YEREMIA 2:18 - WUKE SUSI WATTI'U AL᷊AL᷊USASSA

¹⁸ Apa untungnge i'o mabbatukku Mesir? Inai ma'inumma ua'en Sal᷊ukku Nil? Apa untungnge i'o mabbatukku Asyur? Inai ma'inumma ua'en Sal᷊ukku Efrat?

YEREMIA 2:18 Referans Kwoze

YOSUA 13:3

wuṛṛu ahewallu leta'u Awi watukku timukka. (Wageanga wuassu Sal᷊ukku Sikhor su passarannu Mesir ma'oman sara passarannu Ekron su samba'an sawannakka, sarangkanambone udde nareengnga wageangngu leta'u walahannu Kanaan; wuṛṛu manga ratun Filistin uatana'a su Gaza, Asdod, Askelon, Gad wuṛṛu Ekron).

HOSEA 7:11

Israel uapapal᷊ele tawe atanaanne naal᷊ihidda merpati apan woddo. Paarororne manga taumatane naddorongnga sumbala su Mesir, wua'udde i mangitou tinumal᷊angnga ringannu Asyur!

YEREMIA 2:36

Mal᷊ihakka atonna i yamiu inai ringannu manga mongannu walahannu waine tadea'u maiontolla! I yamiu sarun iapasassillu taumata Mesir, ere lai i yamiu niapasassillu Asyur.

YESAYA 31:1

Nasilakate taumata apan inai watukku Mesir see maddorongnga sasumbala! I mangitou mangngantima atatohassu tantaran pangalo Mesir ringannu tantaran awal᷊o wuṛṛu awal᷊one mangkatohassa se'e lai keretane manambo. Arawe i mangitou tawe mangimanna Mawu, Ruata na'ukassa su Israel wuṛṛu tawe maisumabala su Mawu.

HOSEA 5:13

Walahannu Israel wuṛṛu walahannu Yehuda naatutkka inolaanne apan dal᷊eo, ne Israel inaite watukku Asyur tadea'u maddorongnga sumbala su ratu wahewalla. Arawe i tou udde tawe ma'ontolla wuṛṛu mangapia ola'u pabbiaṛṛanni mangitou.

YEHEZKIEL 17:15

Arawe ratun Yehuda namangalo see nandolokku darol᷊oṛṛanna inai su Mesir tadea'u maasomba awal᷊o wuṛṛu tantara apan manambo. Apa i tou sarun maauntungnga? Apa i tou sarun iwala maal᷊assanga? Tawe mariaddi i tou massinaaddu paaire ringannu tawe iṛṛuumanna.

LAL᷊ALLU 4:17

Matan kami naasilote, ual᷊aṛṛaddo sumbala apan tawe rumanta. I yami uaantimma aontollu sambau walahanna, apan ṛinone tawe mapangonggollu manga apa.

YESAYA 7:20

Mawu sarun manewa ratun Asyur tadea'u ma'ola'a Israel naal᷊ihidda sangkatou taṛṛa pol᷊o apan mallunggukka anambon uta'a wuṛṛu waṛṛabbissu awa'a.

YEHEZKIEL 16:28

Arawe i'o taambe lai nawusa; ana waugu udde mangke mangngenggenna taumatan Asyur. I'o naola'a sumasandagi mangitou, arawe tawe lai maasomba awawusa wuassi mangitou.

2 TAWARIKH 28:16

Manga taumatan Edom nanattakke apia namangalo Yehuda wuṛṛu nanawanna manambo taumata. Ana waugu udde i Ratu Ahaz naddorongnga si Tiglat-Pileser, ratun Asyur, tadea'u mangonggolu sasumbala.

YEREMIA 31:22

Maddatingngu tingngera i'o tawe homago'a, ei walahanna apan mal᷊awangnga si Ya'u? I Ya'u buatte nandiaddi manga apa apan wakku su runia, sambau apan maaṛindu'a – ma'atiangnga ere wawine uariaga esakka.”

LAL᷊ALLU 5:6

I yami inaite massaṛṛi su Mesir, i yami maddorongnga anna su Asyur.

YEHEZKIEL 23:30

apan mandantan al᷊al᷊eo indi si'o. I'o nabbal᷊i sumasandaga su manga walahanna, wuṛṛu nandal᷊eo watangannu ringannu manga monganni mangitou.