YEREMIA 2:30 - WUKE SUSI WATTI'U AL᷊AL᷊USASSA

³⁰ Tawe gunane I yamiu Ta'u iṛṛuumanna, ana waugu i yamiu maddiri maddaringikka tataggu. Ere singa apan tantal᷊anna tuttambo, etearoddi lai i yamiu mamate manga nabinu.

YEREMIA 2:30 Referans Kwoze

NEHEMIA 9:26

Arawe uman-Nu nilumawangnga wuṛṛu tate tumuṛṛutta Si'o, tawe maddaringikka tita wuṛṛu atoran-Nu, namate manga nabi apan napaanaungngi mangitou, wuṛṛu apan nadolokki mangitou mabbelengnga ringan-Nu, Ruatane. Oh Mawu, masokka lai I'o lallobbosanni mangitou,

1 TESALONIKA 2:15

Manga taumata udde namate Mawu Yesus wuṛṛu manga nabi, see nanansara si yami. I mangitou masseettu anambon taumata, wuṛṛu Ruata atonna-tonna tawe mal᷊uassa si mangitou.

WATTI'U MANGA RASUL 7:52

Apa pia sangkatou nabi apan tawe nisansarannu iupungngu al᷊amonanu? I mangitou namate daroloṛṛannu Ruata apan dorone suete namasingkatta manungku Allangngu Ruata apan atonna udde sarun rumanta. Wuṛṛu orassa indi yamiu nandal᷊eo wuṛṛu namate Allangngu Ruata udde.

YEREMIA 5:3

Mangke atonna raddorongannu Mawu eteudde tatuṛṛutta. Mawu namuulla si yamiu, arawe i yamiu ma'ielen bagga. I tou nakkimunsa'a si yamiu, arawe i yamiu maddiri aṛṛaanna. I yamiu puane maattikka, wuṛṛu maddiri mawal᷊u wuassu manga rosanu.

YESAYA 1:5

Anio i yamiu sidutu mangke mannompolla? I yamiu mappulu iṛṛuumanna lembon awakkatanne lai? Puanu napeneten manga pinsulla, naungnga wuṛṛu ṛingirannu maradda'a.

MATIUS 23:29

“Nasilakate i yamiu manga hurun agama wuṛṛu manga taumatan Farisi! I yamiu taṛṛa lilangkamal᷊e'a! I yamiu napararisikku holangnga apan maṛṛansangnga su manga nabi, wuṛṛu nallogakka manga palem pananaunganna su manga taumata apan mabbiakka matul᷊idda.

YEREMIA 7:28

Nariaddi, wal᷊oa'e si mangitou manungku i mangitou uddewe sambau walahanna apan maddiri tumuṛṛutta si Ya'u, Mawu, Ruata mangitou. I mangitou maddiri manutukka wuassu ṛuumanna apan buatte niapendamanne. Tatuṛṛutta si Ya'u nawul᷊ite, ewe'e tate iwatti'a lai.”

YESAYA 9:13

Ana waugu udde tumba'u sulal᷊ummu allo massallo Mawu nakkuumannu manga piaṛṛa'u Israel wuṛṛu tumanangnge. I Tou namonggo'a wuṛṛu nandammen pua wuṛṛu tol᷊ene.

SONDAPPA 16:9

Taumata natutungngu sal᷊ihangnge, wuṛṛu i mangitou namontoga arannu Ruata, apan uataṛṛino manga asasusa udde. Salaiwe aroddi, i mangitou maddiri mawal᷊u wuassu manga rosa mangitou wuṛṛu maddiri maddalo awawantugu Ruata.

ZEFANYA 3:2

Nasilakate soa apan maddiri manengkamma pananaungnga wuassu Mawu, wuṛṛu tawe lai maddaringikka manga tataggu-Ne, apan tawe manantillu ola'u pabbiaṛṛanne su Mawu, wuṛṛu tawe maiontolla si Tou!

YEHEZKIEL 24:13

Ei Yerusalem, manga inolaannu apan dal᷊eo buatte nalluhuda watangannu. Ia'o buatte na'annamma mamaresi si'o, arawe tawe gunane, waugu i'o sidutu lal᷊eo. I'o tate mawaresi apia ma'oman sara i Ya'u mapasabbangngu asasa'u-U si'o.

YEREMIA 31:18

I ya'u naaringikka umattu Israel mabbisara napenen asasusa, ‘Oh Mawu, i yami naal᷊ihidda winatangnga apan taambe niaṛṛaro arawe ninaram-Mu i yamiu ringannu matuṛṛutta wuṛṛu orassa indi i yami nasaddiate mabbelengnga ringan-Nu. Nariaddi, apira'e i yami mapul᷊e, oh Mawu, Ruatang kami.

2 TAWARIKH 36:16

Arawe i mangitou mannalangnga manga daroloṛṛannu Ruata udde, wuṛṛu lullagen manga nabi-Ne see lai tawe maddaringikka manga wisara-Ne. Panginsueanne Mawu aroddi nasa'u si mangitou na'oman sara tate dal᷊anna sabbanganni mangitou tadea'u mapallossa wuassu ṛuuman-Ne.

2 TAWARIKH 28:22

Sulal᷊ummu tempo apan masuṛṛippita udde, i Ahas ewe'e lai aatambanna rosane su saruannu Mawu.

2 TAWARIKH 24:21

Arawe awadaalla apan uaammula udde suadio'a ringanni Ratu Yoas mannal᷊are si Zakharia. I tou tate mannaungnga inasaharanna wuṛṛu tatuṛṛutti Yoyada, iamangngi Zakharia. Wuassu parentan datu, Zakharia tinuntungannu watu na'oman sara nate su rallakku Wal᷊en Mawu. Sutempo i tou matete, i Zakharia sinumal᷊ande, “Antimanna Mawu ma'ellega inolaanna indi wuṛṛu mabbal᷊issa!”

1 MARARATU 19:14

I Elia sinumimbakka, “Oh Mawu, Ruata Apan Lembontaṛṛino, i ya'u sidutu mammanara ate su huna-Nu sassane. Arawe umattu Israel nilumawangnga pa'aire mangitou Si'o. I mangitou nanggohakku manga mezbah-Nu wuṛṛu namate manga nabi-Nu. Ete i ya'u sassane apan nallambe, wuṛṛu orassa indi i mangitou maddea'a mamate si ya'u!”

1 MARARATU 19:10

I Elia sinumimbakka, “Oh Mawu, Ruata Apan Lembontaṛṛino, i ya'u sidutu mammanara tumba'u ana waugu I'o sassane. Arawe umattu Israel nilumawangnga paairen mangitou Si'o. I mangitou nanggohakku manga mezbah-Nu wuṛṛu namate manga nabi-Nu. Ete i ya'u sassane nallambe, wuṛṛu orasa indi i mangitou maddea'a mamate si ya'u lai!”

YESAYA 59:3

I yamiu nassal᷊a ana waugu namahia wuṛṛu nallinga, ana waugu na'ola'a araṛṛagissa wuṛṛu mammate.

YEREMIA 46:14

“Yeremia, al᷊iata'e watti'a indi su manga soa Mesir, eteudde su Memfis, Migdol wuṛṛu Tahpanhes, ‘Paasaddiate mangesakku watangannu ana waugu anambo apan tatahuanannu sarun masue sulal᷊ummu papangaloanna!

LAL᷊ALLU 4:13

Arawe olangnge udde nariaddite, ana waugu rosan manga imam wuṛṛu nabi. I mangitou buatte napatuṛṛon daṛṛa, wuassu taumata apan tawe sal᷊ane.

YEHEZKIEL 22:24

“Ei taumata apan mattate, wal᷊oa'a su taumatan Israel manungku leta'i mangitou narosate, wuṛṛu ana waugu udde i Ya'u nasa'u wuṛṛu makkuumanne.

DANIEL 9:13

Al᷊awo'u asasilaka apan uaweoṛṛetta sulal᷊ummu Titan Musa buatte niapaṛṛia'u Mawu si yami. Arawe salaiwe aroddi, oh Mawu Ruatan kami, i yami ta'e lai mannol᷊a'a malluassa naung-Nu. I yami sidutu maddiri manantangngu manga rosan kami wuṛṛu maddiri lai maddaringikka manga al᷊aṛṛang-Ngu.