YEREMIA 22:14 - WUKE SUSI WATTI'U AL᷊AL᷊USASSA

¹⁴ Nasilakate lai taumata apan mabbisara, “Sarun ta'u iapararisikka wal᷊en araratuanna apan bahewalla ringannu manga wabbo'a apan mal᷊alangnga su rengkenne rosone,” ana see wal᷊en araratuanna udde niola'anne jendela ringannu wingkene wuassu alu cemaran Libanon, wuṛṛu niwuṛṛannu maṛṛamutta.

YEREMIA 22:14 Referans Kwoze

2 SAMUEL 7:2

Ne ratu nabbisarate si Nabi Natan, “Pa'ellege, i ya'u indi uatana'a su wal᷊en araratuanna apan niola'a wuassu alu cemara wuassu Libanon, sumbal᷊i Wantallu Pa'airen Duata tumba'u sasahipunanna sulal᷊ummu rasanna!”

HAGAI 1:4

“Ei uma-Ku, apa temponate i yamiu matana'a sulal᷊ummu wal᷊en apan matohassa wuṛṛu ma'uatta, ewe'e Wal᷊e-U ta'e ere manga tuidda?

MALEAKHI 1:4

Unnuwisara papapuluunni Esau, maga taumatan Edom udde mabbisara, “Manga soan kami buatte niṛṛimunsa'a, arawe i yami sarun ma'ola'a apia,” ne Mawu sarun sumimbakka, “I mangitou wotongnge ma'ola'a apia, arawe i Ya'u sarun mapaaṛṛa'a apia. I mangitou sarun isaggo ‘Wanuan al᷊al᷊eo’ wuṛṛu ‘Walaganna apan niaṛṛiaannu asasa'un Mawu saran mal᷊annu-l᷊annu.’ ”

DANIEL 4:30

i ya'u nabbisara, “Pa'ellege, apiawe eteapa soa Babel! Eta i ya'u apan na'ola'a nabbal᷊i inangngu araratuanna ipammasingkattu taṛṛino wuṛṛu atatoha'u, awawantuga wuṛṛu atatelengku!”

YESAYA 9:9

“Manga gedunga ara'e wal᷊en wahewalla wuassu tela leta'a naṛṛaate, arawe i yami sarun ma'ola'a manga wal᷊en wakku wuassu watu. Manga alu ara buatte nituwangnga, arawe sarun hantianni yami ringannu alun cemaran Libanon apan apianne.”

ANTARI MAWANTUGA 1:17

Alu aras maola'a diṛṛi wal᷊en kadua, wuṛṛu alu cemara olaanna lotengnge.

AMSAL 24:27

Imbaṛṛangnga mapararisikku putunganna tantal᷊anna i'o taambe nanaddia wawail᷊annu wuṛṛu taamben mammanara.

AMSAL 17:19

Taumata apan apulune su rosa, i tou apulune lai uatatiakka. Taumata apan tal᷊immoṛṛonganna, maddea'a papate.

2 TAWARIKH 3:5

Wabbo'a paarorone nirandungannu alu cemara apan apianne wuṛṛu nioossu wul᷊awanna maarega. Su aoossu wul᷊awanna udde niuitannu hambarannu alu palem wuṛṛu hambarannu ṛate.

YEHEZKIEL 23:14

Mallannu lembon marosate i Oholiba. I tou tumaniten niawono'annu manga hambaranna apan ni'uitta su darandungnga, wuṛṛu niwuṛṛannu ringannu wawuṛṛa maṛṛamu ere daṛṛa. Manga hambaranna udde maola'a hambarannu manga piaṛṛa'u tantaran Babel ringannu papeṛṛenne apan maṛṛansanga uawa'issa pua apan pia aelene.

AMOS 6:8

Ringannu maṛṛagissa Mawu Apan Lembontaṛṛino wuṛṛu Atanggaṛṛanne buatte nangonggollu pananaungnga indi, “I Ya'u maddantinnu atatanggakku umattu Israel; i Ya'u tawe mal᷊uassa ringannu manga wal᷊en araratuanni mangitou apan mangkapia. Inangngu soan mangitou ringannu sarangkanambone apan sulal᷊umme sarun Ta'u itantilla su seetta.”