YEREMIA 19:13 - WUKE SUSI WATTI'U AL᷊AL᷊USASSA

¹³ Anambon bal᷊e su Yerusalem anambon wal᷊en manga ratun Yehuda sarun mabbal᷊i luhudda ere Tofet; ana waugu su wowon atuppu manga wal᷊en udde taumata buatte nanambunnu amania huna manga monganna su langitta, wuṛṛu nangonggollu anggore su manga monganna waine.”

YEREMIA 19:13 Referans Kwoze

YEREMIA 32:29

wuṛṛu manoṛṛobba na'oman sara masue suadio'a ringannu manga wal᷊en manga taumata ma'asabbangngu asasa'u-U, ana waugu su wowon atuppu manga wal᷊en udde i mangitou mannambunnu amania si Baal wuṛṛu mallal᷊innu ua'e anggore ipassubba manga monganna.

2 MARARATU 23:12

Manga mezbah apan niola'u manga ratun Yehuda su atuppa su wowon manga wallo'an Datu Ahas, nihohakka. See lai manga mezbah apan niola'i Ratu Manasye su darua rallaku Wal᷊en Mawu, nihohakki Yosia, ana see niramme su Wawal᷊annu Kidron.

ZEFANYA 1:5

I Ya'u sarun manahangginna ma'oman sara mawaresi isai-isai apan niumawitta su atuppa tadea'u massubba matannallo, wul᷊anna wuṛṛu manga anumpitanna. Sarun Ta'u iapaawul᷊i i mangitou lai apan massubba si Ya'u wuṛṛu massalu matuṛṛutta si Ya'u, arawe lai massalu ringannu arannu Monganna Milkom.

YEREMIA 7:18

Manga al᷊aṛṛana'a mangngammullu alung kanna, ingana'a esakka makkunuttu putungnga, wuṛṛu ingana'a wawine mangngompengngu taponna olaanna kukisse ionggolla su monganna apan isassaggo mangitou Ratun Surga. Wuṛṛu tadea'u ipandal᷊eo naung-Ku, i mangitou lai nangonggollu anggore su manga mawu waine.

TAHIUL᷊E 4:19

Ariete i yamiu marosa ana waugu massubba wuṛṛu mattaṛṛamawu su al᷊awo'u apa apan niasiloanni yamiu su langitta; matannallo, wul᷊anna wuṛṛu manga anumpitanna. Mawu Ruatanu namalan manga walahanna waine massubba manga saranapa udde.

YEREMIA 44:18

Arawe ro'en i yami naddote mangonggollu sasamba su Ratun Surga, wuṛṛu tate lai mallal᷊innu anggore maola'a sasamba si tou, i yami niapauasannu al᷊awo'a; manga taumatang kami nate sulal᷊ummu pangalo ara'e ana waugu ṛutumma.”

DARALO 79:1

Daralon Asaf. Oh Ruata, walahanna apan tawe maillal᷊a uatana'e su leta'a pussa'a-Nu. I mangitou nandal᷊eote Wal᷊en-Nu, Yerusalem niola'a ete tuidda.

DARALO 74:7

I mangitou nanoṛṛobba Wal᷊en-Nu na'oman sara nasue; wuṛṛu nandal᷊eo tampa passubbanna Si'o.

2 MARARATU 23:10

Tofet, eteudde tampa passubbanna monganna su Wawal᷊annu Hinom, nisaparanna. Ringannu aroddi tate taumata lai apan botongnge mangonggolu anangnge maola'a sasamba itattambuna si Monganna Molokh.

WATTI'U MANGA RASUL 7:42

Ne Ruata nanantangngi mangitou wuṛṛu namala mangitou massubba manga anumpitanna su langitta. Udde ere lai uawoṛṛetta sulal᷊ummu Wuke Manga Nabi. Arendi, ‘Ei manga taumatan Israel! Wal᷊inewe hunane si Ya'u i yamiu mammototta wuṛṛu ma'ola'a sasamba wuassu winatangnga, appatu pul᷊o su tonnane al᷊annune su wadda'a.

YEHEZKIEL 20:28

I Ya'u nangapiddi mangitou su leta'a apan buatte niriandi-U si mangitou. Sutempo i mangitou maasilo manga wuidda apan matanggakka wuṛṛu manga aal᷊uanna apan mapaṛṛampunga, i mangitou mangonggollu sasamba su manga tampa udde. I mangitou napasa'u-U ana waugu manga sasamba itattambunna wuṛṛu anggore sasamba mangitou.

YEREMIA 52:13

I Nebuzaradan nanoṛṛobba Wal᷊e Mawu, wal᷊en araratuannu ratu, wuṛṛu anambon bal᷊en taumata mapiane su soan Yerusalem.

2 MARARATU 23:14

Manga pale monganna wuṛṛu paal᷊uannu monganni Asyera niapaaṛṛa'a, ana see leta'a pina'olaanna manga pale wuṛṛu manga paal᷊uanna udde niomboanni Yosia ringannu manga duṛṛin taumata.

WATTI'U MANGA RASUL 10:9

Tiṛṛabbine, tantal᷊anna i mangitou sulal᷊ummu amatanne wuṛṛu maraniten Yope, i Petrus nirumanganna su pangketta ana umal᷊iomanna.

2 MARARATU 17:16

I mangitou nilumawanga anambon titan Mawu, Ruatan mangitou, wuṛṛu na'ola'a darua sapi wuassu logam subbanni mangitou. I mangitou nallanginnu paal᷊uannu Monganni Asyera, massubba manga winatanga wuṛṛu mattaṛṛamawu Mongannu Baal.

YEREMIA 8:2

wal᷊ine tadea'u iammulla wuṛṛu ilabbingnga apia ewe'e iawala su leta'a maola'a sapadda. Duṛṛi manga taumata udde sarun iwati su saruannu matannallo, wul᷊anna wuṛṛu manga anumpitanna apan sassubbanni mangitou, a'imbeanna, sassubbanna, wuṛṛu paddoronganna tatantiro.

YEREMIA 19:12

Soa indi ringannu tumanangnge sarun Ta'u olaanna ere Tofet.

YESAYA 22:1

Eteindi tanata su ola'u Wawal᷊annu Sondappa ara'e tatimmata: Ei, tumana'u Yerusalem, anio i yamiu niumawitta su atuppu wal᷊en?