YEREMIA 17:27 - WUKE SUSI WATTI'U AL᷊AL᷊USASSA

²⁷ Sarangkanambone udde sarun matipussa napawe i yamiu matuṛṛutta si Ya'u wuṛṛu maṛṛaen allon Sabatta udde si Ya'u. Arie mamasanna saran sambau saranapa umamattu ngara pasallangannu Yerusalem su allo udde. Amungkangngu i yamiu lumawangnga manga parenta-U, manga ngara pasallangannu Yerusalem see manga wal᷊en araratuanne sarun Ta'u soṛṛowannu putungnga ma'oman sara masue wuṛṛu udde tawe iapaddumma.’ ”

YEREMIA 17:27 Referans Kwoze

2 MARARATU 25:9

I Nebuzaradan nanutunga Wal᷊en Mawu, wal᷊en araratuanna, wuṛṛu wal᷊en anambon taumata atumannaṛṛane su Yerusalem.

YEREMIA 7:20

I Ya'u, Mawu Apan Atanggaṛṛanne, sarun mangema'u asasa'u-U apan bahewalla su wal᷊en patataṛṛamawuanna indi, su taumata wuṛṛu su winatangnga, see lai su manga aaluanna wuṛṛu hessin bawail᷊anna. Asasa'u-U sarun ṛumenggamma ere putungnga apan tawe iapaddumma.”

YEREMIA 21:14

arawe i Ya'u sarun makkuumannu ana waugu inolaannu. Wal᷊en araratuannu sarun Ta'u soṛṛowanna, wuṛṛu al᷊awo'a maranine sarun masoṛṛobba lai. I Ya'u, Mawu, buatte nabbisara.”

AMOS 1:14

Ana waugu udde, i Ya'u mangirimmu putungnga watukku manga darandungngu soa Raba, wuṛṛu manoṛṛobba ma'oman sara masue manga tanda'a watune. Sutempo udde sarun aringiṛṛanna paggahahion pangalo, wuṛṛu papangalo maddantanna ere tandi'a.

YEHEZKIEL 22:8

Manga tampa patataṛṛamawuanna si Ya'u nilal᷊eonu wuṛṛu allon Sabat tawe iareganu.

LAL᷊ALLU 4:11

Mawu napasabbangngu asasa'u-Ne wuṛṛu nanoṛṛobba Soa Sion na'oman sara naddatakku leta'a.

YEREMIA 52:13

I Nebuzaradan nanoṛṛobba Wal᷊e Mawu, wal᷊en araratuannu ratu, wuṛṛu anambon bal᷊en taumata mapiane su soan Yerusalem.

YEREMIA 49:27

Manga darandungngu Damsyik sarun Ta'u soṛṛowanna, wuṛṛu manga wal᷊en araratuanni Ratu Benhadad Ta'u iapa'epodda. I Ya'u, Mawu Apan Lembontaṛṛino, buatte nabbisara.”

YEREMIA 39:8

Tantal᷊anna udde manga taumatan Babel nanoṛṛobba wal᷊en araratuanna wuṛṛu manga wal᷊en tumana'u soa, see lai naṛṛa'a manga darandungngu Yerusalem.

YESAYA 1:20

Arawe amungkangngu i yamiu lullawangnga si Ya'u, i yamiu sarun mate sulal᷊ummu pangalo. I Ya'u, Mawu, buatte nabbisara.”

IBRANI 12:25

Ana waugu udde, paatehamma arie ma'oman sara i yamiu maddiri maddaringikka si Tou apan mabbisara udde. I mangitou apan maddiri maddaringikka si Tou apan nirumanta su runia wuṛṛu namasingkatu watti'u Ruata, tawe maatal᷊angngu watanganne. Lembonete lai i ite indi apan uararingikka si Tou mabbisara wuassu surga! Amungkangu i ite maddiri maddaringikka si Tou, i ite tawe maatal᷊angnga wuassu ṛuumanna!

AMOS 2:2

Ana waugu udde, i Ya'u sarun mangirimmu putungnga watukku wanua Moab, wuṛṛu manoṛṛobba ma'oman sara masue tanda'a watu su Keriot. Taumatan Moab sarun mate su pattangngannu paggahahion pangalo, tantal᷊ana trompetta iapatuntingikka, wuṛṛu hahuressan pangalo ipangikkuitta.

AMOS 1:12

Ana waugu udde, i Ya'u sarun mangirimmu putungnga watukku soa Teman, wuṛṛu manoṛṛobba ma'oman sara masue manga tanda'a watun Bozra.”

AMOS 1:10

Ana waugu udde i Ya'u sarun mangirimmu putungnga watukku manga darandungngu Tirus wuṛṛu manoṛṛobba ma'oman sara masue manga tanda batune.”

AMOS 1:7

Ana waugu udde i Ya'u sarun mangirimmu putungnga watukku manga darandangngu Gaza, wuṛṛu manoṛṛobba paasueanna manga tanda'a watune.

AMOS 1:4

ana waugu udde i Ya'u sarun mangirimmu putungnga watukku wal᷊en araratuanni Ratu Hazael, wuṛṛu manoṛṛobba ma'oman sara masue manga tanda batun Ratu Benhadad.

YEHEZKIEL 16:41

I mangitou saru manoṛṛobba manga wal᷊enu wuṛṛu mandolokku manga wawine mabbiala i'o iṛṛuumanna. Etearoddi Ta'u iapaaddo pasasandagu. I'o tate lai mattahia aonggolla su manga arangnguannu.

YEREMIA 44:16

“I yami maddiri maddaringikka apa apan iwabbisaranu si yami ringannu arannu Mawu.

YEREMIA 32:29

wuṛṛu manoṛṛobba na'oman sara masue suadio'a ringannu manga wal᷊en manga taumata ma'asabbangngu asasa'u-U, ana waugu su wowon atuppu manga wal᷊en udde i mangitou mannambunnu amania si Baal wuṛṛu mallal᷊innu ua'e anggore ipassubba manga monganna.

YEREMIA 22:5

Arawe amungkangngu i yamiu tawe tumuṛṛutta manga parenta-U, ne i Ya'u massalu manungku wal᷊en araratuanna indi sarun mallambe ete tuidda. I Ya'u, Mawu, buatte nabbisara.

YEREMIA 17:24

Paatuṛṛutte anambon parenta-U. Arie mangapiddu sambau saranapa umamattu ngara pasallangannu soa indi su allon Sabatta. Ṛaea'e, allon Sabatta udde si Ya'u, wuṛṛu imbaṛṛangnga mammanara su allo udde.

YEREMIA 17:4

I yamiu sarun ipabbawata'a manantillu leta'a apan buatte Ta'u nionggolla si yamiu, wuṛṛu i Ya'u sarun ma'ola'a si yamiu mattaṛṛamawu su seennu su wanua apan mangke awaganannu. I Ya'u na'ola'a sarangkanambone udde ana waugu asasa'u-U sinumopate ere putungnga apan lukkenggamma tawe iapaddumma.”

YEREMIA 6:17

Ana see Mawu masokka-sokka mamile manga mandariagga huna mappanaungngi mangitou tadea'u maddaringikka tingikku tatiala trompetta. Arawe umatta nabbisara, “I yami maddiri maddaringikka.”

YESAYA 1:31

Naal᷊ihidda laṛṛami natutungngu waṛṛan putungnga, aroddi lai manga taumata apan uataṛṛino sarun iapawinasa ana waugu inolanni mangitou sassane apan tumaniten dal᷊eo, wuṛṛu taweddu wotongnge mapaillol᷊on awawinasa udde.

2 TAWARIKH 36:19

I tou nanggohakku darandungngu soa Yerusalem, wuṛṛu nanoṛṛobba soa udde, nasutta lai Wal᷊en Mawu wuṛṛu wal᷊en araratuanna suadio'a ringannu manga saranapa maarega apan ta'e sulal᷊ummu wal᷊en araratuanna udde.

2 MARARATU 22:17

I mangitou buatte nanantangku wuṛṛu nangonggolu sasamba su manga mawu waine. Sarangkanambone apan niola'i mangitou naal᷊al᷊eo naung-Ku. I Ya'u nasa'u si Yerusalem, wuṛṛu asasa'u-U tawe al᷊imbatanna.

TAHIUL᷊E 32:22

Asasa'u-U sarun sumawudda naal᷊ihidda putungnga apan nanoṛṛobba naddatingngu runian taumata nate. Putungnga udde nanutungnga runia wuṛṛu al᷊awo'u lal᷊oṛṛone, wuṛṛu manga wowone na'oman sara manga ṛamunne.

DARALO 122:7

Antimanna pia paddarame sulal᷊ummu araratuannu, wuṛṛu langnganna su manga tanda'a watunu.”

YEREMIA 18:1

Mawu nabbisara si ya'u,

LAL᷊ALLU 2:6

I Tou nakkimunsa'a wal᷊e-Ne tampan uman-Ne maammulla massubba si Tou. I Tou na'ola'a taumata maabul᷊i Sabat wuṛṛu manga allo wahewalla. Ana waugu Mawu lembon nasa'u, imam wuṛṛu ratu buatte nitol᷊ang-Ne.

YEHEZKIEL 21:15

I tou na'ola'a walahang-Ku matal᷊o wuṛṛu maddamangnga iattara. I Ya'u namansaggu soa mangitou ringannu hal᷊ele udde apan lullendappa ere sawallo, wuṛṛu nasaddiate mamate.

YEHEZKIEL 23:38

Wuṛṛu wal᷊ine tumba'u udde. Itarua lai nalluhudda Wal᷊e-U wuṛṛu allon Sabat apan buatte Ta'u nitantunna udde.

HOSEA 8:14

Taumatan Israel mapararisikku manga wal᷊en araratuanna, arawe i mangitou naabul᷊in Mandariaddi si mangitou. Taumatan Yehuda nanamba manga soa pia tanda batune, arawe i Ya'u sarun manossokku putungnga ipanoṛṛobba manga wal᷊en araratuanna wuṛṛu manga soan mangitou sara masue.”

YEHEZKIEL 21:3

manungku i Ya'u, Mawu, nabbisara arendi, ‘I Ya'u indi seennu. I Ya'u sarun manawutta hal᷊ele-U wuṛṛu mamate si yamiu sarangkanambone, apan dal᷊eo ara'e lai mapia.