YEREMIA 2:7 - WUKE SUSI WATTI'U AL᷊AL᷊USASSA

⁷ Watukku wanua apan masuwukka i Ya'u nanguntuddi mangitou tadea'u maatemma manga hessine wuṛṛu al᷊awo'a apan mapia poiaroddi. Arawe isudde leta-U nilal᷊eo mangitou wuṛṛu pussa'a-U niola'i mangitou maarantinna.

YEREMIA 2:7 Referans Kwoze

YEREMIA 16:18

Rosa wuṛṛu al᷊al᷊eo mangitou sarun Ta'u iwal᷊issa ringannu ṛuumanna paarua anambone, ana waugu i mangitou buatte nandal᷊eo wanua-U ringannu manambo paal᷊uanna. Manga paal᷊uanna udde tawe niawane ere asuangnga.”

REENGANNA 13:27

Unni mangitou si Musa, “Yami buatte namarikissa wanua udde wuṛṛu naasilo manungku letangnge ala wuṛṛu masuwukka, wuṛṛu indi addio'a manga wua poiaroddi.

YEHEZKIEL 36:17

“Ei taumata apan mattate, sutempo manga taumatan Israel uatana'a su wanua mangitou sassane, i mangitou buatte nandal᷊eo ringannu inolaanna wuṛṛu ala'uanni mangitou. I Ya'u ma'ellega ala'uanni mangitou udde palli, ere wawine apan tantal᷊anna aamatannu radda'u wawine.

YEREMIA 3:9

wuṛṛu mangke tawe maapendamma asasili. I tou sinumandaga ana waugu massubba watu wuṛṛu alu, na'oman sara wanua indi naola'a lal᷊eo.

YEREMIA 3:1

Mawu nabbisara, “Amungkangngu sangkatou inangngu ana'a sindoannu awingnge, ana see wawine udde nabbal᷊i awingngu taumata waine, ne iamangngu anangnge dorone tate wotongnge manganu si tou apia maola'a inangngu anangnge, ana waugu olangnge udde sarun maahohakka wanua indi. I'o Israel, piate tunanga tumanite manambo, ereapa orassa indi i'o ma'apulu mabbelengnga ringang-Ku!

MIKHA 2:10

Darisikke wuṛṛu roote; isindi tate lai matammudda. Manga rosanu buatte napaarantan asasilaka apan maata'utta su tampa indi.

YEHEZKIEL 20:6

Sutempo udde i Ya'u nassalu sarun mangapiddi mangitou sumabbanga wuassu Mesir mattuddan banua apan Ta'u nipile ionggolla si mangitou. Wanua udde ala wuṛṛu masuwukka, leta'a apan apianne su ahewallu runia.

NEHEMIA 9:25

Uman-Nu nangaṛṛo manga tanda batu pattillindumanna, leta'a apan masuwukka wuṛṛu wal᷊en apan napenen paa'ala. Manga paṛṛihi wuṛṛu al᷊imatan kua'e niaṛṛon mangitou, waillu anggore, punnu zaitun wuṛṛu manga wuan kalu waine. I mangitou natawa ana waugu u'anna walate apulun naungnge. Anambon aonggolu Mawu apan mapia niatemmanni mangitou.

TAHIUL᷊E 21:23

winal᷊unanna udde tawe wotongnge iwala isudde su al᷊o'engngu ṛabbi, arawe ṛinone ilabbingnga allo udde lai. Winalunanna apan ua'ele udde, mandantan bontogu Mawu Ruata su wanua udde. Nariaddi, labbinga'e winal᷊unanna udde tadea'u i yamiu tawe mandal᷊eo wanua apan nionggolu Mawu Ruatanu si yamiu.

TAHIUL᷊E 6:18

Pa'ola'e apa apan tumuṛṛuttu Mawu mapia wuṛṛu matul᷊idda, ne i yamiu sarun su lal᷊umanna'a. Leta'a masuwukka apan pina'iren Mawu su iupungngu al᷊amonanu sarun maola'a pussaanu,

YEREMIA 3:2

Annama'o paningngara, su manga puiddu wuidda! Tampa suapa apan taambe niddantannu inai sumandaga? Ere taumatan Arab su wadda'u anne, etearoddi lai i'o ua'ianna si winggin dal᷊anna uaṛṛaddo taumata apan uaa apulunu. I'o nalluhudda wanua indi ringannu sasandaga wuṛṛu al᷊al᷊eonu.

YEREMIA 32:23

Arawe napawe i mangitou nirumanta watukku wanua indi wuṛṛu napaangaṛṛo, i mangitou tate tate lai tumuṛṛutta manga parenta-Nu, wuṛṛu tawe mabbiakka tumuṛṛuttu manga al᷊aṛṛang-Ngu. Sarangkanambone apan niparenta-Nu si mangitou tawe saran sambau apan niola'i mangitou. Ana waugu udde I'o nandantan al᷊awo'u asasilaka indi si mangitou.

YEREMIA 32:30

Ro'en pinanattaṛṛannu watti'i mangitou, taumatan Israel wuṛṛu taumatan Yehuda buatte na'ola'a si Ya'u tawe mal᷊uassa. I mangitou mapasabbangngu asasa'u-U ringannu manga inolaanni mangitou apan dal᷊eo.

YEHEZKIEL 20:28

I Ya'u nangapiddi mangitou su leta'a apan buatte niriandi-U si mangitou. Sutempo i mangitou maasilo manga wuidda apan matanggakka wuṛṛu manga aal᷊uanna apan mapaṛṛampunga, i mangitou mangonggollu sasamba su manga tampa udde. I mangitou napasa'u-U ana waugu manga sasamba itattambunna wuṛṛu anggore sasamba mangitou.

HOSEA 9:3

I yamiu, ei walahannu Israel, tawe sidutu uatana'a su leta'a apan niongonggollu Mawu si yamiu. I yamiu ṛinone mabbelengnga su Mesir, wuṛṛu ṛinone umanna anna ipapapalli su Asyur.

TAHIUL᷊E 32:9

Arawe papapulunni Yakub indi nipile Mawu hunan batangan-Ne sassane.

NEHEMIA 9:26

Arawe uman-Nu nilumawangnga wuṛṛu tate tumuṛṛutta Si'o, tawe maddaringikka tita wuṛṛu atoran-Nu, namate manga nabi apan napaanaungngi mangitou, wuṛṛu apan nadolokki mangitou mabbelengnga ringan-Nu, Ruatane. Oh Mawu, masokka lai I'o lallobbosanni mangitou,

YESAYA 19:25

Mawu Apan Lembontaṛṛino sarun mangal᷊amatta si mangitou wuṛṛu mabbisara, “i Ya'u mangal᷊amatta si yamiu, ei Mesir uma-U, Asyur niriaddi-U, wuṛṛu Israel umatta apan nipile-U.”

YEHEZKIEL 20:24

ana waugu i mangitou buatte nangapissa manga parenta-U, lullawangnga manga tita-U, wuṛṛu nanggal᷊usa'a allon Sabat, wuṛṛu massubba manga monganna apan raddaloannu iupungngi mangitou.

YEHEZKIEL 23:35

Mawu Apan Atanggaṛṛanne nabbisara, “Ana waugu i'o na'abbul᷊ite si Ya'u wuṛṛu tinumal᷊iudda si Ya'u, i'o sarun matataṛṛangnga pangillul᷊eannu apulun badangngu wuṛṛu sasandagu.”