YEREMIA 18:23 - WUKE SUSI WATTI'U AL᷊AL᷊USASSA

²³ Arawe I'o, Mawu, masingkattu sarangkanambone apan ihagol᷊agi mangitou ipanginsue niawa'u. Ana waugu udde, arie mangampungnga si mangitou; arie pamappassa pasasal᷊a mangitou. Puulle i mangitou ma'oman sara manawo. Pandonate si mangitou sulal᷊ummu asasa'u-Nu.”

YEREMIA 18:23 Referans Kwoze

DARALO 35:4

Wala'e taumata apan maapulu mamate si ya'u iawaddo wuṛṛu pansilianna. Wala'e taumata apan ma'ire mando'apa si ya'u sumuṛṛotta ringannu nial᷊iwune.

YESAYA 2:9

Suapan taumata sarun pansilianna wuṛṛu iapawawo. Arie pa'ampungewe i mangitou oh Mawu!

ROMA 2:5

Arawe puan kamiu maattika wuṛṛu maddiri mawal᷊u. Ana waugu udde ete i yamiu sassane apan ma'ola'a ṛuumannu aatambanna awakkane su Allon Kiamatta, napawe Ruata mapaal᷊iatta'u asasa'u-Ne ringannu ṛuumanna apan su ṛinone.

LUKAS 21:22

Ana waugu manga allo udde ‘Eteudde Allon Ṛuumanna Iapaamatta’, tadea'u ringannu olangnge udde, apa apan uawoṛṛetta sulal᷊ummu Wuke Susi sarun matipussa.

YEREMIA 18:18

Taumata mabbisara, “Wette i ite ma'ammulle lumawangnga si Yeremia. Wal᷊ine tumba'u i tou apan botongnge maggahatton Duata. Sidutu sarun pia imam apan botongnge mangonggollu al᷊aṛṛa'a, pia taumata pande apan botongnge mangonggollu tatantiro; wuṛṛu pia nabi apan wotongnge mamasingkatta si ite manga tanata wuassu Ruata. Wette i ite mangalaen tou su mallaṛṛuungnga wuṛṛu lai maddirite maddaringikka manga wisarane.”

YEREMIA 15:15

Wua'udde i ya'u nabbisara, “Mawu, I'o ma'asunna. Naungewe, wuṛṛu ontol᷊ewe i ya'u. Wal᷊isete i mangitou apan mangngenggenna wuṛṛu mangngallangnga si ya'u. Ariewe tumaniten masabbare si mangitou ma'oman sara i mangitou wotongnge maapate si ya'u. Naungete manungku ana waugu I'o i ya'u nial᷊uandahanna.

YEREMIA 11:23

I Ya'u buatte nanantunnu tempone mandantan asasilaka su manga taumatan Anatot, wuṛṛu napawe tempon ṛuumanni mangitou nia'omante, tawe saran sangkatou apan mal᷊iudda.”

YEREMIA 8:12

Ei uma-U, ṛinone i yamiu masili ana waugu buatte na'la'a sarangkanambone apan dal᷊eo udde! Arawe wambalang kamiu maappalla wuṛṛu tawe masili. Ana waugu udde i yamiu sarun manawo ere taumata waine apan nanawote; nasuete hattone napawe i Ya'u makkuumanni yamiu.

YESAYA 10:3

Apate a'olaani yamiu su allo Ruata makkuumanni yamiu? Apa apandenu sutempo i Tou mandantan asasilaka wuassu wanua apan marau? Sisai i yamiu sarun maddorongnga aontolla? Suapate i yamiu sarun mamunin paa'alan kamiu udde?

DARALO 59:5

Wal᷊ine lai ana waugu pasasal᷊a'u, i mangitou uasasaṛṛawutta wuṛṛu uasasadiate.

DARALO 119:126

Mawu, ni'omante tempone I'o mammanara, ana waugu manga taumata nilumawanga tita-Nu.

YEREMIA 6:15

Ṛinone i mangitou masili ana waugu buatte na'ola'a sarangkanambone apan dal᷊eo udde. Arawe i mangitou wambala maappalla wuṛṛu wagga masili. Ana waugu udde i mangitou sarun manawo ere taumata waine, nuddusse watti'u pabbiaṛṛanni mangitou napawe i Ya'u makkuumanni mangitou. I Ya'u, Mawu, buatte nabbisara.”

YEREMIA 6:21

I ya'u sarun ma'ola'a manga taumata indi itara wuṛṛu mawal᷊atta. Iamangnge wuṛṛu ana'a, hawe wuṛṛu al᷊indonganna sarangkanambone sarun mawinasa.”

YEREMIA 7:20

I Ya'u, Mawu Apan Atanggaṛṛanne, sarun mangema'u asasa'u-U apan bahewalla su wal᷊en patataṛṛamawuanna indi, su taumata wuṛṛu su winatangnga, see lai su manga aaluanna wuṛṛu hessin bawail᷊anna. Asasa'u-U sarun ṛumenggamma ere putungnga apan tawe iapaddumma.”

YEREMIA 17:4

I yamiu sarun ipabbawata'a manantillu leta'a apan buatte Ta'u nionggolla si yamiu, wuṛṛu i Ya'u sarun ma'ola'a si yamiu mattaṛṛamawu su seennu su wanua apan mangke awaganannu. I Ya'u na'ola'a sarangkanambone udde ana waugu asasa'u-U sinumopate ere putungnga apan lukkenggamma tawe iapaddumma.”

YEREMIA 26:8

Tawe nal᷊annu napawe i ya'u buatte namasingkattu anambon tanata Mawu ere buatte niparenta Mawu, i mangitou nanametta si ya'u lapiddu mangngintul᷊i, “I'o ṛinone nate!

YEREMIA 26:11

Manga imam wuṛṛu manga nabi nabbisara su manga tembonanne udde wuṛṛu su tumanangnge, “Taumata indi ṛinone iṛṛuumanna pateanna ana waugu buatte napasabbangngu manga wisara apan lullawangnga soang kite indi. I yamiu sassane buatte naaringikka si tou.”

YEREMIA 37:15

I mangitou mandona atonna si ya'u, wuṛṛu namarenta tadea'u i ya'u puul᷊anna wuṛṛu itaṛṛo su wal᷊en Yonatan, ruddutul᷊issu araratuanna. Wal᷊en udde buatte niola'a tattupanna.

YEREMIA 38:4

Ne inaite manga tembonanne udde ringannu ratu wuṛṛu nabbisara, “Taumata indi ṛinone iṛṛuumanna pateanna. Ana waugu, ringannu nabbisara aroddi i tou mangngaddio'a ikkattu anambon tantara wuṛṛu taumata waine apan ta'e uatana'a su soa indi. I tou tawe mantul᷊ungnga tumanangnge, ewe'e lai manilaka si mangitou.”

DARALO 56:8

Piawe asasal᷊amatta su al᷊al᷊eon mangitou? Patete i mangitou sulal᷊ummu asasa'u-Nu, oh Ruata!

YEREMIA 17:18

Doronganna iapa mangngenggenna wuṛṛu mangngallangnga si ya'u, pansilian-Nu wuṛṛu penean-Nu ringannu atata'utta. Arawe ariewe ma'ola'a aroddi si ya'u, oh Mawu. Rantate asasilaka si mangitou ma'oman sara i mangitou masue mawinasa.

LAL᷊ALLU 3:61

I'o, Mawu, naaringikka si ya'u haggeloanna; I'o masingkattu anambon hol᷊agi mangitou.