YEREMIA 18:11 - WUKE SUSI WATTI'U AL᷊AL᷊USASSA

¹¹ Mawu nabbisara si ya'u, “Orassa indi, wal᷊oa'e su manga taumatan Yehuda wuṛṛu tumana'u Yerusalem manungku i Ya'u tantal᷊anna makkiinna mando'appa si mangitou, wuṛṛu mannaddiate ṛuumanna ionggolla si mangitou. Doloṛṛa'e i mangitou mangaddon ola'u pabbiaṛṛanni mangitou apan marosa udde see mangapia pallal᷊agu wuṛṛu inolaanni mangitou.

YEREMIA 18:11 Referans Kwoze

2 MARARATU 17:13

Mawu nandolokku manga daroloṛṛanna wuṛṛu manga nibi-Ne su walahannu Israel wuṛṛu Yehuda iapapasingkattu sasingadda indi: “Pangillol᷊ote ma'ola'a al᷊al᷊eo wuṛṛu tattuṛṛute al᷊awo'u parenta wuṛṛu tita apan Ta'u nionggola su al᷊amonanu wuṛṛu si yamiu wuassu manga nabi, manga allang-Ku udde.”

YEREMIA 35:15

I Ya'u sidutu mandolokka ringanni yamiu anambon allang-Ku manga nabi, wuṛṛu i mangitou buatte nanantiro si yamiu tadea'u mamal᷊u pallal᷊agunu wuṛṛu tate ma'ola'a al᷊al᷊eo. I mangitou mapanaungnga si yamiu tadea'u ariete massubba manga mawu waine wuṛṛu tate mattaṛṛamawu si mangitou, tadea'u i yamiu wotongnge sidutu uatana'a su wanua indi apan buatte Ta'u nionggolla si yamiu wuṛṛu su al᷊amonanu. Arawe i yamiu maddiri mappandumma wuṛṛu maddiri maddaringikka si Ya'u.

YEREMIA 25:5

I mangitou mandolokki yamiu manatangngu ola'u pabbiaṛṛannu apan dal᷊eo, wuṛṛu manga inolaannu apan ma'arosa, tadea'u i yamiu wotongnge sidutu uatana'a su wanua indi apan buatte nionggollu Mawu si yamiu wuṛṛu al᷊amonanu maola'a pussa'a.

YAKOBUS 5:1

Manga tuṛṛangnga, manga taumata ala! Padaringikka tatantiro'u. Ṛinone i yamiu lumuai wuṛṛu lumallu ana waugu i yamiu sarun matataṛṛanga asasusa!

WATTI'U MANGA RASUL 26:20

Ringannu uahahatti ya'u namasingkatta su manga taumata manungku i mangitou ṛinone mawal᷊u wuassu manga rosa mangitou, wuṛṛu manantillu wadangngi mangitou su Ruata see lumiatta'a sulal᷊ummu wiakki mangitou manungku i mangitou nawal᷊ute wuassu manga rosa mangitou. I ya'u namasingkattu watti'a udde paarorone su Damsyik, wua'udde su Yerusalem wuṛṛu su ahewallu Yudea wuṛṛu su wallattu manga taumata apan wal᷊ine Yahudi.

ZAKARIA 1:3

Arawe orassa indi i Ya'u mabbisara si'o: Pabbelengke ringang-Ku, ne i Ya'u lai sarun mabbelengnga ringannu.

MIKHA 2:3

Ana waugu udde Mawu nabbisara, “I Ya'u manggol᷊agu asasilaka si yamiu, ma'oman sara i yamiu taweddu maatal᷊angnga. Sutempo apan dal᷊eo udde i yamiu sarun tawe maamatta lai ringannu mawunga.

YESAYA 5:5

Arendi Ta'u paddul᷊iananna waillu anggore-U udde: Paggalla apan uapal᷊iwutta sarun Ta'u sawutanna, tanda'a apan ual᷊indumma wailla udde sarun Ta'u iṛṛa'a, ana see Ta'u iwala winatangnga mal᷊aṛṛaga mandusa wuṛṛu makkinda wailla udde.

YAKOBUS 4:13

Manga tuṛṛangnga apan nabbisara, “Allo indi ara'e tiṛṛabbi yami sarun inai watukku soa sambau wuṛṛu matana'a poiaroddi santonna al᷊annune ana waugu mabbal᷊u'a wuṛṛu maddea'a roitta,” – daringiṛṛe'o tatantiro'u indi.

YEHEZKIEL 18:23

Apa i'o maṛṛingidda manungku i Ya'u Mawu Apan Atanggaṛṛanne mal᷊uassa amungkangngu taumata lal᷊eo mate? Mangke tawe! I Ya'u mappulu i tou manantangngu manga rosane tadea'u i tou sidutu wiakka.

YEHEZKIEL 13:22

Manga taumata mapia apan maddiri Ta'u olaanna lal᷊eo, niadio'i yamiu naungnge ringannu wawahianu. Manga taumata lal᷊eo niola'i yamiu wahewalla naungnge tadea'u sidutu marosa wuṛṛu tawe iapaasal᷊amatta.

YEREMIA 51:11

Mawu buatte nanondo manga ratu Media, ana waugu i Tou mappulu makkimunsa'a Babel. Eteudde lal᷊an-Ne i Tou mabbal᷊issa inolaannu manga taumata apan nakkimunsa'a wal᷊e-Ne. Manga tembonannu wuntuannu tantaran pangalo namarenta, “Takko'e anaanna! Riahite allungnga!

YEREMIA 36:7

Asinungka ana waugu udde i mangitou sarun umal᷊iomanna su Mawu, wuṛṛu mawal᷊u wuassu manga inolaanni mangitou apan dal᷊eo. Mawu mangke nasa'u atonna si mangitou wuṛṛu mammansaggi mangitou.”

YEREMIA 36:3

Asinungka taumatan Yehuda tate ma'ola'a al᷊al᷊eo napawe i mangitou maaringikka su ola'u anambon asasilaka apan Ta'u niṛṛia'a si mangitou. Ne i Ya'u sarun mangampungnga rosa wuṛṛu al᷊al᷊eo mangitou.”

YEREMIA 26:13

Ana waugu udde, pamal᷊ute ola'u pabbiaṛṛannu wuṛṛu manga inolaannu; paatuṛṛutte Mawu Ruatanu, tadea'u i Tou marru'udden ṛiin-Ne ipanilaka si yamiu.

YEREMIA 26:3

Asinungka walahanna udde maddulu maddaringikka, ana see maddote ma'ola'a al᷊al᷊eo, ma'oman sara i Ya'u tate manakkuttu apulu-U eteudde manilaka si mangitou uasul᷊ungngu inolaanni mangitou apan dal᷊eo.”

YEREMIA 18:18

Taumata mabbisara, “Wette i ite ma'ammulle lumawangnga si Yeremia. Wal᷊ine tumba'u i tou apan botongnge maggahatton Duata. Sidutu sarun pia imam apan botongnge mangonggollu al᷊aṛṛa'a, pia taumata pande apan botongnge mangonggollu tatantiro; wuṛṛu pia nabi apan wotongnge mamasingkatta si ite manga tanata wuassu Ruata. Wette i ite mangalaen tou su mallaṛṛuungnga wuṛṛu lai maddirite maddaringikka manga wisarane.”

YEREMIA 11:19

I ya'u naal᷊ihidda domba apan ringannu tawe antimma lal᷊eo niapidda sutampa pamamototanna. I ya'u wagga manungku ete i ya'u apan maola'a punnu manga hol᷊agi mangitou apan dal᷊eo udde. I mangitou nabbisara, “Wette i ite manuwangnga alu indi tantal᷊anna i tou ta'e mangngonggollu wuane; i ite mamate si tou tadea'u aranne abbul᷊ianannu taumata.”

YEREMIA 4:23

Watukku runia mata'u pina'ellega, ellehanna ereola'u tawe loṛṛone wuṛṛu mamara, watukku langitta i ya'u maningngara, uare, taweddu apan masemakka.

YEREMIA 4:6

Pantingira'e lal᷊anna watukku Sion, wuiddu Mawu, pa'asaṛṛawutte massal᷊iu, arie mal᷊annabba. Mawu tantal᷊anna mandantan asasilaka wuṛṛu ahahohakka apan bahewalla wuassu sawannakka.

YEREMIA 3:22

Ei i yamiu sarangkanambone apan nanantangke Mawu, pabbelengke! I tou sarun mangapia si yamiu, wuṛṛu ma'ola'a si yamiu mabbal᷊i satia. I yamiu mabbisara, “Ore, orassa indi i yami rumantate ringannu Mawu, ana waugu i Tou Ruatan kami.

YEREMIA 3:1

Mawu nabbisara, “Amungkangngu sangkatou inangngu ana'a sindoannu awingnge, ana see wawine udde nabbal᷊i awingngu taumata waine, ne iamangngu anangnge dorone tate wotongnge manganu si tou apia maola'a inangngu anangnge, ana waugu olangnge udde sarun maahohakka wanua indi. I'o Israel, piate tunanga tumanite manambo, ereapa orassa indi i'o ma'apulu mabbelengnga ringang-Ku!

2 MARARATU 22:13

“Roote paiwal᷊o Mawu su ereapa i ya'u wuṛṛu anambon tumana'u Yehuda su ola'u lal᷊oṛṛon buke indi. Mawu nasa'u si ite ana waugu al᷊amonan kite tawe mapaamattu manga parenta apan uawoṛṛetta sulal᷊umme.”

2 MARARATU 5:5

Ratu nabbisara, “Ore roote ringannu ratun Israel. I ya'u sarun mamoṛettu suratta si tou.” Ne i Naaman inaite ringannu uaapiddu 30.000 roitta sal᷊a'a wuṛṛu 6.000 roitta wul᷊awanna, wuṛṛu 10 parassa laubba mangkapia.

PANDARIADDI 11:7

Mappianne i ite sumossokke wuṛṛu manongkakku sasinaukki mangitou tadea'u i mangitou tate waṛṛun kasunanna.”

YESAYA 57:1

Taumata mapia wuṛṛu maagama nate, taweddu maasunna ara'e ma'innunu olangnge udde. Napawe buatte nate, i mangitou nal᷊iute wuassu asasilaka wuṛṛu mangngillol᷊ote ringannu paddarame.

YEREMIA 4:1

Mawu nabbisara, “Umattu Israel, amungkangngu i yamiu mappulu mabbelengnga, wette pabbelengke ringang-Ku. Rammea'e dorone manga paal᷊uanna apan ia'aranting-Ku udde, wuṛṛu paatuṛṛutte si Ya'u.

YEREMIA 11:11

Ana waugu udde, i Ya'u, Mawu, mapanaungnga manungku i Ya'u sarun mandantan asasilaka si mangitou wuṛṛu i mangitou tawe maal᷊inda'a. Amungkangngu i mangitou mailal᷊are maiontolla si Ya'u, i Ya'u maddiri maddaringikka.

YEREMIA 25:2

I ya'u nabbisara su anambon walahannu Yehuda wuṛṛu tumana'u Yerusalem,

YUNUS 3:8

Taumata wuṛṛu winatangnga ṛinone mappaattu nasa karongnga. Maola'a tatialan sasassillu anambon taumata ṛinone umal᷊iomanna ringannu atonna-tonna su Ruata. I mangitou ṛinone mangapia pallal᷊agune apan dal᷊eo wuṛṛu inolaanne apan nepenen dosa.

1 MARARATU 22:23

Wua'udde i Mikha nabbisara, “Ne, eteudde apan nariaddi! Mawu buatte na'ola'a manga nabin Tuangnga namahia si Tuangnga ana waugu Mawu buatte nanantunna maṛṛia'u asasilaka udde si Tuangnga!”

YEREMIA 4:14

Yerusalem, rammea'e al᷊al᷊eonu wuassu naungngu tadea'u i'o masal᷊amatta. Ma'oman sara tingngera manga ṛingiranna lal᷊eo udde sahipunanna sulal᷊ummu naungngu?

YEREMIA 19:3

I Ya'u ṛinone mabbisara arendi, “Ei manga ratun Yehuda wuṛṛu tumana'u Yerusalem! Paddaringikka si Ya'u, Mawu Apan Lembontaṛṛino, Ruatan Israel, apan mabbisara si yamiu. I Ya'u sarun mandantan asasilaka apan bahewalla su tampa indi ma'oman sara taumata apan maaringikka ṛumindu'a.

YEREMIA 19:15

manungku Mawu Apan Lembontaṛṛino, Ruatan Israel, nabbisara arendi, “Ana waugu mal᷊awangnga wuṛṛu maddiri maddaringikka, ne i Ya'u sarun mandantan su soa indi wuṛṛu su anambon ampungnga maranine al᷊awo'u asasilaka apan buatte Ta'u nihol᷊aga.”