungku ninumemman al᷊al᷊eo, napawe lima'u nappeta'u rosa,

2 TAWARIKH 36:8

Watti'a waine su ola'i Yoyakim, nasutta lai manga inolaanne apan maṛṛagissa wuṛṛu manga al᷊al᷊eone, buatte niwoṛṛetta sulal᷊ummu wuke Watti'u Mararatun Israel wuṛṛu Yehuda. Yoyakhin anangnge naola'a ratu nallol᷊ossa si tou.

1 MARARATU 21:19

wuṛṛu wal᷊oa'a si tou manungku i Ya'u, Mawu, nabbisara arendi, ‘Buatte namate, mangaṛṛo lai! Ana waugu udde daṛṛanu sarun lewanu asu su tampan manga asu apan nallewa daṛṛan Nabot!’ ”

YOSUA 7:21

Su wallatu manga saranapa apan niapiddi ite, i ya'u naasilo sambau juba apan mapia atonna, niola'a su Babilonia, wuṛṛu lai sal᷊a'a awakkane iraṛṛangngo dua kilo, wuṛṛu sambua wul᷊awanna satenga kilo pia lebbene. I ya'u ma'apulu atonna manga saranapa udde, ne ta'u nianu wuṛṛu niwuni sulal᷊ummu leta'a su rasangku: sal᷊aane niaddo al᷊iu wowane.”

SASABANGNGA 18:21

Arawe su liuddu udde lai i'o ṛinone mamile manga pira taumata esakka apan pande, wuṛṛu manebbo'i mangitou maola'a piaṛṛa'u saṛṛiwu su atoune, maṛṛasutta su atoune, liman pul᷊o su atoune wuṛṛu mapul᷊o su atoune. I mangitou ṛinone manga taumata apan matta'utta wuṛṛu matuṛṛutta Mawu, wotangnge pangimananna wuṛṛu maddiri manengkamma aonggola.

AMSAL 24:2

I mangitou tumba'u maṛṛingiddu araṛṛagissa wuṛṛu tumba'u maggahatton apa apan maasilaka.

YESAYA 56:11

I mangitou naal᷊ihidda asu a'ombanganna apan tawe mal᷊aidda. Manga piaṛṛa'a udde tawe maasunna. Sangkatou-sangkatou ma'ola'a walate apulu naungnge wuṛṛu maddea'a auntunganne sassane.

YEREMIA 6:6

Mawu Apan Lembontaṛṛino buatte namarenta manga tembonanne tadea'u manuwangnga manga aaluanna wuṛṛu ipasi'a su manga wuidda pattillindumanna malliwunna Yerusalem. Mawu nabbisara, “Soa indi sarun Ta'u iṛṛuumanna ana waugu sulal᷊umme buatte niola'a manambo pangangallangnga.

YEREMIA 6:13

I mangitou sarangkanambone, timmadde dario'a, maddea'a auntunganna ringannu lal᷊anna apan tawe suṛṛinone. Ewe'e lai nabi wuṛṛu imam mammahia taumata.

YEREMIA 8:10

Ana waugu udde i Ya'u sarun mangonggollu wailla su manga mawun leta'a waine, wuṛṛu awingngi mangitou su taumata waine. I mangitou sarangkanambone, wahewalla addio'a, maddea'a auntungnganna ringannu lal᷊anne mammahia. Ewe'e lai manga nabi wuṛṛu imam mangngawusu taumata.

YEREMIA 17:11

Naal᷊ihidda manu'u winalanganna ruddaṛṛin tallukka wal᷊ine talluke, etearoddi lai taumata apan wengkolla naasomba darotongnga. Su uukka saṛṛen tumuwo i tou sarun awul᷊iannu anambon darotongnge. Su panginsueannu pabbiaṛṛanne natialanna i tou taumata apan tumaniten boddo.

YEHEZKIEL 18:12

I tou apulune mallinga taumata asiangnga, mangngaṛṛo, mangnganu saranapa wataṛṛun taumata apan nabballassa si tou. I tou inaite su manga kuillu taumata apan tawe maaillal᷊a Mawu wuṛṛu massubba paal᷊uanna apan ma'arantinna.

MIKHA 2:2

Amungkangngu i mangitou maapulun sambau wawail᷊anna, i mangitou sarun mangaṛṛo. Amungkangngu i mangitou maapulu sambau wal᷊en, i mangitou manganu wal᷊en udde. Mawae darotongnga ara'e lai amonanna, taweddu matamudda.

MIKHA 3:10

I yamiu namangunna Yerusalem, soan Duata, rapappakke pamamate wuṛṛu wawahia.

1 SAMUEL 8:3

Arawe itarua tawe nangaṛṛussa pallal᷊aghu iamangngi tarua, arawe tumba'u maddea'a auntunganna sassane. Itarua mannengkamma roitta aonggola wuṛṛu mammarikissa tumanangnge ringannu tawe su atatul᷊idda.

2 MARARATU 23:37

I Yoyakim na'ola'a lai rosa su Mawu ere al᷊amonane.

YEREMIA 7:6

Ariete lai mangallangnga taumata raho, ana'a asisitimpal᷊ussa, wuṛṛu manga wawine wal᷊u. Arie mamate taumata apan tawe sal᷊ane su wanua indi. Imbaṛṛangnga massubba manga mawu waine, ana waugu olangnge sarun maapate si yamiu.

YEREMIA 19:4

Olangnge udde Ta'u olaanna ana waugu walahanna indi buatte nanantang-Ku. I mangitou nandal᷊eo tampa indi ringannu mangngonggollu sasamba su manga monganna apan awagananni mangitou, awaganannu al᷊amona mangitou wuṛṛu manga ratun Yehuda. I mangitou lai buatte nalloṛṛo tampa indi ringannu daṛṛa manga taumata apan tawe sal᷊ane.

YEHEZKIEL 19:7

Manga tanda batu nirombane, manga soa nihohakke. Anambon tumana'u soa mangngiladda maaringikka tingikke apan maddallu'a.

YEHEZKIEL 19:9

I tou niapasuttate sulal᷊ummu uṛṛungu singa wua'udde niapidda watukku wanua Babel, niapasaruanna ratu. I tou tataṛṛapanna mapia tadea'u tingikke tate iaringikka apia doso su manga wuiddu Israel apan matanggakka.

YEHEZKIEL 22:6

Anambon piaṛṛa'u Israel mangngasakku atatohanne sassane wuṛṛu ma'ola'a pamamate.