YEREMIA 20:18 - WUKE SUSI WATTI'U AL᷊AL᷊USASSA

¹⁸ Anio i ya'u ṛinone iasungkangnga? Tumba'u iapaasusa wuṛṛu iapaasahadda? Wuṛṛu tadea'u wia'u mal᷊iudda sidutu mangke sulal᷊ummu asasili?

YEREMIA 20:18 Referans Kwoze

AYUB 3:20

Anio taumata sidutu niwala mabbiakka susa? Anio semakka nionggolla su taumata apan massusa?

LAL᷊ALLU 3:1

Ete i ya'u taumata apan buatte namendamma asasusa, ana waugu niaṛṛiaannu asasa'un Duata.

AYUB 14:1

Ro'en niasungkangnga taumata udde lome, tawe maal᷊ore; uukke maautta see lai napenen asasusa.

DARALO 69:19

Rantate panal᷊amatta si ya'u, pallosa'a i ya'u wuassu manga see'u.

IBRANI 13:13

Ana waugu udde, wette i ite inai ringanni Tou su liuddu padasananna wuṛṛu mamendama aal᷊uandaga suadio'a ringanni Tou.

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.

IBRANI 11:36

Piaddu lai a'al᷊uandahanna, pappuul᷊anna, niṛṛapussu ṛate wuṛṛu tinaṛṛo su tuttupanna.

IBRANI 10:36

I yamiu ṛinone masabare, tadea'u i yamiu wotongnge mapa'ola'a apulun Ruata wuṛṛu ringannu aroddi yamiu manengkamma apa apan suete nipa'iren Tou.

2 TIMOTIUS 1:12

Ana waugu udde i ya'u natataṛṛangu sarangkanambone indi, arawe i ya'u sidutu mangngimanna, ana waugu i ya'u masingkata atonna, isai apan pangimanangku. I ya'u mangantimma manungku apa apan suete nitantilli Tou si ya'u, i Tou lai wotongnge maariaga udde saran Allon Kiamatta.

WATTI'U MANGA RASUL 5:41

Manga rasul udde nanantangngu Mallaṛṛuungngu Agama ringannu lulluassa ana waugu Ruata suete na'ola'a si mangitou naasomba aal᷊uandaga ana waugu Mawu Yesus.

YOHANES 16:20

Pangimante, i yamiu sarun lumuai wuṛṛu sumangitta, arawe runia sarun lumuassa. Naungngi yamiu sarun masusa, arawe asasusanu udde sarun mawal᷊u maola'a al᷊al᷊uassa.

LAL᷊ALLU 1:12

“Ei manga taumata apan niumamatta su lal᷊anna, pa'ellege wuṛṛu panutukke! Piawe asasusa apan ahewalle ere papasannanangku orassa indi, asasusa apan niṛṛia'u Mawu si ya'u, ana waugu asasa'u-Ne apan tumatine nilumambalanna udde?

YEREMIA 8:18

Naungku na'iṛṛitta wuṛṛu maṛṛagge, asasusa'u tawe aundumanna.

YESAYA 51:7

Paddaringikke si Ya'u, ei pabbawala-Ku, i yamiu masingkattu apa apan naṛṛino; al᷊aṛṛa-U sasahipunanna sulal᷊ummu naungngu. Arie paata'utta amungkangngu i yamiu eetannu taumata, arie passinggawanga amungkangngu i yamiu al᷊uandahanni mangitou.

YESAYA 1:6

Wuassu pua maddatingngu pal᷊addu ledda taweddu mapia su waddangngu. I yamiu napenen manga hanne, manga liwitta wuṛṛu manga lessa. Manga lessanu udde taambe niwaresi ara'e niwa'issa, tawe lai niundamannu lana.

AYUB 14:13

Wunia'a i ya'u sulal᷊ummu runian taumata nate; lu'arewe i ya'u maddatingngu I'o tate lai mamul᷊o. Arawe tantuna'e tempo tadea'u ipannaungnga watangangku.

AYUB 5:7

Wal᷊ine! Ewe'e ete taumata udde sassane apan nandantan asasilaka su waddangnge, naal᷊ihidda ṛente'u bunga api nilumapputta wuassu putungnge sassane.

DARALO 102:3

Ariewe mangindau'u napawe i ya'u sulal᷊ummu asasusa. Daringiṛṛewe napawe i ya'u sumal᷊ande, wuṛṛu simbakkawe si ya'u ringannu mal᷊ihakka.

YEREMIA 3:25

Nariaddi, wala'e i yami mamasanna asasili, wuṛṛu wala'e i yami mabbal᷊i lal᷊ebbone. Ana waugu, i yami wuṛṛu al᷊amonan kami narosate su lantakku hati Mawu Ruatang kami, wuṛṛu taambe saran paassa tumuṛṛutta manga parenta-Ne.”

YEREMIA 15:10

Soewe atonna i ya'u indi! Apa hunane inangku nanungkangku? Ringannu anambon taumata su wanua indi i ya'u mangke uatatiakka wuṛṛu uawawisara. Salaiwe i ya'u tawe saran paassa napawallassa wuṛṛu nabballassa, arawe i ya'u niwontohannu anambon taumata.

HABAKUK 1:3

Anio niwala-Nu i ya'u ma'ellega aroddi anambone al᷊al᷊eo? Ṛatadde I'o maataṛṛangnga maasilo aroddi anambone pallal᷊awangnga? Su al᷊awo'u tampa pia araṛṛimunsa'a wuṛṛu araṛṛagissa, pabbawawul᷊o wuṛṛu pattatiakka.

1 MARARATU 19:4

ana see niumamatta watukku wadda'a lol᷊okka al᷊annune allo massallo wuṛṛu nangillol᷊o su sambau punnu alu apan masindumunna. Isudde i tou inuma'ianna wuṛṛu pendamanna i tou mappul᷊ute nate. “I ya'u tate maataṛṛangnga lai, Mawu,” wisarane su Mawu. “Alape niawa'u. I ya'u tawe mapianne wuassu al᷊amona'u!”

YEREMIA 15:18

Anio i ya'u sidutu mangke uatataṛṛangnga? Anio lessa'u mangke tawe mapia? Apa I'o pia pandumma mangaddio'a naungku ere sal᷊ukka apan nabbal᷊i mamara sutempon paddissa?”