YEREMIA 21:14 - WUKE SUSI WATTI'U AL᷊AL᷊USASSA

¹⁴ arawe i Ya'u sarun makkuumannu ana waugu inolaannu. Wal᷊en araratuannu sarun Ta'u soṛṛowanna, wuṛṛu al᷊awo'a maranine sarun masoṛṛobba lai. I Ya'u, Mawu, buatte nabbisara.”

YEREMIA 21:14 Referans Kwoze

YEREMIA 32:19

Manga ṛiin-Nu tawe sul᷊ungnge, wuṛṛu manga inolaannu maatiangnga; I'o maasilo al᷊awo'a apan a'olaanu taumata, wuṛṛu mabbal᷊issa si mangitou uasul᷊ungngu inolaanni mangitou.

AMSAL 1:31

Ana waugu udde, i yamiu sarun maapendamma pangillul᷊eannu manga inolaannu wuṛṛu manga hol᷊agu apan dal᷊eo.

YEREMIA 52:13

I Nebuzaradan nanoṛṛobba Wal᷊e Mawu, wal᷊en araratuannu ratu, wuṛṛu anambon bal᷊en taumata mapiane su soan Yerusalem.

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

2 TAWARIKH 36:19

I tou nanggohakku darandungngu soa Yerusalem, wuṛṛu nanoṛṛobba soa udde, nasutta lai Wal᷊en Mawu wuṛṛu wal᷊en araratuanna suadio'a ringannu manga saranapa maarega apan ta'e sulal᷊ummu wal᷊en araratuanna udde.

YEREMIA 9:25

Mawu nabbisara, “Sarun a'omanna tempone i Ya'u makkuumannu taumata Mesir, Yehuda, Edom, Amon, Moab wuṛṛu tumana'u wadda'u anne apan namol᷊o utangnge. I mangitou sarangkanambone sunatanna ere taumatan Israel, arawe mawae i mangitou ara'e walahannu israel maola'a ere manga taumata apan tawe nisunatta, ana waugu i mangitou tawe tumuṛṛutta su pa'aire apan niwal᷊on sunatta udde.”

ZAKARIA 11:1

Ei Libanon, wu'ate manga ngaranu, tadea'u putungnga manoṛṛobba manga alu arasi yamiu!

YEREMIA 22:7

Sarun Ta'u irolokka taumata iapahohakku udde. I mangitou sarun mangapiddu wal᷊iungnga wuṛṛu maṛṛa'an manga diṛṛine apan maṛṛansanga apan niola'a wuassu alu cemaran Libanon. Wua'udde i mangitou sarun mallombo su putungnga.

YEREMIA 11:22

Ana waugu udde, Mawu Apan Lembontaṛṛino nabbisara, “I Ya'u sarun makkuumanni mangitou! Manga taumata dario'i mangitou sarun nate sulal᷊ummu pangalo, wuṛṛu al᷊aṛṛana'i mangitou sarun nate amal᷊unusanna.

YEREMIA 6:29

Auntapanna mal᷊osote, arawe tain logamma tawe lai tumuro wuṛṛu mawul᷊i. Tawe gunane uma-U sidutu sassal᷊u'atanna tadea'u mawaresi, ana waugu manga taumatane apan dal᷊eo tawe niapasal᷊iu.

YESAYA 37:24

I'o nandolokku daroloṛṛanna iapatal᷊imoṛṛonganna manungku ringannu manambo keretan pangalonu, i'o buatte namaddon manga wowone matanggakka su Libanon. I'o mammunga manungku i'o buatte nanuwangnga manga punnu cemara apan atanggaṛṛanne wuṛṛu maṛṛamaga, lapiddu sinumuṛṛi su manga mahurangnge apan aappal᷊anne.

YESAYA 24:21

Sutempo udde Mawu sarun makkuumannu manga tembonannu winalanganna wuṛṛu manga ratu su runia.

YESAYA 10:12

Arawe Mawu nabbisara, “Amungkangngu apa apan Ta'u olaanna su Wuiddu Sion wuṛṛu Yerusalem udde nuddusse, i Ya'u sarun makkuumannu ratun Asyur ana waugu awawungane wuṛṛu atatanggakke.”

YESAYA 10:16

Waugu taumatan Asyur buatte namungan batanganne, Mawu Apan Lembontaṛṛino sarun mandantan al᷊aṛṛusa'itta ipakkuumannu manga tembonannu tantara apan matohassa. I mangitou sarun mamendamma sal᷊ihangnga apan matanggakka ere putungnga apan sidutu mannutungnga.

YEREMIA 11:16

I Ya'u buatte nanaggon mangitou punnu zaitun apan uasaṛṛihalo, napene manga wuane apan mangkapia. Arawe, orassa indi ringannu tingikka ruddalu'a apan ma'ikkatta sarun Ta'u soṛṛowanna manga rongngane wuṛṛu Ta'u paddianna anambon rannane.

YEREMIA 17:27

Sarangkanambone udde sarun matipussa napawe i yamiu matuṛṛutta si Ya'u wuṛṛu maṛṛaen allon Sabatta udde si Ya'u. Arie mamasanna saran sambau saranapa umamattu ngara pasallangannu Yerusalem su allo udde. Amungkangngu i yamiu lumawangnga manga parenta-U, manga ngara pasallangannu Yerusalem see manga wal᷊en araratuanne sarun Ta'u soṛṛowannu putungnga ma'oman sara masue wuṛṛu udde tawe iapaddumma.’ ”

YEREMIA 22:1

Mawu nandolo'u inai watukku wal᷊en araratuannu ratun Yehuda, papapulunni Daud, iapapasingkattu tanata Mawu su ratu, wuṛṛu su manga mammanaran araratuanne, see tumana'u Yerusalem. Eteindi manga wisara Mawu si mangitou,

YEREMIA 46:23

wuṛṛu nallol᷊okka mahurangnge maappalla apan tawe aamatanna. Tantaran seetta tawe iareengnga, mannamboanna wuassu saṛṛapalanna. I Ya'u, Mawu nabbisara.

YEREMIA 50:32

Walahannu apan mawunga udde sarun matara wuṛṛu mawal᷊atta. Tawe saran sangkatou apan mantul᷊ungngu dumarisikka. Manga soanu sarun Ta'u soṛṛowanna, wuṛṛu al᷊awo'a maranine sarun ṛimunsaanna.”

LAL᷊ALLU 2:3

Sulal᷊ummu asasa'u-Ne apan lukkenggamma, atatohassu Israel nipaddi-Ne. Sutempo i ite nipangaloannu seetta, i Tou mappau mangonggollu aontolla. Naal᷊ihidda putungnga sussal᷊oi mannoṛṛobba al᷊awo'a, etearoddi Mawu nasa'u si ite sarangkanambone.

AMSAL 12:14

Suapan taumata maasomba lal᷊antakku manga wisara wuṛṛu inolaanne; sangkatou-sangkatou onggol᷊annu wawal᷊inne ere buatte niolangnge.

YEREMIA 6:19

Panutukke, ei runia! Uma-U maddiri manengkamma al᷊aṛṛa-U wuṛṛu maddiri tumuṛṛutta si Ya'u. Maola'a pangillul᷊eannu hol᷊agi mangitou i Ya'u nandantan asasilaka si mangitou.

YEHEZKIEL 21:3

manungku i Ya'u, Mawu, nabbisara arendi, ‘I Ya'u indi seennu. I Ya'u sarun manawutta hal᷊ele-U wuṛṛu mamate si yamiu sarangkanambone, apan dal᷊eo ara'e lai mapia.

MIKHA 7:13

Arawe runia sarun mabbal᷊i lol᷊okka ana waugu al᷊al᷊eon tumanangnge.