YEREMIA 18:18 - WUKE SUSI WATTI'U AL᷊AL᷊USASSA

¹⁸ Taumata mabbisara, “Wette i ite ma'ammulle lumawangnga si Yeremia. Wal᷊ine tumba'u i tou apan botongnge maggahatton Duata. Sidutu sarun pia imam apan botongnge mangonggollu al᷊aṛṛa'a, pia taumata pande apan botongnge mangonggollu tatantiro; wuṛṛu pia nabi apan wotongnge mamasingkatta si ite manga tanata wuassu Ruata. Wette i ite mangalaen tou su mallaṛṛuungnga wuṛṛu lai maddirite maddaringikka manga wisarane.”

YEREMIA 18:18 Referans Kwoze

DARALO 52:2

su tempo i Doëg taumatan Edom, nirumanta namasingkatta si Saul manungku i Daud na'omate su wal᷊en Abimelekh.

MALEAKHI 2:7

Atonna manaran manga imam mangngaṛṛa'u apan naṛṛino su ola'i Ya'u, Mawu Apan Atanggaṛṛanne. Ete si mangitou tumanangnge ṛinone maiwal᷊o apa apan ipaapullu-U, ana waugu i mangitou udde daroloṛṛang-Ku.

YEREMIA 11:19

I ya'u naal᷊ihidda domba apan ringannu tawe antimma lal᷊eo niapidda sutampa pamamototanna. I ya'u wagga manungku ete i ya'u apan maola'a punnu manga hol᷊agi mangitou apan dal᷊eo udde. I mangitou nabbisara, “Wette i ite manuwangnga alu indi tantal᷊anna i tou ta'e mangngonggollu wuane; i ite mamate si tou tadea'u aranne abbul᷊ianannu taumata.”

YEREMIA 18:11

Mawu nabbisara si ya'u, “Orassa indi, wal᷊oa'e su manga taumatan Yehuda wuṛṛu tumana'u Yerusalem manungku i Ya'u tantal᷊anna makkiinna mando'appa si mangitou, wuṛṛu mannaddiate ṛuumanna ionggolla si mangitou. Doloṛṛa'e i mangitou mangaddon ola'u pabbiaṛṛanni mangitou apan marosa udde see mangapia pallal᷊agu wuṛṛu inolaanni mangitou.

DARALO 21:11

Wuassu papapulunni mangitou taweddu nallambe, ratu sarun mamate si mangitou sarangkanambone.

YEREMIA 43:2

Ana see i Azarya ana'i Hosaya wuṛṛu Yohanan ana'i Kareah see anambon taumata waine apan mawunga udde nabbisara si ya'u, “I'o mangngawusu. Mawu Ruatang kami tawe nandolokku maningaddi yami inai matana'a su Mesir.

AMSAL 18:21

Lila pia taṛṛino manal᷊amatta pabbiaṛṛanna ara'e manggohakku pabbiaṛṛanna; taumata ṛinone mamasanna pangillul᷊eannu wisarane.

DARALO 64:3

Lu'arewe i ya'u wuassu ammul᷊annu taumata lal᷊eo, wuṛṛu hol᷊agu apanden manga taumata lal᷊eo.

DARALO 57:4

Wuassu surga i Tou sinumimbakka wuṛṛu nanal᷊amatta si ya'u; i Tou namaddon manga taumata apan mangngallanga si ya'u. I Tou sarun mapal᷊iatta'a manungku i Tou ual᷊ua'adda si ya'u, wuṛṛu sidutu marangngu si ya'u.

YEREMIA 2:8

Manga imam taweddu maiwal᷊o suapa i Ya'u, Mawune. Manga mallaṛṛuungnga lai wagga isai Ya'u, manga tembonanne lai lullawangnga si Ya'u. Ringannu arannu Baal manga nabi mabbisara, wuṛṛu massubba paal᷊uanna apan tawe gunane.”

YESAYA 32:7

Arawe sangkatou taṛṛa awusu maṛṛingidda wuṛṛu ma'ola'a al᷊al᷊eo. I tou maddea'a ṛingidda ipanilaka taumata asiangnga ringannu manga wisara awusu wuṛṛu mannal᷊awa'a si mangitou tadea'u tawe maasomba hakkane.

1 MARARATU 22:24

Ne i Nabi Zedekia inaite nangundanin Mikha ana see namero hatine wuṛṛu nabbisara, “Apa wotongnge Ghaṛṛaho Mawu manantangku wuṛṛu mabbisara si'o?”

2 SAMUEL 17:14

Naaringikka udde i Absalom wuṛṛu anambon taumatan Israel nabbisara, “Tatantiron Husai mappianne wuassu tatantiron Ahitofel.” Atonna, Mawu buatte nangatokka tadea'u ipanal᷊are tatantiron Ahitofel apan mapia udde, tadea'u i Absalom aṛṛiaannu asasusa apan bahewalla.

2 SAMUEL 15:31

Napawe niapasingkatta si Daud manungku i Ahitofel uatantalongnga lai ringannu ammul᷊anni Absalom, i Daud niumal᷊iomante arendi, “Oh, Mawu, doronganna paaraua'a tatantiron Ahitofel!”

IMAMATTA 10:11

Anambon tita apan Ta'u nionggola si'o wuassi Musa, ṛinone wotongnge iaṛṛa'i yamiu su walahannu Israel.”

YOHANES 9:40

Manga pira taumatan Farisi naaringikka Mawu Yesus nabbisara aroddi, see i mangitou naiwal᷊o si Tou, “Pandumannu i yami indi lai wuta?”

YEREMIA 26:11

Manga imam wuṛṛu manga nabi nabbisara su manga tembonanne udde wuṛṛu su tumanangnge, “Taumata indi ṛinone iṛṛuumanna pateanna ana waugu buatte napasabbangngu manga wisara apan lullawangnga soang kite indi. I yamiu sassane buatte naaringikka si tou.”

LUKAS 11:45

Sangkatou hurun agama nabbisara Mawu Yesus, “Iamangnga Huru, ringannu manga wisara udde, Iamangnga mangngadio'a lai si yami!”

YEREMIA 44:17

Al᷊awo'a apan buatte pina'ireng kami, sarun olaanni yami lai. I yami sidutu sarun mangngonggollu sasamba su Ratun Surga, wuṛṛu mallal᷊innu anggore maola'a sasamba si tou ere inanaramanne apan ilallagu su manga soan Yehuda wuṛṛu su manga lal᷊annu Yerusalem apan a'olaannu al᷊amonan kami, manga ratu wuṛṛu manga tembonannu araratuanni yami see lai i yami sassane. Sutempo udde i yami uatahuanna manambo anna, i yami su lal᷊umanna'a, wuṛṛu tawe asasusa apa-apa.

YEREMIA 8:8

Waṛṛani atonna i yamiu mabbisara manungku i yamiu pande, wuṛṛu masingkattu manga tita-U! Annama'o ellehe manga tita-U udde niwal᷊u manga mapapanden agama apan taṛṛa linga!

YEREMIA 18:19

Ne i ya'u niumal᷊iomanna, “Mawu, daringiṛṛewe aal᷊iomangku; paatutuṛṛewe manga wisaran see'u su ola'u!

YEREMIA 20:10

Niaringiṛṛanna taumata sussal᷊imburunga suapan tampa, “Atata'utta suapan tampa! Wette alaea'e udde siapa pia taṛṛinone!” Ewe'e lai anambon hawe'u ate uaṛṛaddo ananawo'u. Unni mangitou, “Asinungka ringannu sasal᷊o'a, i tou wotongnge iawaddo, tadea'u wotongngete i ite mabbal᷊issa atataddu'u naungnga si tou.”

YEREMIA 37:13

Arawe sutempo i ya'u na'omate su Ngara Pasallanganna su leta'u Benyamin, tembonannu tantara apan mammanara isudde nanaṛṛangnga si ya'u wuṛṛu nabbisara, “I'o tumal᷊angnga su samba'an taumatan Babel!” (Tembonannu tantara udde aranne i Yeria; i tou ana'i Selemya wuṛṛu pulunni Hananya.)

YEHEZKIEL 7:26

Asasilaka wuṛṛu watti'a lal᷊eo sidutu sarun rumanta. I yamiu sarun sumal᷊ande tadea'u manga nabi mappulu mamani'atta, arawe i mangitou tawe maaola'a. See lai manga imam tawe dapa iaṛṛa'a su umatta, manga piaṛṛa'a niasueannu tatantiro.

2 TAWARIKH 24:21

Arawe awadaalla apan uaammula udde suadio'a ringanni Ratu Yoas mannal᷊are si Zakharia. I tou tate mannaungnga inasaharanna wuṛṛu tatuṛṛutti Yoyada, iamangngi Zakharia. Wuassu parentan datu, Zakharia tinuntungannu watu na'oman sara nate su rallakku Wal᷊en Mawu. Sutempo i tou matete, i Zakharia sinumal᷊ande, “Antimanna Mawu ma'ellega inolaanna indi wuṛṛu mabbal᷊issa!”

YEREMIA 44:16

“I yami maddiri maddaringikka apa apan iwabbisaranu si yami ringannu arannu Mawu.

LAL᷊ALLU 3:62

I mangitou uahahatton wia'u su al᷊o'engngu allo. Tadea'u manilaka si ya'u, i mangitou makkiinnu hol᷊aga lal᷊eo.

MIKHA 3:6

“Ei nabi, temponi maraniten masue; matannallonu maraniten umattuppa. I yamiu tate lai maasomba sondappa apan mammasingkattu ṛiing-Ku. I yamiu tate lai maasi'attu manga apa.”

MIKHA 3:7

Manga taumata apan manni'attu allo addantane sarun masili ana waugu pani'anne nassal᷊a. I mangitou sarangkanambone sarun masili ana waugu Ruata tawe sinumimbakka si mangitou.