YEREMIA 2:23 - WUKE SUSI WATTI'U AL᷊AL᷊USASSA

²³ Waṛṛani atonna i'o mabbisara manungku i'o tawe sal᷊ane, wuṛṛu manungku i'o tawe mallaṛṛenggenna si Baal! Pa'ellege pallal᷊agunu su wawal᷊anne, pannaungke al᷊al᷊eonu wuṛṛu panga'ute! I'o naal᷊ihidda unta inangnge apan mappulu mabbawatianna, tuttul᷊angnga uapapal᷊ele tawe tantunne,

YEREMIA 2:23 Referans Kwoze

YEREMIA 7:31

Sambau mezbah aranne Tofet buatte niaparisikki mangitou su Wawal᷊annu Hinom tadea'u pangonggol᷊annu al᷊aṛṛana'i mangitou maola'a sasamba itattambunna. Sumbal᷊i Ya'u taambe saran paassa nandolokki mangitou ma'ola'a olangnge udde, ewe'e lai taambe saran paassa olangnge ereudde sinumabbangnga wuassu ṛingirang-Ku.

AMSAL 30:12

Pia taumata apan massunna watanganne na'ukkassa wutte'e i tou marosa atonna.

ROMA 3:19

Orassa indi i ite masingkata manungku sarangkanambone apan uawoṛṛetta sulal᷊ummu titan agama Yahudi, udde hunane su manga taumata apan paparentannu tita udde. Ringannu aroddi tawe saran sangkatou wotongnge maasimbakka wuṛṛu ahewallu runia indi wotongnge iapaasal᷊an Duata.

LUKAS 10:29

Arawe hurun agama udde maddiri mapaasal᷊an ririne. I tou naiwal᷊o, “Isai sansul᷊ungku udde?”

YEREMIA 31:22

Maddatingngu tingngera i'o tawe homago'a, ei walahanna apan mal᷊awangnga si Ya'u? I Ya'u buatte nandiaddi manga apa apan wakku su runia, sambau apan maaṛindu'a – ma'atiangnga ere wawine uariaga esakka.”

YEREMIA 9:14

I mangitou puane maattikka wuṛṛu massubba manga paal᷊uanni Baal ere buatte niaṛṛa'u al᷊amona mangitou.

YEREMIA 3:2

Annama'o paningngara, su manga puiddu wuidda! Tampa suapa apan taambe niddantannu inai sumandaga? Ere taumatan Arab su wadda'u anne, etearoddi lai i'o ua'ianna si winggin dal᷊anna uaṛṛaddo taumata apan uaa apulunu. I'o nalluhudda wanua indi ringannu sasandaga wuṛṛu al᷊al᷊eonu.

AMSAL 30:20

Eteindi apanden sangkatou wawine apan mal᷊awangnga awingnge: Napawe buatte sinumandaga, i tou niumanna ana see namedda moṛṛongnge, wua'udde nabbisara, “I ya'u tawe na'ola'a apa-apa!”

AMSAL 28:13

Isai apan mammunin dosane tawe mauntungnga. Isai manga'u wuṛṛu manantangngu rosa, sarun dangnguannu Mawu.

DARALO 50:21

Eteudde apan niolangngu, arawe i Ya'u tumba'u mal᷊annaba, nariaddi su ṛingirannu i Ya'u ere lai i'o. Arawe orassa indi i Ya'u mapasal᷊anu, wuṛṛu sarangkanambone udde Ta'u iapal᷊iatta'a si'o.

DARALO 36:2

Rosa mabbisara sulal᷊ummu naungngu taumata lal᷊eo, i tou mangke tawe mata'uttu Ruata.

ESTER 8:16

Taumatan Yahudi naapendamma matamudda wuṛṛu mal᷊uassa, mal᷊angnganna wuṛṛu lullala'a.

YEREMIA 2:36

Mal᷊ihakka atonna i yamiu inai ringannu manga mongannu walahannu waine tadea'u maiontolla! I yamiu sarun iapasassillu taumata Mesir, ere lai i yamiu niapasassillu Asyur.

YEREMIA 14:10

Su ola'u walahanna udde Mawu nabbisara, “I Ya'u tawe mal᷊uassa su manga taumata udde apan maapulu tumal᷊angngu watanganne wua dingang-Ku, wuṛṛu tawe maaatokku watanganne. I Ya'u tawe maabul᷊i pasasal᷊a mangitou, i Ya'u sarun makkuumanni mangitou ana waugu rosa mangitou.”

YEREMIA 16:10

Napawe i'o mamasingkattu sarangkanambone indi si mangitou, asinungka i mangitou sarun maiwal᷊o anio i Ya'u makkuumanni mangitou aroddi ahewalle. I mangitou sarun maiwal᷊o apa pasasal᷊a wuṛṛu rosa mangitou si Ya'u, Mawu Ruata mangitou.

HOSEA 1:2

Sutempo Mawu paarorone nabbisara su walahannu Israel ringannu nabbisara wuassia'u, Mawu nabbisara, “Hosea, paawingken sangkatou apan apulune sussandaga, wuṛṛu manga anangngu lai sarun mangaṛṛussa si tou. Uma-U ere lai awingngu udde; i mangitou tawe satia si Ya'u, wuṛṛu nanantang-Ku.”