YEREMIA 22:13 - WUKE SUSI WATTI'U AL᷊AL᷊USASSA

¹³ Nasilakate taumata apan mapararisikku wal᷊ene ringannu mallinga wuṛṛu manggewalla ringannu wawahia. Nasilakate i tou apan nandolokku taumata mammanara ringannu tawe lal᷊antakke.

YEREMIA 22:13 Referans Kwoze

YAKOBUS 5:4

I yamiu tawe namaekka lal᷊antaku manga taumata apan mammanara su wawail᷊annu. Orassa indi paddaringikke sasal᷊iomanni mangitou! Manga taumata apan nangammullu wuan bawail᷊annu, mangngintul᷊i ma'iontolla wuṛṛu aintul᷊in mangitou na'omate su tal᷊ingan Duata, Ruata Lembon Mataṛṛino.

MIKHA 3:10

I yamiu namangunna Yerusalem, soan Duata, rapappakke pamamate wuṛṛu wawahia.

IMAMATTA 19:13

Imbaṛṛangnga mangallangnga sansul᷊ungngu ara'e mangaṛṛo saranapane. Lalantaku sangkatou apan mammanara ringannu arie pattaṛṛange, salaiwe tumba'u saṛṛabbi.

MALEAKHI 3:5

Unnu Mawu Apan Lembontaṛṛino, “I Ya'u sarun dumanta ringannu tadea'u makkuungnga. I Ya'u sarun masasaṛṛawutta maola'a matatiala su manga taṛṛa wal᷊i'in mata, manga taumata apan masandaga, apan mattiala awusu, wuṛṛu inolaanne mallinga sulal᷊ummu mangonggollu bawaekke su taumata mammanara, apan mangngallangnga manga wawine wal᷊u, asisi timpal᷊uassa, wuṛṛu manga taumata raho, su saruannu anambon taumata apan tawe mangaddatta si Ya'u.”

YEREMIA 22:18

Ana waugu udde su ola'i Yoyakim ratun Yehuda, ana'i Yosia, Mawu nabbisara arendi, “Papate sarun tawe luaianna; taweddu mabbisara, ‘Uare, hawe'u, uare.’ Taweddu lumal᷊o ara'e niumui, ‘Naholo'a i tuangnga!’

2 TAWARIKH 36:5

Yoyakim uukke 25 su tonnane sutempo i tou naola'a ratun Yehuda, ne i tou namarenta su Yerusalem 11 su tonnane al᷊annune.

YESAYA 5:8

Nasilakate i yamiu apan namalli manga wal᷊en wuṛṛu nangaṛṛo manga wailla ipanimu darotongngu! Tate mal᷊annu lai masuete tampan taumata waine wuṛṛu ete i yamiu apan matana'a su wanua udde.

YEREMIA 17:11

Naal᷊ihidda manu'u winalanganna ruddaṛṛin tallukka wal᷊ine talluke, etearoddi lai taumata apan wengkolla naasomba darotongnga. Su uukka saṛṛen tumuwo i tou sarun awul᷊iannu anambon darotongnge. Su panginsueannu pabbiaṛṛanne natialanna i tou taumata apan tumaniten boddo.

TAHIUL᷊E 15:13

Allangnga apan niapasabbangke udde tawe wotongnge iapaapul᷊e ringannu tawe ul᷊ene.

AYUB 31:39

unnu wisara hessine nasue ta'u nianna, wuṛṛu mabbawailla apan nassuanna niwala mal᷊unussa,

HABAKUK 2:12

Niawontohante i'o! I'o napararisikku soa ringannu pinangiananne al᷊al᷊eo wuṛṛu namangunna ringannu pamamate.