YEREMIA 22:15 - WUKE SUSI WATTI'U AL᷊AL᷊USASSA

^15-16 Paddaringikka, ei Ratu Yoyakim! Amungkangngu i'o mapararisikku wal᷊en araratuanna ringannu alu cemaran Libanon apan apianne, apa udde tatialane manungku i'o ratu apan apianne wuassu manga ratu waine? Naunge'o iamangngu: i Tou mabbiakka su lal᷊umanna'a wuṛṛu mahessi sulal᷊ummu al᷊awo'u pinitanne, ana waugu i tou sidutu matul᷊idda wuṛṛu tawe awusune see makkuungngu hatton taumata asiangnga ringannu atatul᷊idda. Atonna etearoddi ṛinone inolaannu taumata apan masingkattu Mawu.

YEREMIA 22:15 Referans Kwoze

2 MARARATU 23:25

Taambe saran paassa pia ratu ere i Ratu Yosia apan matuṛṛutta Mawu ringannu ahewallu naungnge, napal᷊iatta'u pabbiaṛanne wuṛṛu pallal᷊agune, uasul᷊ungu anambon tita apan uawoṛṛetta sulal᷊ummu Wuken Musa. Manansunna si Ratu Yosia, tate lai ratu ere i tou.

YESAYA 3:10

Mawu nabbisara, “Pasingkata'e su taumata apan matuṛṛutta si Ya'u manungku i mangitou sarun su lal᷊umanna'a wuṛṛu sal᷊amatta. I mangitou sarun maatemma wuan inasaharanni mangitou.

MANNANASE 10:17

Lal᷊umanna'a wanua apan ratune pia saṛṛaungnge, apan tembonanne u'anna sutempone, tawe mabbu'anna wuṛṛu pande maṛṛaddannu watanganne.

AMSAL 25:5

Limbuaṛṛete manga mananantiro lal᷊eo wuassu wal᷊en araratuanna, wakkute udde araratuanna matohassu atatul᷊idda.

AMSAL 29:4

Amungkangngu tembonanne uaagassa atatul᷊idda, wanuane sarun matohassa. Arawe amungkangngu i tou wal᷊iun doitta, wanuane sarun manawo.

2 MARARATU 22:2

I Yosia pallal᷊agune maal᷊uassa naungngu Mawu. I tou nangaṛṛussa pallal᷊agun Ratu Daud al᷊amonane, wuṛṛu mappaamattu titan Duata ringannu ahewallu naungnge.

AMSAL 21:3

Inolanna apan matul᷊idda wuṛṛu naṛṛino lembon maal᷊uassa Mawu sul᷊ungnge wuassu al᷊awo'u sasamba.

1 MARARATU 10:9

Dalo so Mawu, Ruatan Tuangnga! Ringannu nanenegi Tuangnga naola'a ratun Israel, Mawu napal᷊iatta'a aroddi al᷊uanne i Tou si Tuangnga. Tawe panginsueanne i Tou mandangngu walahannu Israel; ana waugu udde i Tou namile si Tuangnga naola'a ratun mangitou, tadea'u i Tuangnga wotongnge mandisikku tita wuṛṛu atatul᷊idda.”

2 SAMUEL 8:15

Etearoddi i Daud namarenta ahewallu Israel wuṛṛu uariaga tadea'u tumanangnge sidutu paparentanna ringannu atatul᷊idda wuṛṛu apapia.

1 KORINTUS 10:31

Al᷊awo'u apa apan a'olaanni yamiu – tuṛṛangnga umanna ara'e tuṛṛangnga ma'inumma – ola'e sarangkanambone udde ipamantuga Ruata.

WATTI'U MANGA RASUL 2:46

Miallo-miallo i mangitou sidutu uaammulla su Wal᷊e Mawu; lapiddu u'anna suadio'a, ringannu lulluassa wuṛṛu masaṛṛionto'a su manga wal᷊e mangitou.

LUKAS 11:41

Apan sulal᷊ummu mangko wuṛṛu lamangngu udde, eteudde ṛinone ionggolli yamiu su taumata asiangnga. Ringannu olangnge aroddi, sarangkanambone sarun maola'a waresi hunane si yamiu.

YEREMIA 23:5

Mawu nabbisara, “Sarun a'omanna tempone, i Ya'u sarun manenegu sangkatou ratu apan matul᷊idda wuassu papapulunni Daud. Ratu udde sarun mamarenta ringannu masiṛṛongnga, wuṛṛu mapaamattu atatul᷊idda wuṛṛu atonna su ahewallu wanua.

YEREMIA 22:18

Ana waugu udde su ola'i Yoyakim ratun Yehuda, ana'i Yosia, Mawu nabbisara arendi, “Papate sarun tawe luaianna; taweddu mabbisara, ‘Uare, hawe'u, uare.’ Taweddu lumal᷊o ara'e niumui, ‘Naholo'a i tuangnga!’

YEREMIA 22:3

“Pammanarate ringannu atatul᷊idda wuṛṛu arie mangawusu. Pallosa'e taumata apan niallangnga wuassu taṛṛinon taumata apan mangngallangnga. Arie pangallangnga ara'e ma'ola'a lal᷊eo su taumata raho, ana'a asisitimpal᷊ussa, ara'e wawine wal᷊u. Arie mamate taumata apan tawe sal᷊ane sutampa indi.

YESAYA 33:16

Ne i yamiu sarun lal᷊u'aranna wuṛṛu amanna, ereola'u sulal᷊ummu tanda batu apan matohassa. Anna wuṛṛu ua'e uddete nasaddiate si yamiu.

YESAYA 9:7

Mawu buatte nangema'u ṛuumanna su araratuannu Israel.

MANNANASE 2:24

Taweddu mappianne su taumata wuassu anna, ua'e wuṛṛu mappaattu hessin inasaharanne. I ya'u natutukka manungku udde lai aonggollu Ruata.

AMSAL 31:9

Pammanarate hunan mangitou, wuṛṛu ariaddite mallaṛṛuungnga apan matul᷊idda. Lu'arewe taumata asiangnga wuṛṛu taumata apan nialangnga.”

AMSAL 20:28

Amungkangngu ratu mamarenta ringannu darangngu, atonna wuṛṛu matul᷊idda, ne i tou sarun sidutu uataṛṛino.

2 TAWARIKH 34:2

Inolaanni Yosia maal᷊uassa naungngu Mawu; i tou nangaṛṛussa si Ratu Daud iupungnge, wuṛṛu matuṛṛutta anambon titan Duata ringannu ahewallu naungnge.

1 TAWARIKH 3:15

I Yosia pia siri appatta ana'a esakka; i Yohanan, i Yoyakim, i Zedekia wuṛṛu i Yoahas.

TAHIUL᷊E 4:40

Paatuṛṛutte anambon tita apan ta'u nionggola si yamiu allo indi, ne i yamiu wuṛṛu papapulunnu sarun mal᷊uassa wuṛṛu sidutu mabbiakka su wanua apan nionggolu Mawu Ruatanu maola'a pussaanu saran mal᷊annu-l᷊annu.”

YEREMIA 7:5

Wal᷊ute ola'u pabbiaṛṛannu wuṛṛu pallal᷊agunu. Pa'ola'e atatul᷊idda sangkatou ringannu waine.

2 TAWARIKH 35:22

Arawe i'o Yosia mangke maapulu lumawangnga, wuṛṛu maddiri tumuṛṛutta wisaran Duata wuassi Ratu Nekho. Yosia namal᷊u hati ana see napapangalo lai su wawal᷊annu Megido.

2 TAWARIKH 35:26

Watti'a waine su ola'i Yosia, su ola'u darangngune su Mawu, wuṛṛu tatuṛṛunne su manga titan Mawu,