YEREMIA 18:7 - WUKE SUSI WATTI'U AL᷊AL᷊USASSA

⁷ Napawe su sambau tempo i Ya'u makkawessa mamate, maṛṛa'a wuṛṛu makkimunsa'a sambau walahanna ara'e araratuanna,

YEREMIA 18:7 Referans Kwoze

YEREMIA 1:10

Allo indi i Ya'u mangonggolla si'o taṛṛino su manga walahanna wuṛṛu manga araratuanna – taṛṛino ipanuwangnga wuṛṛu ipangema'a, tadea'u ipamaddo wuṛṛu ipamate, iapararisikka wuṛṛu ipassuanna.”

YEREMIA 45:4

Ei Barukh! I Ya'u, Mawu, tantal᷊anna mapaṛṛa'an saranapa apan i Ya'u niaparisikka, wuṛṛu tantal᷊anna mangngabutta sasuanna apan Ta'u nisuanna. Ahewallu runia Ta'u olaanna aroddi abbi.

YUNUS 3:4

Yunus sinumutta su soa udde wuṛṛu napawe buatte niumamatta su al᷊o'engngu allo, i tou mannattakke mannase, wisarane, “Appatu pul᷊o su allone lai, Niniwe sarun maṛṛimunsa'a!”

AMOS 9:8

I Ya'u, Mawu Apan Atanggaṛṛanne, tantal᷊anna ma'uwasi araratuannu Israel apan marosa indi, wuṛṛu i Ya'u sarun mamappassa wuassu wowon dunia. Arawe papapulunni Yakub tawe sarangkanambone Ta'u pateanna. I Ya'u, Mawu, buatte nabbisara.

PANDARIADDI 6:6

I Tou sinumassilla buatte nandiaddi si mangitou wuṛṛu napaatana'i mangitou su runia. I Tou tumaniten sinumassilla,

YEREMIA 31:28

Su ereapa dorone i Ya'u buatte nallu'adda si mangitou tadea'u wua'udde i Ya'u mangabbutta, maṛṛa'a wuṛṛu makkimunsa'a si mangitou, aroddi lai i Ya'u sarun mallu'adda si mangitou tadea'u i Ya'u manohassa wuṛṛu i mangitou mabbangunna apia.

YEREMIA 42:10

‘Amungkangngu i yamiu mappulu sidutu uatana'a su wanua indi, i Ya'u sarun mabbatunna si yamiu, wal᷊ine mamontolla; i Ya'u sarun mapararisikki yamiu, wal᷊ine manggohakka.

YEHEZKIEL 33:14

Wotongnge mariaddi i Ya'u buatte napanaungngu taumata lal᷊eo manungku i tou sarun mate. Arawe napawe i tou maddote ma'ola'a rosa wuṛṛu mannattakke ma'ola'a apapia wuṛṛu naṛṛino, tul᷊addane ere i tou napawelengngu saranapa wua nihadden taumata, ara'e saranapa apan buatte nita'one see tinumuṛṛutte su manga tita apan mangngapiddu pabbiaṛṛanna, ne i tou tawe nate.

DANIEL 11:4

Arawe su panginsueannu awawantuge, araratuanna udde sarun mapesangnga mabbal᷊i appattu wageangnga. Manga ratu apan wal᷊ine papapulunne sarun mamarenta maola'a hahantine, wuṛṛu i mangitou tawe atatohassa ere i tou.

YEREMIA 26:3

Asinungka walahanna udde maddulu maddaringikka, ana see maddote ma'ola'a al᷊al᷊eo, ma'oman sara i Ya'u tate manakkuttu apulu-U eteudde manilaka si mangitou uasul᷊ungngu inolaanni mangitou apan dal᷊eo.”

YUNUS 3:10

Ruata na'ellega inolaanni mangitou; i Tou naasilo manungku i mangitou buatte nanantangngu inolaanni mangitou apan dal᷊eo. Ne i Tou namal᷊u ṛiin-Ne, wuṛṛu tate nariaddi hakkuumanni mangitou.