YEREMIA 2:20 - WUKE SUSI WATTI'U AL᷊AL᷊USASSA

²⁰ Mawu nabbisara, “Mal᷊annute i'o maddiri mattaṛṛamawu si Ya'u; maddiri tumuṛṛutta ara'e massubba si Ya'u. Su wowon suapan buidda apan matanggakka wuṛṛu su al᷊ungngu manga a'aluanna apan masindumunna i'o massubba manga mongannu asasuwukka.

YEREMIA 2:20 Referans Kwoze

TAHIUL᷊E 12:2

Napawe nasuttate su wanua udde i yamiu ṛinone manggohakku manga tampa passubbanna su puiddu manga wowone matanggakka, su manga wuidda wuṛṛu su al᷊ungngu manga aaluanna masindumunna, tampan manga walahanna apan uatana'a isudde massubba manga monganni mangitou.

IMAMATTA 26:13

I Ya'u, Ruatanu, apan nangapiddi yamiu sinumabbangnga wuassu Mesir tadea'u i yamiu tawe mabbal᷊i allangnga apia. Taṛṛino apan uaumpisanna si yamiu buatte Ta'u nipaddi, wuṛṛu i yamiu Ta'u niola'a taumata apan napallosse.”

YEREMIA 17:2

Manga taumatanu mattaṛṛamawu su manga mezbah wuṛṛu manga diṛṛin paal᷊uanna apan buatte nilanginna hunan Dewi Asyera su anambon aaluanna apan mapaṛṛampunga, su manga puiddu wuidda,

HOSEA 3:3

I ya'u nabbisara si tou manungku i tou ṛinone maṛṛaddo si ya'u sutempone apan mal᷊annu. Su al᷊annune udde i tou imbaṛṛangnga i tou sumandaga ara'e ma'ola'a al᷊al᷊eo, wuṛṛu i ya'u lai tawe mangundanin tou.

YEREMIA 30:8

Mawu Apan Lembontaṛṛino nabbisara apia su uman-Ne, “Napawe nia'omante allo udde, pasanganna apan niandangnga su pal᷊u'anu sarun Ta'u paddianna, wuṛṛu aiinnu sarun Ta'u wu'anna. I yamiu sarun tawe maola'a allangngu taumata raho apia.

YESAYA 1:21

Soa apan dorone satia, orassa indi naalihidda ere sangkatou masandaga! Dorone anambon tumanangnge matul᷊idda wuṛṛu tawe awusune, arawe orassa indi niatana'ante manga taṛṛa pate.

NAHUM 1:13

Orassa indi Ta'u insueanna taṛṛinon Asyur si yamiu, wuṛṛu Ta'u wassutanna ṛate apan uaṛṛapussa si yamiu.”

HOSEA 2:5

Inangngu sumasandaga apan tawe masili. I tou mabbisara, ‘I Ya'u sarun inai ringannu manga arangnguangku apan mangngonggolla si ya'u anna wuṛṛu ua'e, wol wuṛṛu linen, lanan zaitun wuṛṛu anggore.’

YEHEZKIEL 23:5

Salaiwe i Ohola naola'e awing-Ku, i tou sidutu sussandaga, wuṛṛu tumaniten maapulu mangngimbe manga arangnguanne wuassu Asyur.

YEHEZKIEL 20:28

I Ya'u nangapiddi mangitou su leta'a apan buatte niriandi-U si mangitou. Sutempo i mangitou maasilo manga wuidda apan matanggakka wuṛṛu manga aal᷊uanna apan mapaṛṛampunga, i mangitou mangonggollu sasamba su manga tampa udde. I mangitou napasa'u-U ana waugu manga sasamba itattambunna wuṛṛu anggore sasamba mangitou.

YEHEZKIEL 16:41

I mangitou saru manoṛṛobba manga wal᷊enu wuṛṛu mandolokku manga wawine mabbiala i'o iṛṛuumanna. Etearoddi Ta'u iapaaddo pasasandagu. I'o tate lai mattahia aonggolla su manga arangnguannu.

YEHEZKIEL 16:31

Su leta'u mal᷊alangngu soa wuṛṛu suapan dal᷊anna i'o napararisikku manga tampa pasasubbanna paal᷊uanna wuṛṛu sassandahanna. Arawe i'o wal᷊ine ere sumasandaga waine apan mappandumma roitta.

YEHEZKIEL 16:28

Arawe i'o taambe lai nawusa; ana waugu udde mangke mangngenggenna taumatan Asyur. I'o naola'a sumasandagi mangitou, arawe tawe lai maasomba awawusa wuassi mangitou.

YESAYA 14:25

Taumatan Asyur su Israel wanua-U, sarun Ta'u pateanna, wuṛṛu apan uatana'a su manga wowone sarun Ta'u ṛindanna. I Ya'u sarun mamallossu pabbawala-U wuassu patataṛṛuallanga wuṛṛu wuassu winabbawa apan iwabbata'i mangitou ṛatangannu taumatan Asyur.

YESAYA 10:27

Sutempo udde i Ya'u sarun mamallossi yamiu wuassu mangangallangu taumatan Asyur, wuṛṛu i mangitou tate lai uataṛṛino si yamiu.”

YESAYA 9:4

Sapatun tantara apan tuttaraddalla wuṛṛu laungnge apan napenen daṛṛa, sarun masue iepoddu putungnga.

DARALO 78:58

I mangitou maannamma Ruata ringannu tampa passubbanna, wuṛṛu na'ola'a si Tou nasa'u ringannu manga paal᷊uanni mangitou.

1 MARARATU 12:32

Wua'udde i Yerobeam nangaddo manga imam udde su Betel tadea'u mammanara poiaroddi wuṛṛu i tou sassane nangonggollu sasamba su manga sapi wul᷊awanne apan niolangnge udde. Ana see i tou nanantunna allo mapul᷊o l᷊ima wul᷊anna aual᷊une maola'a allo wahewan Israel, ere lai allo wahewa su Yehuda. Su allo udde i Yerobeam inaite watukku Betel wuṛṛu nangonggollu sasamba ipallaghu allo wahewa apan buatte tinantunne udde.

1 SAMUEL 12:10

Wua'udde i mangitou niumal᷊iomanna su Mawu wuṛṛu nanga'u rosan mangitou; wisarane, ‘Yami narosate ana waugu tinumal᷊iudda Si'o, oh Mawu, wuṛṛu yami lai massubba manga paal᷊uannu Monganni Baal wuṛṛu Asytoret. Arawe, orassa indi, sal᷊amatewe yami wuassu manga seetti yami, ne yami sidutu mattaṛṛamawu Si'o!’

YOSUA 24:26

Anambon tita wuṛṛu manga atoranna udde niwoṛṛetti tou su lal᷊ummu Wuken Tita Mawu. Wua'udde i tou nanganu sambau watu wahewalla su tampa apan apianne su Mawu.

YOSUA 24:24

Ana see manga taumata nabbisara si Yosua, “Yami sidutu tumba'u mattaṛṛamawu Mawu, Mawu Ruatan kite. Yami sarun tumuṛutta manga parenta-Ne.”

YOSUA 1:16

Ne ṛuanganni Ruben, i Gad, wuṛṛu sambageanganna ṛuanganni Manasye udde sinumimbakka, “Al᷊awo'u apa apan nirolokka si yami, sarun olaanni yami, wuṛṛu su al᷊awo'u tampa yami irolokku yami sarun inai.

TAHIUL᷊E 26:17

Allo indi yamiu manga'ute Mawu maola'a Mawu Ruatanu. I yamiu buatte naddiandi matuṛṛutta si Tou wuṛṛu mappaamattu al᷊awo'u tita wuṛṛu parenta-Ne.

TAHIUL᷊E 15:15

Naungete manungku i yamiu dorone allangnga su Mesir ana see nipallosu Mawu Ruatanu; ana waugu udde i ya'u nangonggolu parenta indi si yamiu.

TAHIUL᷊E 5:27

Ana waugu udde, roote Musa, daringiṛṛete al᷊awo'u wisaran Mawu Ruatan kite, ana see pasingkata'e si yami wisara apan niapasingkatu Mawu udde si'o. Yami sarun maddaringikka wuṛṛu tumuṛṛutta.’

TAHIUL᷊E 4:34

Apa pia sambau monganna apan baṛṛani mangal᷊appa sambau walahanna wuassu wallatu manga walahanna isudde ana see ma'ola'a si mangitou al᷊aṛṛanang-Nge sassane, ere buatte niola'u Mawu Ruatanu si yamiu su Mesir? I yamiu naasilo sassane ereapa Ruata ringannu atatohassa apan bahewalla nandantan asasilaka wuṛṛu pangalo, nammanara manga al᷊aṛṛindu'a wuṛṛu na'ola'a manga inolaanna apan bahewalla.

TAHIUL᷊E 4:20

Arawe i yamiu uddewe walahanna apan niapasal᷊amatta wuassu Mesir, su tampa i yamiu tumaniten uatataṛṛanga. I yamiu niapiddi Tou sinumabbangnga wuassu wanua udde, tadea'u mabbal᷊i walahanna sassane ere olangngu orassa indi.

SASABANGNGA 24:3

Ana see i Musa inaite wuṛṛu namasingkatta su walahanna udde anambon parenta wuṛṛu atorannu Mawu. I mangitou sarangkanambone sinumimbakka sangkaṛṛindo'a, “Yami ma'apulu tumuṛṛutta anambon parenta apan niwisaran Mawu.”

SASABANGNGA 19:8

I mangitou sarangkanambone sinumimbakka ringannu naṛṛindo'a, “Yami mappulu tumuṛṛutta al᷊awo'a apan nirolokku Mawu,” wuṛṛu sasimbakka udde nippasingkatti Musa su Mawu. Ana see unnu Mawu si Musa, “I Ya'u sarun rumanta ringannu aoosanu winabbawa apan maappala; manga taumata sarun maddaringikka si Ya'u mabbisara si'o, wuṛṛu manattakka orassa udde i mangitou sarun sidutu mangngimanna si'o.

SASABANGNGA 3:8

Ana waugu udde i Ya'u sumossokke mamallossi mangitou wuassu liman taumata Mesir wuṛṛu mangapiddi mangitou sumabangnga wuassu wanua udde mattuddan sambau wanua apan mal᷊alangnga. Letangnge ala wuṛṛu masuwukka, wuṛṛu orassa indi wawanuannu balahannu Kanaan, balahannu i Het, i Amori, i Feris, i Hewi wuṛṛu i Yebus.

SONDAPPA 17:1

Wua'udde sangkatou wuassu sire pitu mala'ekatta apan uaggasa cawanna pitu udde nirumanta ringangku wuṛṛu nabbisara, “Wette, i ya'u sarun manta'e si'o ereapa sumasandaga apan wahewalla udde sarun iṛṛuumanna, eteudde soa wahewalla apan niapararisikka su winggi manga sal᷊ukka.

1 MARARATU 14:23

Su puiddu manga wuidda wuṛṛu su al᷊ungngu manga aal᷊uanna masallakka, i mangitou na'ola'a manga tampa pasasubbanna paal᷊uanna, wuṛṛu napararisikku manga diṛṛi see manga paal᷊uanni monganna Asyera tadea'u subbanna.

DARALO 107:14

I Tou nangapiddi mangitou sinumabbangnga wuassu ararandumma, wuṛṛu namaddi mantungi mangitou.

YEREMIA 2:31

Ei umattu Israel, paddaringikke manga wisara-U indi. Apa i Ya'u buatte na'ola'a Israel ere wadda'u anne su saruanni yamiu ara'e leta'a apan wasa tuudda? Arawe anio i yamiu mabbisara manungku i yamiu mappulu mapallossa, wuṛṛu maddirite mabelengnga ringang-Ku?

YEREMIA 3:13

Panga'ute manungku i'o nassala wuṛṛu buatte nilumawangnga su saruannu Mawu, Ruatanu. Panga'ute manungku su al᷊ungngu suapan punnu alu apan mappaṛṛampunga i'o buatte namatu'a apulunu su manga mawun balahanna waine, wuṛṛu tawe tumuṛṛutta manga parenta-U. I Ya'u, Mawu buatte nabbisara.”

YEREMIA 5:5

Mappianne i ya'u inaite ringannu manga tembonanne, wuṛṛu maggahatto mangitou. I mangitou sarun maasingkatta apa apan ipaapulu wuṛṛu raddorongannu Mawu Ruata wuassi mangitou.” Arawe, i mangitou sarangkanambone lai maddiri parentannu Mawu; i mangitou maddiri tumuṛṛutta si Tou.

YEREMIA 13:27

I Ya'u buatte naasilo si yamiu ma'ola'a manga apa apan iaaranting-Ku. I Ya'u naasilote si yamiu mangngenggenna manga nawu waine su wuidda wuṛṛu su wawail᷊anna, ere sangkatou esakka mabbewan awingngu taumata waine ara'e ere awal᷊o esakka mabbewan awal᷊o wawine. Tumana'u Yerusalem, nasilakate i yamiu! Tingngera i yamiu mapallossa wuassu al᷊al᷊eo?”

HOSEA 4:13

Sumanga tampa pasasubbanna paal᷊uana su manga puiddu wuidda wuṛṛu wowone, i yamiu mangngonggollu sasamba, wuṛṛu mannambunnu manania su al᷊ungngu manga aaluanna wahahewalla wuṛṛu masindumunna ana waugu tampa udde mal᷊annabba. Arawe apa pangillul᷊eanne? Manga anangngu maṛṛuala nabbal᷊ite sumasandaga wuṛṛu manga mananambonu wawine maddea'a sawa waine!

MAL᷊AṚṚUUNGNGA 2:11

Wua'udde taumatan Israel narosate su saruannu Mawu. I mangitou lai tate massubba Mawu, Ruata iupungngu al᷊amonan mangitou, eteudde Ruata apan buatte nangapiddi mangitou sinumabbanga wuassu Mesir. I mangitou mannattake massubba si Baal wuṛṛu si Asytoret ana see lai manga monganna waine apan sassubbannu manga walahanna apan uatana'a maranin mangitou. Ne Mawu nasa'u si mangitou wuṛṛu namalaten seetta namangalo wuṛṛu nangaṛṛo darotongngi mangitou. I mangitou tawe naal᷊ore sinumaruanna manga seetta apan uapal᷊iwutta si mangitou.

MAL᷊AṚṚUUNGNGA 10:6

Walahannu Israel na'ola'e rosa apia su Mawu. I mangitou tate mappandumma Mawu wuṛṛu tate lai massubba si Tou. I mangitou massubbate manga mongannu Baal wuṛṛu Asytoret, wuṛṛu mongannu manga walahannu Siria, Sidon, Moab, Amon wuṛṛu Filistin.

DARALO 2:3

Manga tembonanne udde mabbisara, “Wette i ite mamaddi taṛṛinon mangitou wuṛṛu i ite malliu wuassu taṛṛino udde!”

HOSEA 1:2

Sutempo Mawu paarorone nabbisara su walahannu Israel ringannu nabbisara wuassia'u, Mawu nabbisara, “Hosea, paawingken sangkatou apan apulune sussandaga, wuṛṛu manga anangngu lai sarun mangaṛṛussa si tou. Uma-U ere lai awingngu udde; i mangitou tawe satia si Ya'u, wuṛṛu nanantang-Ku.”

HOSEA 9:1

Ei walahannu Israel, ariete mallaghu apia mangan rameanu ere manga walahanna waine. I yamiu buatte nanantangngu Ruatanu wuṛṛu tawe satia si Tou. Suapan paṛṛindanna gandumma, i yamiu mabbalu'u watangannu maola'a sumasandaga su Mongannu Baal, wuṛṛu mal᷊uassa manengkamma gandumma apan sassunnanni mangitou lal᷊antakke apan nionggollu monganna udde si yamiu!