YEREMIA 2:34 - WUKE SUSI WATTI'U AL᷊AL᷊USASSA

³⁴ Laungngu pia luhuddu daṛṛan taumata asiangnga wuṛṛu taumata apan tawe sal᷊ane, wal᷊ine ana waugu daṛṛan manana'o apan niasametta. Arawe ana waugu udde,

YEREMIA 2:34 Referans Kwoze

2 MARARATU 21:16

Wal᷊ine lai wuassu taumatan Yehuda na'ola'a rosa su Mawu ringannu massubba paal᷊uanna, i Manasye namate lai manambo taumata apan tawe sal᷊ane na'oman sara daṛṛa nangelekka su al᷊awo'u tampa su Yerusalem.

YEREMIA 19:4

Olangnge udde Ta'u olaanna ana waugu walahanna indi buatte nanantang-Ku. I mangitou nandal᷊eo tampa indi ringannu mangngonggollu sasamba su manga monganna apan awagananni mangitou, awaganannu al᷊amona mangitou wuṛṛu manga ratun Yehuda. I mangitou lai buatte nalloṛṛo tampa indi ringannu daṛṛa manga taumata apan tawe sal᷊ane.

2 MARARATU 24:4

nangillembo lai ana waugu anambon pamamate apan niolangnge su saruannu manga taumata apan tawe sal᷊ane. Mawu maddiri mangampunga si Manasye ana waugu inolaane udde.

SASABANGNGA 22:2

I tou ṛinone mallanna'a saranapa apan nita'one. Amungkangngu i tou tawe saranapa, i tou sassane sarun iwal᷊u'a maola'a allangnga ipallanna'a saranapa apan nita'one. Amungkangngu nita'one udde erenai sapi, keledai ara'e domba, wuṛṛu niasangkal᷊anna ringannu taumata udde wuṛṛu ta'e wiakka, i tou ṛinone mallanna'a suapan sambau winatangnga lannaannu darua winatangnga. Amungkangngu su tempo ṛabbi sangkatou taṛṛa ta'o niasametanna sulal᷊ummu sambau wal᷊en, ana see i tou niapate, taumata apan namate udde tawe nassal᷊a. Arawe amungkangngu olangnge udde mariaddi su tempo allo, taumata apan namate udde nassal᷊a.

YEHEZKIEL 24:7

Su soa udde nariaddite pamamate, arawe daṛṛane tawe nabboso su leta'a, ewe'e su watu apan maatikka, na'oman sara tawe iasooppa.

YEHEZKIEL 20:31

Ewe'e naddatingngu orassa indi lai i yamiu mandantinnu watangannu ringannu nangapiddu sasamba wuṛṛu nanambunnu manga anangngu maola'a sasamba su manga paal᷊uanna. Ana see ta'e lai waṛṛani i yamiu maddorongnga tatantiro wuassia-U? Sulal᷊ummu arang-Ku, Ruata apan biakka, Mawu Apan Atanggaṛṛanne, i yamiu tawe Ta'u iwala madorongnga tatantiro wuassia-Ku.

YEREMIA 8:12

Ei uma-U, ṛinone i yamiu masili ana waugu buatte na'la'a sarangkanambone apan dal᷊eo udde! Arawe wambalang kamiu maappalla wuṛṛu tawe masili. Ana waugu udde i yamiu sarun manawo ere taumata waine apan nanawote; nasuete hattone napawe i Ya'u makkuumanni yamiu.

YEREMIA 7:31

Sambau mezbah aranne Tofet buatte niaparisikki mangitou su Wawal᷊annu Hinom tadea'u pangonggol᷊annu al᷊aṛṛana'i mangitou maola'a sasamba itattambunna. Sumbal᷊i Ya'u taambe saran paassa nandolokki mangitou ma'ola'a olangnge udde, ewe'e lai taambe saran paassa olangnge ereudde sinumabbangnga wuassu ṛingirang-Ku.

YEREMIA 6:15

Ṛinone i mangitou masili ana waugu buatte na'ola'a sarangkanambone apan dal᷊eo udde. Arawe i mangitou wambala maappalla wuṛṛu wagga masili. Ana waugu udde i mangitou sarun manawo ere taumata waine, nuddusse watti'u pabbiaṛṛanni mangitou napawe i Ya'u makkuumanni mangitou. I Ya'u, Mawu, buatte nabbisara.”

YESAYA 59:7

I ya'u tawe illol᷊one makkiinnu al᷊al᷊eo, wuṛṛu mangke mappulute mal᷊ihakka olaanna. Ringannu tawe go'ane i yamiu mammate taumata apan tawe sal᷊ane; suapan tampa i yamiu inai, i yamiu mannantangngu ahaho akka wuṛṛu awawinasa.

YESAYA 57:5

I yamiu massubba manga mongannu asasuwukka ringannu mamalan batangannu iaapiddu apulun dunia su al᷊ungngu manga alu mangal᷊eng kamiu. I yamiu nallabbingu manga anangngu su wawal᷊annu sal᷊ukka, nisalle'a su manga wallattu watu.

YESAYA 59:3

I yamiu nassal᷊a ana waugu namahia wuṛṛu nallinga, ana waugu na'ola'a araṛṛagissa wuṛṛu mammate.

YEREMIA 2:33

I yamiu pande atonna mangatokku a'alla ipamol᷊engnga naungngu manga arangnguannu. Wawine masandaga al᷊eoanne lai ta'e wotongnge mabbalajare wuassi'o!

YEREMIA 7:6

Ariete lai mangallangnga taumata raho, ana'a asisitimpal᷊ussa, wuṛṛu manga wawine wal᷊u. Arie mamate taumata apan tawe sal᷊ane su wanua indi. Imbaṛṛangnga massubba manga mawu waine, ana waugu olangnge sarun maapate si yamiu.

LAL᷊ALLU 1:9

Al᷊al᷊eone aasiloanna ringannu matualaga arawe i tou tawe pandumma su apa apan sarun mariaddi su watanganne. Tumaniten bahewalla ahahohakke, arawe tawe saran sangkatou malluassa si tou. Ne i tou naddorongnga tatal᷊antuppa wuassu Mawu, ana waugu manga seenne naauntungke.

LAL᷊ALLU 4:14

Naal᷊ihidda taumata wuta mammal᷊intaddu manga lal᷊anna etearoddi lai manga piaṛṛa'u soa Yerusalem. Laubbi mangitou nallal᷊uhurannu daṛṛa na'oman sara taweddu mapulu mangeṛṛetta si mangitou.

YEHEZKIEL 9:9

Ruata sinumimbakka, “Manga taumatan Israel wuṛṛu Yehuda buatte na'ola'a rosa apan bahewalla. I mangitou na'ola'a pamamate su al᷊awo'u tampa, wuṛṛu Yerusalem nikotorannu al᷊al᷊eo. I mangitou mabbisara manungku i Ya'u, Mawu, buatte nanantangngu wanua indi na'oman sara tate maasilo inolaanni mangitou.

YEHEZKIEL 22:25

Manga piaṛṛangnge naal᷊ihidda singa apan mammassinga napawe tumambo wiakke. I mangitou mammate tumanangnge, mangngaṛṛo anambon darotongnga wuṛṛu pa'aala apan niasangkal᷊anni mangitou wuṛṛu naaola'a manambo wawine wal᷊u.

SASABANGNGA 22:1

“Isai apan nanna'o sambau sapi ara'e domba ana see niṛṛata ara'e niwal᷊u'i tou, ṛinone sapi sambau lannaannu sapi lima wuṛṛu suapan sambau domba lannaannu appatta domba.

YEHEZKIEL 23:45

Arawe manga taumata na'ukkassa sarun makkuungngu ruang katou taṛṛa tuari udde ana waugu sasandaga wuṛṛu pamamate, ana waugu atonna itarua nassal᷊a.”