YEREMIA 2:19 - WUKE SUSI WATTI'U AL᷊AL᷊USASSA

¹⁹ Al᷊al᷊eonu sassane apan makkuumannu, i'o nasusa ana waugu nanol᷊a-U, Ruatanu. Orassa indi pamendampe aroddi apettane wuṛṛu aṛṛagene amungkangngu i Ya'u tal᷊i'urannu wuṛṛu tawe addatannu. I Ya'u, Mawu Ruatanu buatte nabbisara; Ete i Ya'u Mawu Ruata Apan Atanggaṛṛanne wuṛṛu Lembontaṛṛino.”

YEREMIA 2:19 Referans Kwoze

YESAYA 3:9

Ala'uanni mangitou apan mawunga mapal᷊iatta'u al᷊al᷊eon mangitou. Ringannu matualaga i mangitou narosate ere taumatan Sodom paarorone. Nasilakate i mangitou! I mangitou mandantan asasilaka su watanganni mangitou sassane.

YEREMIA 4:18

Yehuda, ete i'o sassane apan nandantan asasilaka udde su watangannu. Ola'u pabbiaṛṛannu wuṛṛu manga inolaannu naawawa anambon asasusa udde mangngusu'a naungngu.

YEREMIA 2:17

I'o sassane apan namonse sarangkanambone apan nariaddi su watangannu, ana sutempo i'o Ta'u ni'ehetta su amatanna, i'o tinumal᷊iudda si Ya'u, Mawu Ruatanu.

DARALO 36:1

Su piaṛṛa'u mangangantari. Wuassi Daud, allangu Mawu.

HOSEA 5:5

Awawungan balahannu Israel aasiloanna ringannu massemakka, wuṛṛu maola'a tialan pasasal᷊an mangitou. Rosan mangitou naaola'a si mangitou natara wuṛṛu nawal᷊atta, wuṛṛu walahannu Yehuda nanawo suadio'a lai ringanni mangitou.

AMOS 8:10

Manga rameanu sarun Ta'u wal᷊uanna mabbal᷊i lullal᷊o, wuṛṛu manga aantarinu mabbal᷊i lal᷊uai. I Ya'u sarun ma'ola'a si yamiu mangiṛṛi utangngu wuṛṛu malluṛṛen laubba karongnga tattialan massusa. I yamiu sarun maola'a ere iamangnga inangnga apan lulluain papaten anangnge tinggassa. Allo udde sarun umuddussa ringannu lembon maasusa.”

HOSEA 11:7

wuṛṛu mangke mappulu manantang-Ku. Ne i mangitou sarun allanganna, arawe taweddu mamallossi manitou salaiwe i mangitou mangngintul᷊i ma'iontolla.”

YEREMIA 5:6

Ana waugu i mangitou sarun pateannu singa wuassu mahurangnge, wuṛṛu ringanna wangngasannu serigala wuassu wadda'u anne. Macan tutul sarun mammal᷊intadda maddea'a inassa maranin manga soa mangitou, wuṛṛu suapan taumata apan sumabbangnga sarun tamboanne. Sarangkanambone udde mariaddi ana waugu i mangitou manambote rosane, wuṛṛu masokka-sokka tumal᷊i'udda Ruata.

ROMA 3:18

wuṛṛu tawe massubba Ruata.”

ZAKARIA 7:11

Arawe uma-U puane maattikka wuṛṛu mangke maddiri maddaringikka; i mangitou mannapingnga tal᷊inga mangitou ana see tawe maaringikka.

HOSEA 14:1

Samaria ṛinone iṛṛumanna ana waugu mandona nilumawangnga si Ya'u. Tumanangnge sarun mate sulal᷊ummu pangalo; al᷊aṛṛanangnge maradio'a sarun ilaranna, wuṛṛu manga wawine pia illoṛṛo waana tianne.”

YEREMIA 8:5

Arawe anio i yamiu, uma-U, sidutu sussempalla wuṛṛu mannantang-Ku? I yamiu uaagassa matohassa su manga paal᷊uannu, wuṛṛu maddiri mabbelengnga ringang-Ku!

HOSEA 4:16

I yamiu, ei taumatan Israel, tumaniten tawe maddaringikka! Ereapa wotongnge i Ya'u mallu'adda si yamiu ere domba su wadda'u nannal᷊o?”

YEREMIA 5:22

Ete i Ya'u Mawu; anio i Ya'u tawe iata'utti yamiu? Ṛinone i yamiu mangngindo su saruang-Ku! Ete i Ya'u apan nallanginnu apanne apan naola'a sasaran tahal᷊oangnga apan tawe al᷊iuanna saran mal᷊annu-l᷊annu. Tahal᷊oangnga wotongnge mattandi'a wuṛṛu walladde mandi'uṛṛungnga, arawe tawe maal᷊iu passaranne udde.

YEREMIA 3:22

Ei i yamiu sarangkanambone apan nanantangke Mawu, pabbelengke! I tou sarun mangapia si yamiu, wuṛṛu ma'ola'a si yamiu mabbal᷊i satia. I yamiu mabbisara, “Ore, orassa indi i yami rumantate ringannu Mawu, ana waugu i Tou Ruatan kami.

YESAYA 50:1

Mawu nabbisara su Israel, “Ei uma-U, sunnanu i Ya'u mallimbuakka si'o naal᷊ihidda sangkatou esakka mallimbuakka awingnge? Amungkangngu aroddi, suapa surattu sindo? Sunnanu i Ya'u mabbalungngu, ere sangkatou iamangnga nabbal᷊u'u anangnge ipamaekka awallassa? Wal᷊ine! I'o niatawanna wuṛṛu niwuangnga, ana waugu rosa wuṛṛu al᷊al᷊eonu sassane!

YESAYA 5:5

Arendi Ta'u paddul᷊iananna waillu anggore-U udde: Paggalla apan uapal᷊iwutta sarun Ta'u sawutanna, tanda'a apan ual᷊indumma wailla udde sarun Ta'u iṛṛa'a, ana see Ta'u iwala winatangnga mal᷊aṛṛaga mandusa wuṛṛu makkinda wailla udde.

AMSAL 5:22

Rosan taumata lal᷊eo udde ere sedda apan ipannongnga taumata udde sassane.

AMSAL 1:31

Ana waugu udde, i yamiu sarun maapendamma pangillul᷊eannu manga inolaannu wuṛṛu manga hol᷊agu apan dal᷊eo.

AMSAL 1:32

Taumata apan tawe asingkatta su ola'u pabbiaṛṛanna sarun mate ana waugu tawe mangarega'u, wuṛṛu taumata longonna sarun maṛṛimunsa'a ana waugu tawe maddaringikka si ya'u.

YEREMIA 5:24

Taambe saran paassa i yamiu mannaungnga tadea'u mangaddatta si Ya'u, sumbal᷊i ete i Ya'u apan nandolokku uranna, mawae ete su panattaṛṛanne aroddi lai su panginsueannu tempon uranna. Ete i Ya'u lai apan nangonggolla si yamiu tempon pangitinganna suapan mattonna.

YEHEZKIEL 39:24

Ta'u iṛṛuumanna i mangitou uasul᷊ungngu ararantinna wuṛṛu al᷊al᷊eo mangitou, ana see Ta'u nitantangnga i mangitou.”

HOSEA 7:2

Tawe saran paasa sinumambbi sulal᷊ummu ṛingiranni mangitou manungku i Ya'u sarun mannaungnga al᷊awo'u al᷊al᷊eo udde. Arawe manga rosan mangitou uapal᷊iwutta si mangitou na'oman sara i Ya'u naasilo ringannu matualaga.”

HOSEA 13:9

I Ya'u sarun makkimunsa'a si yamiu, ei walahannu Israel! Wuṛṛu isaite apan wotongnge mangontolla si yamiu?

MIKHA 1:5

Sarangkanambone udde sarun mariaddi ana waugu taumatan Israel marosa wuṛṛu mammangalo su saruannu Ruata. Isaite apan naaola'a Israel marosa? Wal᷊inewe Samaria inangngu soane sassane? Isaite apan naaola'a Yehuda massubba paal᷊uanna? Wal᷊inewe Yerusalem sassane?

MAL᷊AṚṚUUNGNGA 10:13

Salaiwe aroddi, yamiu ewe'e ta'e lai tuttal᷊iudda si Ya'u, ana see inai massubba manga monganna. Orassa indi Ya'u maddirite mamallossi yamiu apia.

1 MARARATU 18:18

“I ya'u wal᷊ine mangangal᷊iba'ukka,” sasimbakki Elia, “arawe i Tuangnga sassane. Ete i Tuangnga wuṛṛu amonanni Tuangnga apan mangngal᷊iba'ukka. Ringannu massubba manga paal᷊uanni Baal, i Tuangnga nilumawangnga manga parentan Mawu.

2 TAWARIKH 12:5

Sutempo udde i Ratu Rehabeam wuṛṛu manga piaṛṛa'u Yehuda uaammule su Yerusalem ana waugu tinumal᷊angngi Sisak. Nabi Semaya nirumanta ringanni mangitou wuṛṛu nabbisara, “Arendi wisaran Mawu, ‘I yamiu buatte nanantang-Ku, nariaddi orassa indi Ya'u lai manantangngi yamiu na'oman sara i yamiu massuṛṛubawa si Sisak.’ ”

2 TAWARIKH 21:10

Nanattakka orassa udde Edom tate uasuṛṛubbawa su Yehuda. Sutempo udde soa Libna lai namangalo. Sarangkanambone udde nariaddi ana waugu Yehoram buatte nanantangngu Mawu, Ruata apan sassubbannu al᷊amonane.

2 TAWARIKH 25:16

“Paal᷊annabba,” unni Amazia, “Amungkangu tawe, yami sarun mamate si'o! Tawe saran paassa yami namile si'o maola'a mananantiron datu!” Ne nabi udde nallannabbe, arawe paarorone i tou naawisara, “Orassa indi ya'u masingkatta manungku Ruata buatte nakkawessa mamate si Tuangnga ana waugu inolaanni Tuangnga udde, wuṛṛu ana waugu i Tuangnga maddiri maddaringikka tatantiro'u.”

YEREMIA 1:16

I Ya'u sarun makkuumannu uma-U, ana waugu i mangitou na'ola'a rosa wuṛṛu tinumal᷊iudda si Ya'u. I mangitou buatte nangonggollu manga sasamba su manga mawu waine, wuṛṛu nallanginnu manga paal᷊uanna lapiddu massubba si tou.

YEREMIA 7:19

Arawe mangke atonna, wal᷊inewe i Ya'u apan raddal᷊eoanni mangitou, ewe'e watanganni mangitou sassane na'oman sara i mangitou nasili.

YEREMIA 13:22

Asinungka i yamiu maiwal᷊o anio sarangkanambone udde naṛṛia'a su watangannu, anio laungngu nihesa'a wuṛṛu i yamiu niṛṛampassa. Ṛinone i yamiu masingkatta manungku udde nariaddi ana waugu rosanu tumaniten bahewalla.

YEHEZKIEL 23:30

apan mandantan al᷊al᷊eo indi si'o. I'o nabbal᷊i sumasandaga su manga walahanna, wuṛṛu nandal᷊eo watangannu ringannu manga monganni mangitou.

HOSEA 9:1

Ei walahannu Israel, ariete mallaghu apia mangan rameanu ere manga walahanna waine. I yamiu buatte nanantangngu Ruatanu wuṛṛu tawe satia si Tou. Suapan paṛṛindanna gandumma, i yamiu mabbalu'u watangannu maola'a sumasandaga su Mongannu Baal, wuṛṛu mal᷊uassa manengkamma gandumma apan sassunnanni mangitou lal᷊antakke apan nionggollu monganna udde si yamiu!