YEREMIA 2:26 - WUKE SUSI WATTI'U AL᷊AL᷊USASSA

²⁶ Mawu nabbisara, “Naal᷊ihidda taṛṛata'o naapendamma asasili sutempo niata'apanna, etearoddi lai i yamiu sarangkanambone sarun maapendamma asasili, ei taumatan Israel, manga ratu wuṛṛu manga tembonannu, manga imam wuṛṛu manga nabinu!

YEREMIA 2:26 Referans Kwoze

YEREMIA 32:32

ana waugu al᷊awo'u al᷊al᷊eo apan niola'u taumatan Yehuda wuṛṛu Yerusalem suadio'u manga ratu, tembonannu pamarenta, imam, wuṛṛu manga nabi mangitou.

EZRA 9:7

Ro'en sutempo al᷊amonan kami naddatingngu orassa indi, i yami uman-Nu tumaniten marosa Si'o. Ana waugu udde i yami buatte niawaddon manga ratun banua waine. I yami nipate, nipangaṛṛoanna wuṛṛu niapidda maola'a tawananna. I yami mangke nilobbossa, ere su olangnge allo indi.

ROMA 6:21

Su tempo udde auntunganna apa apan nisengkammi yamiu wuassu manga inolaanna apan orassa indi maasili si yamiu amungkangngu olaanna? Manga inolaanna udde tumba'u mangapidda su papate!

YEREMIA 48:27

Wal᷊inewe dorone taumatan Israel buatte nilaggen taumata Moab wuṛṛu ipaggahatto ereola'u i mangitou niasametta suadio'a ringannu manga taṛṛa ta'o?

YEREMIA 2:36

Mal᷊ihakka atonna i yamiu inai ringannu manga mongannu walahannu waine tadea'u maiontolla! I yamiu sarun iapasassillu taumata Mesir, ere lai i yamiu niapasassillu Asyur.

YESAYA 1:29

I mangitou sarun masili ana waugu massubba manga aaluanna wuṛṛu naṛṛaen manga wailla ionggolla su manga monganna.

YEHEZKIEL 16:54

Ringannu aroddi i'o sarun masili su watangannu sassane, wuṛṛu al᷊al᷊eonu sarun mapal᷊iatta'a su manga tuṛṛangngu aroddi apiane pal᷊addi mangitou.

YEHEZKIEL 22:26

Manga imam Israel nilumawangnga manga tita-U wuṛṛu nalluhudda manga saranapa apan niṛṛa'e si Ya'u. I mangitou waggate ma'ellega suapa apan botongnge wuṛṛu apa apan isassingadda. Wuṛṛu lai i mangitou tawe mangaṛṛa'a tumanangnge tadea'u masingkatta ma'ellega suapa apan baresi wuṛṛu suapa apan dal᷊eo tumuṛṛuttu atorannu agama. I mangitou tate mangareggan allon Sabat. Ringannu aroddi i Ya'u nilobbosannu walahannu Israel.

ZAKARIA 5:4

Mawu Apan Lembontaṛṛino nabbisara manungku wawontoga udde sarun iamang-Nge suwal᷊en taumata taṛṛa ta'o wuṛṛu wal᷊en taumata massalu awusu. Manga wal᷊e udde sidutu sarun aṛṛinoannu wawontoga udde maddatingngu mabbal᷊i manga winal᷊alanna.”

DARALO 97:7

Anambon taumata apan massubba paal᷊uanna sarun pansilianna, apan mammungan darotongnga apan tawe gunane; anambon monganna sarun massubba su saruannu Mawu.

YESAYA 44:9

Manga taumata apan nallanginnu paal᷊uanna sassubbanna udde tawe gunane, wuṛṛu manga monganna apan raddaloanni mangitou tawe mangal᷊ene. Manga taumata apan massubba paal᷊uanna udde wuta wuṛṛu waggan napa, ana waugu udde i mangitou sarun masili.

YESAYA 44:11

Atonna, anambon taumata apan massubba paal᷊uanna sarun masili. Taumata apan nallanginnu paal᷊uanna udde taumata ere i ite. Doloṛṛa'e i mangitou dumarisikka suadio'a; i mangitou sarun matta'utta wuṛṛu masili.

YEREMIA 4:9

Mawu nabbisara, “Su allo udde manga ratu wuṛṛu manga tembonanne sarun mallome ikkanne; manga imam nata'utta wuṛṛu manga nabi niṛṛumoro.”

YEREMIA 22:22

Ana waugu udde, manga piaṛṛangngu sarun mawul᷊i tiupannu anginna. Manga hawenu sarun ṛootanna maola'a tawananna, wuṛṛu soanu heloanna wuṛṛu pansilianna ana waugu anambon al᷊al᷊eonu.