YEREMIA 18:21 - WUKE SUSI WATTI'U AL᷊AL᷊USASSA

²¹ Arawe orassa indi, Mawu, wala'awe manga ana'i mangitou mate amal᷊unusanna wuṛṛu nate sulal᷊ummu pangalo. Wala'e manga wawinen mangitou awul᷊iannu iamangngu ana'a wuṛṛu ana'a; wala'ewe manga esakka nate ana waugu al᷊aṛṛusa'itta wuṛṛu ingana'a umbasanna nate sulal᷊ummu pangalo.

YEREMIA 18:21 Referans Kwoze

AMOS 4:10

I Ya'u nangirimmu al᷊aṛṛusa'itta si yamiu ere lai Ta'u niiringnga su Mesir. Manga taumata saṛṛen tumuwo Ta'u nipate sulal᷊ummu pangalo, wuṛṛu manga awal᷊onu niaṛṛo. I Ya'u nalloṛṛo paddasanannu ringannu manga winal᷊uananna apan hal᷊urune maataddu'a ngirunna. Salaiwe aṛṛoddi, i yamiu ta'e lai maddiri mabbelengnga ringang-Ku.

LAL᷊ALLU 5:3

Iamangngi yami buatte nipaten seetta; orassa indi inangngi yami inawal᷊uabba wuṛṛu i yami asisi.

YEREMIA 15:8

Wanuanu sarun mapenen inawal᷊uanna, lumebbe wuassu anne su apanne anambone. Manga taumata sarun Ta'u pateanna sutempo ta'e umbasanna na'oman sara inangngi mangitou massusa. Sutempo allo i Ya'u mandanta sangkatou taṛṛa pate si mangitou ma'oman sara i mangitou maapendamma atata'utta wuṛṛu ussinggawangnga.

YEREMIA 9:21

Papate sinumuttate wuassu jandela, nasal᷊ate sulal᷊ummu wal᷊en araratuanna; i tou mannametta al᷊aṛṛana'a su lal᷊anna see ana'a umbasanna maṛṛuala su lapanganna.

TAHIUL᷊E 32:25

Pangalo sarun mangapiddu papate su manga lal᷊anna; atata'utta sarun maṛṛia'a su manga taumata su wal᷊en. Umbasanna wuṛṛu maṛṛuala sarun pateanna, wuṛṛu lai ana'a maradio'a see lai taumata timmadete.

SASABANGNGA 22:24

I Ya'u sarun masa'u wuṛṛu mamate si yamiu sulal᷊ummu pangalo, na'oman sara manga awingngu mabbal᷊i wawine wal᷊u, wuṛṛu manga anangngu mabbal᷊i asisi.

2 TIMOTIUS 4:14

Aleksander, taṛṛa ola'a witu'a udde suete na'ola'a manga inolaanna apan lal᷊eo si ya'u. Mawu sarun mabbal᷊issa si tou tumuṛṛuttu inolaanne.

YEREMIA 12:3

Arawe I'o, oh Mawu, masingka'u. I'o ma'asilo inolaangku, wuṛṛu I'o masingkattu ereapa apendammu naungku Si'o. Apira'e manga taumata lal᷊eo udde sumabbangnga, apira'e i mangitou ere domba su pamamototanna. Riagaite i mangitou maddatingngu tempone i mangitou ṛatanna.

2 TAWARIKH 36:17

Mawu nangal᷊oren naungngu ratun Babel tadea'u mamangalo si mangitou. Ratu udde namate taumatan Yehuda apan ta'e saṛṛen tumuwo, nasutta lai i mangitou isudde su Wal᷊en Mawu. I Tou niumakkannu saran sangkatou, mawae ete timmadde ara'e dario'a, esakka ara'e wawine, mapia ara'e maradda'a. I mangitou sarangkanambone tinatillu Ruata su ratun Babel.

1 SAMUEL 15:33

Ana see i Samuel nabbisara, “Ere lai hal᷊elenu apan buatte na'ola'a manambo inangnga apan niawul᷊iannu anangnge, aroddi lai inangngu sarun awul᷊iannu anangnge.” Ana see i Samuel nanattadda si Agag su saruannu mezbah su Gilgal.

DARALO 63:10

Arawe manga taumata apan mamate si ya'u sarun sumossokka su runian taumata nate.

YESAYA 9:17

Al᷊al᷊eon walahanna udde mannoṛṛobba naal᷊ihidda putungnga nangepoddu anggaṛṛumunanna ṛoaanna. Ṛenggamme naal᷊ihidda mahurangnge nasoṛṛobba ringannu timbulla sussal᷊oi.

YESAYA 13:18

Ringannu al᷊ati'anna wuṛṛu anaanne i mangitou sarun mamate manga taumata saṛṛen tumuwo. I mangitou tawe umakkannu ana'a maṛṛamutta wuṛṛu tawe tumal᷊antuppu dario'a.

YEREMIA 14:16

Manga taumata apan buatte nanengkamma manga pani'atti mangitou udde lai sarun Ta'u pateanna ringannu olangnge apan uasul᷊ungnga. Winal᷊unanni mangitou sarun iwareta su manga lal᷊anna su Yerusalem ringannu taweddu mallabbinga. Etearoddi nasippi mangitou wuṛṛu ana'a awingngi mangitou. I mangitou sarun Ta'u olaanna maapendamma pangillul᷊eannu al᷊al᷊eo mangitou.”

YEREMIA 15:7

Suapan soa su wanua indi i yamiu sarun Ta'u iramme ere wal᷊a'a. Salaiwe i yamiu uma-U arawe i Ya'u mamate si yamiu wuṛṛu al᷊aṛṛanangngu ana waugu i yamiu maddiri mamal᷊u ola'u pabbiaṛṛannu.

YEREMIA 50:30

Su allo udde manga saṛṛentumuwone sarun mate su manga lal᷊annu soane, wuṛṛu anambon tantarane ṛimunsaanna. I Ya'u, Mawu, buatte nabbisara.

LAL᷊ALLU 1:15

Mawu ma'ellega mawawo anambon tumannaṛṛangku apan waṛṛani. I Tou nangeṛṛon tantara tadea'u taumata'u saṛṛen tumuwo nate. I Tou mangke maṛṛinda walahangku na'oman sara naṛṛimunsa'a, naal᷊ihidda taumata mammakkan wuan anggore.

YEHEZKIEL 16:38

I'o sarun Ta'u iṛṛuumanna ana waugu pasasandaga wuṛṛu pamamate apan buatte niolangngu udde. Sulal᷊ummu naungdal᷊eo wuṛṛu asasa'u-U i'o sarun Ta'u iṛṛuumanna pateanna.

YEHEZKIEL 22:25

Manga piaṛṛangnge naal᷊ihidda singa apan mammassinga napawe tumambo wiakke. I mangitou mammate tumanangnge, mangngaṛṛo anambon darotongnga wuṛṛu pa'aala apan niasangkal᷊anni mangitou wuṛṛu naaola'a manambo wawine wal᷊u.

DARALO 63:11

I mangitou sarun nate sulal᷊ummu pangalo, wuṛṛu mabbal᷊i inassu winatangnga mal᷊aṛṛaga.

YESAYA 9:16

Walahanna udde nassina'adde wuṛṛu nal᷊al᷊eote wuṛṛu anambon wisara mangitou lal᷊eo. Ana waugu udde suwallattu manga umbasanna tawe saran sangkatou apan niapaal᷊iu Mawu. I tou tawe niumakkannu wawine wal᷊u wuṛṛu asisitimpal᷊ussa. Arawe Mawu ta'e massa'u wuṛṛu ta'e makkuumanna.