YEREMIA 20:16 - WUKE SUSI WATTI'U AL᷊AL᷊USASSA

¹⁶ Wala'e i mangangapiddu watti'a udde ere manga soa apan niṛṛimunsa'u Mawu ringannu tawe aakkanna. Wala'e i tou maaringikka auaren atataddu'a su tempo marua'allo, wuṛṛu hahoressan pangalo su allattune.

YEREMIA 20:16 Referans Kwoze

YEREMIA 18:22

Doloṛṛa'e manana'o rumanta ringannu tawe bawal᷊one su wal᷊e mangitou, ma'oman sara i mangitou mangintul᷊in atata'utta. I mangitou buatte naal᷊i loṛṛangnga tadea'u i ya'u manawo sulal᷊umme, wuṛṛu i mangitou buatte nantaingngu sedda ipanametta si ya'u.

TAHIUL᷊E 29:23

Manga wawail᷊annu sarun maola'a wadda'a lol᷊okka tataapannu belerangnga wuṛṛu asimma. Letangnge tate asuananna wuṛṛu manga ahuranganna maddirite tumuwo isudde. Wanuanu sarun maola'a ere manga soa Sodom wuṛṛu Gomora, Adma wuṛṛu Zeboim apan nihohakku Mawu su tempo i Tou mangke nasa'u.

YUDAS 1:7

Naunge'o lai soa Sodom wuṛṛu Gomora wuṛṛu manga soa maranine, apan inolaannu tumanangnge ere lai inolaannu manga mala'ekatta udde. I mangitou sussanddaga wuṛṛu ma'ola'a al᷊al᷊eo, na'oman sara i mangitou niramme sulal᷊ummu putungnga apan tawe panginsueanne, tadea'u maola'a sambau pannanaunganna su anambon taumata.

2 PETRUS 2:6

Uasul᷊ungnga lai ere Sodom wuṛṛu Gomora: Ruata nanutungnga manga soa udde ringannu putungnga tadea'u maola'a tul᷊ada su ola'u apa apan sarun mariaddi su manga taumata lal᷊eo.

LUKAS 17:29

Arawe napawe i Lot sinumabangnga wuassu Sodom, allo udde putungnga wuṛṛu belerangnga nanawo wuassu langitta wuṛṛu namate si mangitou sarangkanambone.

ZEFANYA 2:9

Ringannu arang-Ku apan wiakka, Ruatan balahannu Israel, i Ya'u sarun manahangginna ma'oman sara mawaresi Moab wuṛṛu Amon ere lai Sodom wuṛṛu Gomora. Manga wanua udde sarun mapenen manga paṛṛihin asimma wuṛṛu manga tuidda tate maṛṛa'a apan tinumuwo su ṛapusi'a ṛoaanna. Lamben uma-U apan naal᷊assangnga sarun mangaṛṛo tumanangnge, wuṛṛu manganu leta'i mangitou.”

ZEFANYA 1:16

Su al᷊o'engngu allo udde aringiṛṛanne tingikku trompetta wuṛṛu hahoressan pangalo wuassu manga atumannaṛṛanne apan mammangalo manga soa pia tanda'a watune wuṛṛu manga candi matanggakka.

YUNUS 4:2

Wua'udde i tou inumal᷊iomanna, “Oh Mawu, wal᷊inewe buatte ta'u niwal᷊o tantal᷊anna taambe nanantangngu wal᷊e'u dorone, manungku I'o sarun ma'ola'a arendi? Ana waugu udde i ya'u lapiddu tinumal᷊angngu watangangku watukku Spanyol! I ya'u masingkatta manungku I'o Ruata apan maakkanna wuṛṛu marangngu, ombon sabbare, masaṛṛionto'a, wuṛṛu sidutu uasaddia mamal᷊u ṛiinnu pallaṛṛuumanna.

YUNUS 3:4

Yunus sinumutta su soa udde wuṛṛu napawe buatte niumamatta su al᷊o'engngu allo, i tou mannattakke mannase, wisarane, “Appatu pul᷊o su allone lai, Niniwe sarun maṛṛimunsa'a!”

AMOS 4:11

Sambageanganna wuassi yamiu Ta'u pateanna ere lai i Ya'u namate Sodom wuṛṛu Gomora. Apan ta'e wiakka suwallatti amia uddewe naal᷊ihidda anutungnga sampaddi apan nianu wuassu putungnga. Salaiwe aroddi i yamiu ta'e lai maddiri mabbelengnga ringang-Ku.

AMOS 2:2

Ana waugu udde, i Ya'u sarun mangirimmu putungnga watukku wanua Moab, wuṛṛu manoṛṛobba ma'oman sara masue tanda'a watu su Keriot. Taumatan Moab sarun mate su pattangngannu paggahahion pangalo, tantal᷊ana trompetta iapatuntingikka, wuṛṛu hahuressan pangalo ipangikkuitta.

AMOS 1:14

Ana waugu udde, i Ya'u mangirimmu putungnga watukku manga darandungngu soa Raba, wuṛṛu manoṛṛobba ma'oman sara masue manga tanda'a watune. Sutempo udde sarun aringiṛṛanna paggahahion pangalo, wuṛṛu papangalo maddantanna ere tandi'a.

HOSEA 11:8

Mawu nabbisara, “Ei Israel, tawe mariaddi i'o Ta'u iwala ara'e Ta'u itantangnga. Wotongngewe i'o Ta'u ṛimunsaanna ere Adma? Ara'e Ta'u olaanna ere Zeboim? Tawe maola'a naung-Ku mapaammattu olangnge udde, ana waugu darangngu-U tumaniten bahewalla si yamiu!

HOSEA 10:14

ne tumanangngu sarun aṛṛiaannu pangalo, wuṛṛu anambon tanda'a watunu sarun ṛimunsaanna. Olangnge ere su allo i Ratu Salman nanggohakku soa Bet-Arbel sulal᷊ummu pangalo, wuṛṛu nangiladda manga wawine suadio'a ringannu al᷊aṛṛanangnge.

YEHEZKIEL 21:22

Inauranna manungku anaanna apan nianun lima aikkatanne pia tatialan Yerusalem! Udde atappasanne manungku ratu ṛinone mamangalo soan Yerusalem, manggoressan pangalo wuṛṛu mandolokku tantarane mangatokku ahidda ipanggohakka, itaingnga su manga ngaran Yerusalem, mangombon leta'a maola'a darandungnga pamangaloanna wuṛṛu maal᷊i manga hote.

YEREMIA 26:13

Ana waugu udde, pamal᷊ute ola'u pabbiaṛṛannu wuṛṛu manga inolaannu; paatuṛṛutte Mawu Ruatanu, tadea'u i Tou marru'udden ṛiin-Ne ipanilaka si yamiu.

YEREMIA 18:8

ana see walahanna udde mawal᷊u wuassu rosane, ne i Ya'u sarun tawe mapaamattu apulu-U udde.

YEREMIA 4:19

Susatewe eteapa naungku, i ya'u tate lai maataṛṛangnga su asasusa. I ya'u tawe mapaatammuddu watangangku pappuso'u ruddaddoro sulal᷊ummu ro'o, ana waugu i ya'u naaringikka tingikku trompetta wuṛṛu hahoressan pangalo pia sanseongnge.

YEREMIA 23:14

Arawe su Yerusalem i Ya'u naasilo manga nabi ma'ola'a lembon al᷊al᷊eoanne lai. I mangitou mammahia wuṛṛu sussandaga, see mannasa taumata apan ma'ola'a al᷊al᷊eo, na;oman sara taweddu sangkatou apan mawal᷊u. Si Ya'u i mangitou sarangkanambone lal᷊eo ere tumana'u Sodom wuṛṛu Gomora.”

LAL᷊ALLU 4:6

Uma'u buatte niṛṛuumanna mabbakkatanna wuassu tumana'u Sodom apan tumba'u sulal᷊ummu sangkaṛṛondapa naṛṛimunsa'u liman Duata ringannu tawe inolaannu taumata.

HOSEA 13:14

Walahanna indi sarun tawe Ta'u iapasal᷊amatta wuassu taṛṛinon runian taumata nate. Ei papate, paasabbarea'e raddangngu! Amata'e manaranu apan maaṛṛimunsa'a udde! I Ya'u sarun umakkannu walahanna indi apia.

TAHIUL᷊E 29:22

Su allo addantane, papapulunnu wuṛṛu taumata raho wuassu wanua marau sarun maasilo manga asasilaka wuṛṛu asasusa apan niaparantan Mawu su wanuanu.