YEREMIA 2:31 - WUKE SUSI WATTI'U AL᷊AL᷊USASSA

³¹ Ei umattu Israel, paddaringikke manga wisara-U indi. Apa i Ya'u buatte na'ola'a Israel ere wadda'u anne su saruanni yamiu ara'e leta'a apan wasa tuudda? Arawe anio i yamiu mabbisara manungku i yamiu mappulu mapallossa, wuṛṛu maddirite mabelengnga ringang-Ku?

YEREMIA 2:31 Referans Kwoze

TAHIUL᷊E 32:15

Mawu nabbal᷊i ala, arawe apulune lullawangnga, i mangitou mangkatawa, nal᷊aiddu anna. Ana see i mangitou nanantangngu Ruata, Mandariadine, wuṛṛu nanol᷊a'u Mananal᷊amatti mangitou apan matohassa.

1 KORINTUS 4:8

Atonna i yamiu maddirite mappandumma manga sarannapa lai! I yamiu naalate! I yamiu naola'e ratu, wuṛṛu i yami tawe. Apiawe eteapa amungkangngu i yamiu atonna-tonna naola'e ratu, tadea'u i yami wotongnge mamarenta su sambau ringanni yamiu.

MIKHA 6:9

Apan lembon apianne eteudde matta'uttu Mawu. I Tou nabbisara su tumana'u soa, “Paddaringikke, ei i yamiu apan uasemodda su soa!

AMOS 1:1

Amos uddewe sangkatou mallal᷊u'adda domba wuassu soa Tekoa. I tou naola'a nabi sutempo wanua Yehuda paprentanni Ratu Uzia, wuṛṛu Israel paparentanni Ratu Yerobeam, ana'i Yoas. Darua su tonnane tantal᷊anna taambe nariaddi linukka, Ruata namasingkatta si Amos manga inolaanna su ola'u Israel.

HOSEA 13:6

Arawe napawe i yamiu uatane'e su wanua apan mapia, wuṛṛu i yamiu nal᷊aidda see naapendamma mal᷊uassa, i yamiu nabbal᷊i mawunga see naabuli-U.

YESAYA 45:19

I ya'u tawe mabbisara ringannu iwabbuni, ara'e iaaddapingnga. Ya'u tawe nandolokku uma-U Israel maddea'a si Ya'u ringannu tawe gunane. I Ya'u, Mawu, mabbisara atonna, wuṛṛu mammasingkattu apa apan naṛṛino.”

AMSAL 30:9

Ana waugu, amungkangngu i ya'u ala, asinungka i ya'u sarun mabbisara manungku i ya'u tate mappandumma si'o. Wuṛṛu napawe i ya'u asiangnga, asinungka i ya'u sarun manna'o ma'oman sara mandal᷊eote aran-Nu.”

DARALO 12:4

Paillol᷊oa'e manga wisara apan massal᷊o'a udde, Mawu, paal᷊addawa'e manga taumata apan matal᷊umama,

DARALO 10:4

Taumata marosa tawe maddaringikka Mawu, ana waugu awungane i tou maṛingidda manungku tawe Duata.

2 TAWARIKH 31:10

Imam Wahewalla i Azarya papapulunni Zadok nabbisara, “Ro'en tumana'u soa nanguntuddu manga sasamban mangitou su Wal᷊en Mawu, yami tawe niapausannu anna, ewe'e lai nilumambalanna, na'oman sara si yami ta'e manambo anna uaraddo. Sarangkanambone udde nisengkammi yami ana waugu Mawu nangal᷊amatta al᷊aṛanang-Nge.”

TAHIUL᷊E 31:20

I mangitou sarun Ta'u iapidda watukku wanua apan ala wuṛṛu masuwukka, ere buatte Ta'u pina'ire su iupungngu al᷊amonan mangitou. Isudde i mangitou sarun mabbiakka ringannu mal᷊uassa wuṛṛu maasomba al᷊awo'u anna apan pappandumanni mangitou. Arawe wua'udde i mangitou sarun tumal᷊iudda wuṛṛu massubba manga Mawu waine. I Ya'u sarun itol᷊a'i mangitou wuṛṛu lumawangnga paaire-U,

YEREMIA 2:20

Mawu nabbisara, “Mal᷊annute i'o maddiri mattaṛṛamawu si Ya'u; maddiri tumuṛṛutta ara'e massubba si Ya'u. Su wowon suapan buidda apan matanggakka wuṛṛu su al᷊ungngu manga a'aluanna apan masindumunna i'o massubba manga mongannu asasuwukka.

YEREMIA 2:25

Israel, imbaṛṛangnga i'o tumal᷊angnga mangenggenna manga monganna, wuṛṛu imbaṛṛangnga mangintul᷊i mamaggo si mangitou, sal᷊immurine leddanu mal᷊essa wuṛṛu tonggol᷊annu mamara ana waugu marou. ‘Tawe, i ya'u tawe suṛṛinone maawelengnga,’ i'o mabbisara, ‘ana waugu i ya'u marangngu manga monganna, wuṛṛu mappulu tumantalongnga si mangitou.’ ”

TAHIUL᷊E 32:18

I mangitou tawe mappandumma Mananal᷊amatti mangitou apan matohassa, maabul᷊in Duata mangitou apan mangngonggolu wiakka.

1 MARARATU 11:22

“Anio?” aiwal᷊on ratu. “Apa i'o pia awussa isindi, na'oman sara i'o mabbelengke su wanuanu?” “I ya'u tawe awussa apa-apa,” sasimbakki Hadad, “arawe wala'e i ya'u inai.” Ne i tou nabbelengke watukku wanuane.

AYUB 21:14

Sumbal᷊i i mangitou buatte nabbisara Ruata, “Pangindaute si yami wuṛṛu roote! I yami tawe maddaringikka wuṛṛu maddiri massunna pandumanna wuṛṛu apulu-Nu su pabbiaṛṛanni yami.”

YEREMIA 5:5

Mappianne i ya'u inaite ringannu manga tembonanne, wuṛṛu maggahatto mangitou. I mangitou sarun maasingkatta apa apan ipaapulu wuṛṛu raddorongannu Mawu Ruata wuassi mangitou.” Arawe, i mangitou sarangkanambone lai maddiri parentannu Mawu; i mangitou maddiri tumuṛṛutta si Tou.

YEREMIA 5:6

Ana waugu i mangitou sarun pateannu singa wuassu mahurangnge, wuṛṛu ringanna wangngasannu serigala wuassu wadda'u anne. Macan tutul sarun mammal᷊intadda maddea'a inassa maranin manga soa mangitou, wuṛṛu suapan taumata apan sumabbangnga sarun tamboanne. Sarangkanambone udde mariaddi ana waugu i mangitou manambote rosane, wuṛṛu masokka-sokka tumal᷊i'udda Ruata.

YEHEZKIEL 14:5

Anambon paal᷊uanna udde buatte napaaraun uma-Ku wua dingang-Ku, arawe antimanna ringannu sasimba-Ku udde uma-U sarun mabbelengnga ringang-Ku.’