YEREMIA 20:12 - WUKE SUSI WATTI'U AL᷊AL᷊USASSA

¹² Arawe, oh Mawu Apan Lembontaṛṛino, ringannu atatul᷊idda I'o nanal᷊u'atta taumata; I'o masingkattu naungnga wuṛṛu ṛingiranni mangitou. Ana waugu udde walaawe i ya'u ma'ellega Si'o mabbal᷊issa al᷊al᷊eon seetta ana waugu tumba'u Si'o ta'u itantilla hatto'u.

YEREMIA 20:12 Referans Kwoze

YEREMIA 11:20

Ana see i ya'u inumal᷊iomanna, “Oh Mawu Apan Lembontaṛṛino, I'o mallaṛṛuungnga apan matul᷊idda; ete I'o apan masingkattu ṛingidda wuṛṛu naungngu taumata. Hatto'u indi ta'u itantilla Si'o. Doronganna i ya'u wotongnge maasilo Si'o mabbal᷊issa inolaannu manga taumata udde.”

DARALO 62:8

Ete i Tou Ruata apan nangonggolu asasal᷊amatta wuṛṛu aaddata si ya'u, ete i Tou pattillumangku wuṛṛu mananahe'u apan matohassa.

DARALO 54:7

I Tou sarun makkuumannu see'u ringannu al᷊al᷊eon mangitou sassane, wuṛṛu mamate si mangitou ana waugu i Tou marangngu si ya'u.

YEREMIA 17:10

I Ya'u, Mawu, mannaṛṛassidda naungnga, naungngu taumata Ta'u i uji. Suapan taumata sarun Ta'u wal᷊isanna tumuṛṛuttu pallal᷊agune, wuṛṛu Ta'u olaanna uasul᷊ungngu inolaanne.”

DARALO 59:10

Ete I'o atatoha'u, i ya'u uaantimma Si'o, I'o tampa tatal᷊angangku, oh Ruata.

DARALO 139:23

Parikisewe i ya'u oh Ruata, saṛṛasirewe naungku, sal᷊u'atewe i ya'u wuṛṛu asingkatewe ṛingirangku.

DARALO 7:9

I'o makkungngu umattu taumata; i ya'u onggol᷊eten atatul᷊idda, oh Mawu, ana waugu i ya'u tawe sal᷊ane.

YEREMIA 17:18

Doronganna iapa mangngenggenna wuṛṛu mangngallangnga si ya'u, pansilian-Nu wuṛṛu penean-Nu ringannu atata'utta. Arawe ariewe ma'ola'a aroddi si ya'u, oh Mawu. Rantate asasilaka si mangitou ma'oman sara i mangitou masue mawinasa.

YESAYA 37:14

Hizkia nanengkamma suratta udde wuassu manga daroloṛṛanna wuṛṛu nabbasate. Wua'udde i tou inaite su Wal᷊en Mawu wuṛṛu namilattu suratta udde su saruannu Mawu,

DARALO 17:3

Amungkangu I'o manal᷊u'atta naungku wuṛṛu rumanta manaṛṛassida si ya'u sutempo ṛabbi, I'o sarun maasingkatta manungku naungku matul᷊idda; wisara'u nassul᷊ungngu ṛingirangku.

DARALO 11:5

Mawu mannal᷊u'atta taumata mapia wuṛṛu taumata lal᷊eo, I Tou maddantinnu taumata apan apulune al᷊aṛṛagissa.

SONDAPPA 18:20

Ei surga, lala'e ana waugu aṛṛaṛṛimunsa'u soa udde! Ei, al᷊aṛṛana'u Ruata, manga rasul, manga nabi, lala'e! Ana waugu Ruata suete naṛṛuumanni tou maola'a sambau bawal᷊issu sarangkanambone apan niola'i mangitou si yamiu!

SONDAPPA 6:10

I mangitou u'ui ringannu tingikki mangitou apan ma'ikkatta, “Oh Mawu Lembon Taṛṛino, apan susi wuṛṛu naṛṛino! Pirang katempo lai al᷊annune I'o mamarikissa lal᷊oṛṛon runia wuṛṛu maṛṛuumanni mangitou ana waugu suete namate si yami?”

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.

1 PETRUS 4:19

Ana waugu udde, amungkangu pia taumata apan uatataṛṛanga ana waugu Ruata mappandumma aroddi, ṛinone manga tumata udde mabbiakka ringannu mapia wuṛṛu manantillu watanganne su Mandariaddi si mangitou. I Tou siddutu mapaatipussu paaire-Ne.

1 PETRUS 2:23

Su tempo i Tou lallelanna, i Tou tawe nabal᷊issu lal᷊ela. Su tempo i Tou uatataṛṛanga, i Tou tawe namansaga; i Tou tumba'u nanantillu hatto-Ne su Ruata, Mallaṛṛuungnga apan matul᷊ida udde.

YEREMIA 12:8

Walahanna apan nipile-U lullawangnga si Ya'u; ere singa su mahurangnge etearoddi i mangitou mammaṛṛo si Ya'u. Ana waugu udde i Ya'u maddantinni mangitou.

YESAYA 38:14

Tingi'u mallannu ma'adio'a wuṛṛu massi'ome, naal᷊ihidda ana'u manu'u winalanganna i ya'u sussal᷊ande. Mata'u nal᷊otakke uatingngara langitta, Mawu, pallosa'awe i ya'u wuassu asasusa indi.

DARALO 86:4

Mawu, pal᷊uasaawe naungngu allang-Ngu, ana waugu ete Si'o tuddan naungku.

1 SAMUEL 1:15

Arawe i Hana sinumimbakka, “I ya'u wal᷊ine wu'anna, Papa, ya'u tawe na'inumma anggore! I ya'u niasueante ṛingidda, ne u'al᷊iomanna mabbatti'u anambon asasusa'u su Mawu.

DARALO 58:10

Tantal᷊anna taambe naatutukka, i mangitou natete, naal᷊ihidda ṛapusi'a apan ta'e nangelomma wuṛṛu ta'e mawawo nasue nitalla'u anginna, naal᷊ihidda sasuanna naṛṛangute.