YEREMIA 2:3 - WUKE SUSI WATTI'U AL᷊AL᷊USASSA

³ Israel, i'o pussa'a-U sassane, tatuno naung-Ku apan arangnguang-Ku. I Ya'u nangema'u asasilaka su al᷊awo'a apan na'ola'a si'o uatataṛṛangnga susa, i Ya'u, Mawu, buatte nabbisara.”

YEREMIA 2:3 Referans Kwoze

SONDAPPA 14:4

I mangitou udde manga taumata apan sidutu na'ukkassa ere maṛṛuala susi, ana waugu tawe uaaukka suadio'a ringannu wawine. I mangitou uatantalongnga Ana'u Domba udde suapan tampa i Tou inai. Wuassu wallatu anambon taumata, tumba'u i mangitou apan suete nipallosa maola'a sasamba apan paarorone su Ruata wuṛṛu su Ana'u Domba.

YAKOBUS 1:18

Wuassu apulu-Ne sassane i Tou nandiaddi si ite al᷊aṛṛanang-Nge wuassu ṛengetan-Ne apan atonna. I Tou nandiaddi udde tadea'u i ite maasomba tampa apan apianne su wallatu anambon riadian-Ne.

YESAYA 41:11

Pa'ellege, anambon taumata apan massa'u si'o, sarun iwaddo wuṛṛu iapaasili. Manga taumata apan mando'appa si'o, sarun mate wuṛṛu masue masahangginna.

ROMA 11:16

Amungkangngu roti sampaddi apan paarorone buatte nionggola su Ruata, udde atappasanne rotine sarangkanambone udde nionggola su Ruata lai. Wuṛṛu amungkangngu ṛamuttu alu udde lai pussa'an Duata udde atappasanne manga rannane lai pussaa-Ne.

ZAKARIA 2:8

Isai apan mamangalo si yamiu, namangalo tatuno naungku.” Ne Mawu Apan Lembontaṛṛino nandalo'u mamasingkattu tanata indi su manga walahanna apan buatte nangaṛṛo uman-Ne,

YEREMIA 50:7

I mangitou nitalliwunanna wuṛṛu nisansaran anambon taumata apan nassomba mangitou. Manga seettu uma-U mabbisara, ‘Apa apan niola'i ite, tawe sal᷊ane, ana waugu manga taumata udde narosate su lantakku hati Mawu. Al᷊amonan mangitou mangngimanna Mawu, nariaddi ṛinone lai i mangitou sidutu satia si Tou.’

1 PETRUS 2:9

Arawe i yamiu udde walahanna apan niapile, manga imam apan mangngimbe ratu, walahanna naukkassa, tumba'u hunan Duata, walahannu Duata sassane. Ruata namile si yamiu wuṛṛu namaggo si yamiu sinumabangnga wuassu araranduma sumutta su asasemakke apan mal᷊endappa ringannu pandumma tadea'u i yamiu mamasingkatu watti'a su ola'u manga inolaan-Ne apan wahewalla.

EFESUS 1:4

Tantal᷊anna runia indi taambe nariaddi, Ruata buatte namile si ite sulal᷊ummi Yesus Kristus ringannu pandumanna tadea'u i ite maola'a pussa'a-Ne sassane wuṛṛu tawe sal᷊ane su saruan-Ne. Ana waugu darangngun Duata,

YEREMIA 12:14

Mawu nabbisara, “Eteindi tanata-U su manga araratuanna ual᷊indongannu Israel apan buatte nanggohakka wanua apan Ta'u nionggolla su uma-U Israel. Ere sinuananna apan niabbutta wuassu leta'a, etearoddi lai manga taumata lal᷊eo udde sarun Ta'u iapasabbangnga wuassu manga wanua mangitou, wuṛṛu Yehuda sarun ipallossa wuassu lima mangitou.

TAHIUL᷊E 14:2

I yamiu uddewe pussa'an Mawu Ruatanu; wuassu al᷊awo'u walahanna su wowon dunia, ete i yamiu apan nipilen Mawu Ruata mabbal᷊i al᷊aṛṛanang-Nge.”

TAHIUL᷊E 7:6

Ola'e sarangkanambone udde ana waugu i yamiu pussa'an Mawu Ruatanu. Wuassu al᷊awo'u walahanna su runia indi, ete i yamiu apan nipilen Mawu Ruatanu mabbal᷊i walage apan apianne.

REENGANNA 18:12

Ta'u ionggola si'o sarangkanambone apan apianne wuassu pangitinganna paarorone apan ionggolu taumatan Israel si Ya'u suapan tonna, eteudde lanan zaitun, ua'e anggore wuṛṛu gandumma.

ROMA 16:5

Wal᷊oa'a lai tabea'u su jamaatta apan uasemodda su wal᷊en mangitou. Tabea si Epenetus apan aranguangku. Ete i tou taumata apan paarorone nangimanna si Kristus su leta'u Asia.

ZAKARIA 1:15

Arawe i Ya'u tuminiten massa'u su manga walahanna apan uapendamma mal᷊annabba wuṛṛu matammudda. Ana waugu sutempo i Ya'u naṛṛaddannu asasa'u-U su uma-U, manga walahanna udde mannamba asasusan uma-U.

YOEL 1:3

Wattia'e arariaddiannu udde su manga anangngu; tadea'u i mangitou mabbatti'a lai su manga ana'i mangitou watti'a udde. Papapulunnu mananasunna ṛinone maaringikka lai watti'a udde, wuṛṛu manassu lai mabbatti'a su papapulunna manansunna.

YEREMIA 30:16

Arawe orassa indi sarangakanambone apan nangaluppa si'o sarun allupanna, wuṛṛu anambon seennu sarun ṛootanna su pamuanganna. I Ya'u sarun mangallanga iangana'a apan nangallanga si yamiu, i Ya'u sarun mangaṛṛo si sai apan nangaṛṛo si yamiu.

YESAYA 47:6

Dorone i Ya'u massa'u uma-U, i mangitou tate lai Ta'u ireengnga pussa'a-U. Wua'udde i mangitou Ta'u nitantilla si yamiu, wuṛṛu i'o tawe umakkanni mangitou, ewe'e lai matatatimmadde niallangngu ringannu maṛṛagissa.

TAHIUL᷊E 26:19

Mawu sarun ma'ola'a si yamiu maggewal᷊anna wuassu anambon balahanna wal᷊ine apan buatte niriadi-Ne, wuṛṛu i yamiu sarun raloanna wuṛṛu adatanna. I yamiu sarun maola'a al᷊aṛṛana'u Mawu Ruata ere buatte nipa'ire-Ne.”

SASABANGNGA 23:16

Laghua'e Andeangngu Pangangitingnga su tempo i yamiu mannattake mangitingnga wua paaororone su wawail᷊annu. Laghua'e Andeangngu Rasannu Rongnga su panginsueannu tonna su tempo i yamiu mangammulu hessin baillu anggore wuṛṛu waillu manga wuan aaluanna.

SASABANGNGA 22:29

Su tempo apan nitantunna, pangonggolen sasamba si Ya'u sambageanganna wuassu hessin gandumma, ua'en anggore wuṛṛu lanan zaitunni yamiu. Tantil᷊a'e si Ya'u manga anangngu esakka pahul᷊u,

AMOS 6:1

Nasilakate i yamiu apan mabbiakka matemangnga su Sion, wuṛṛu i yamiu apan uapendamma mal᷊angnganna su Samaria – i yamiu ei manga matatimmaddu walahannu Israel apan apianne indi, i yamiu apan inanaramanne raddantannu tumanangnge paddoronganna tul᷊unganna!

YEREMIA 2:4

Paddaringikke tanata Mawu, ei i yamiu pallaṛṛiten Yakub, manga walahannu Israel!

HABAKUK 1:11

Ana see ere al᷊ihakku anginna inaite manga tumata apan mangngasakku atatohanne sassane udde.”