YEREMIA 20:5 - WUKE SUSI WATTI'U AL᷊AL᷊USASSA

⁵ Seetti mangitou sarun Ta'u iwala lai mangaṛṛo wuṛṛu mangapidda watukku Babel anambon paa'alan soa indi, see lai anambon pussa'ane, ewe'e lai manga saranapa pussa'an ratun Yehuda.

YEREMIA 20:5 Referans Kwoze

YEHEZKIEL 22:25

Manga piaṛṛangnge naal᷊ihidda singa apan mammassinga napawe tumambo wiakke. I mangitou mammate tumanangnge, mangngaṛṛo anambon darotongnga wuṛṛu pa'aala apan niasangkal᷊anni mangitou wuṛṛu naaola'a manambo wawine wal᷊u.

YEREMIA 15:13

Mawu nabbisara si ya'u, “I Ya'u sarun mandolokku seetta iapaṛṛootta pa'aala wuṛṛu darotongngu uma-U maola'a ṛuumanna su manga rosan mangitou su ahewallu wanua.

LAL᷊ALLU 1:10

Al᷊awo'u darotongnge buatte niaṛṛon manga seenne. I tou ewe'e lai ṛinone ma'ellega si mangitou sumutta Wal᷊en Duata, sambau inolaanna apan isassingaddu Mawu su taumata apan wal᷊ine uman-Ne.

YEREMIA 17:3

wuṛṛu su manga wowone su liuddu soa. Ana waugu anambon tampa pasasubbanna paal᷊uanna apan buatte nilanginni yamiu su ahewallu wanua wuṛṛu ana waugu al᷊awo'u rosa apan buatte niola'i yamiu, ne i Ya'u sarun ma'ola'a manga seennu mandootta al᷊awo'u darotongnga wuṛṛu pa'aalanu.

2 TAWARIKH 36:10

Su panggahanti tonna, i Ratu Nebukadnezar nangapidi Yoyakhin watukku Babel naola'a sangkatou taumata niatawanna, wuṛṛu manga saranapa maarega su Wal᷊en Mawu niapiddi tou lai. Wua'udde i Nebukadnezar namile si Zedekia, tuṛṛangngu iamangngu i Yoyakhin, naola'a ratu su Yehuda wuṛṛu Yerusalem.

DANIEL 1:2

Mawu namalan tou namaddon Ratu Yoyakim wuṛṛu nagaṛṛo sambageanganna wuassu manga saranapa apan marega su Wal᷊en Mawu. Manga taumata apan niatawanne, niapiddi tou watukku kuillu monganne su Babel, wuṛṛu manga saranapa maarega apan niaaṛṛone, nisahipunna sulal᷊ummu manga gudangngu kuilla udde.

LAL᷊ALLU 4:12

Su wallattu manga ratu wuṛṛu tumana'u runia tawe saran sangkatou apan mangngimanna manungku manga ngaran soa Yerusalem wotongnge asuttannu seetta.

LAL᷊ALLU 1:7

Napawe nanawote wuṛṛu nasansarate, Yerusalem nanaungnga tempo nanangkal᷊iu, sutempo i tou ta'e manambo darotongnga; ereapa tumanangnge nanawo su liman seetta, wuṛṛu tawe saran sangkatou nirumanta massumbala. Manga ro'amme tumba'u lullage maasilo ananawone.

YEREMIA 39:8

Tantal᷊anna udde manga taumatan Babel nanoṛṛobba wal᷊en araratuanna wuṛṛu manga wal᷊en tumana'u soa, see lai naṛṛa'a manga darandungngu Yerusalem.

YEREMIA 39:2

Su allo assione wul᷊anna aiappanne tonna mapul᷊o assa sutempo i Ratu Zedekia uaparenta, darandungngu soa nihohakku seetta,

YEREMIA 12:12

Wuassu samba'an wadda'u anne su panenteanna, manga taumata nirumanta maddea'a mangaṛṛo. I Ya'u nandantan pangalo panggohakku ahewallu wanua ma'oman sara tate sangkatou apan botongnge mabbiakka su paddarame.

YEREMIA 4:20

Asasilaka nirumanta ualal᷊intuṛṛutta nanggohakku ahewallu wanua. Niaṛṛombanganne rasangku nihohakka, manga pampelene ringanna nihesa'a.

YEREMIA 3:24

Pasasubba si Baal, paal᷊uanna apan ma'asili udde naaola'a i yami niawul᷊iannu manga ana'i yami see lai manga sapi wuṛṛu domba, eteudde al᷊awo'u inasaharannu al᷊amonang kami ro'en paarorone.

YESAYA 39:6

‘Sarun a'omanna tempone anambon pa'aala sulal᷊ummu wal᷊en araratuannu, wuṛṛu apan buatte niammullu al᷊amonanu naddatingngu allo indi, iapidda watukku Babel. Taweddu matantangnga.

YEREMIA 32:24

Manga taumatan Babel buatte napararisikku manga tanda'a batu palliwunanna mipamal᷊iwutta soa huna ipangaṛṛo, wuṛṛu orassa indi i mangitou mammangalote. Pangalo, ṛutumma, wuṛṛu al᷊aṛṛusa'itta maola'a pangillul᷊ennu soa indi manawo su lima mangitou. I'o maasilo manungku sarangkanambone apan niwisara-Nu nilumiatta'e.

HOSEA 13:15

Salaiwe Israel mabbiakka sulal᷊umanna'a ere nannal᷊o apan masuwukka, arawe i Ya'u sarun mandolokku anginna ra'i apan mal᷊oso wuassu wadda'a mamara. Anginna udde sarun mapamanaran anambon al᷊imatan kua'e wuṛṛu manga paṛṛihi, ma'oman sara mawul᷊ite sarangkanambone apan maarega.