YEREMIA 17:25 - WUKE SUSI WATTI'U AL᷊AL᷊USASSA

²⁵ Amungkangngu i yamiu atonna-tonna mapaamattu manga parenta-U udde, ne manga ratu wuṛṛu manga tembonanne apan uaparenta ere i Daud sarun sumutta su manga ngara pasallanganna su soan Yerusalem. I mangitou suadio'a ringannu taumatan Yehuda wuṛṛu tumana'u Yerusalem, sarun suma'e keretan awal᷊o, ma'oman sara soa Yerusalem maola'a rame atonna.

YEREMIA 17:25 Referans Kwoze

YEREMIA 22:4

Amungkangngu i yamiu atonna-tonna mappaamattu manga parenta-U, ne manga ratu apan mammarenta ere i Daud sarun maasutta su manga ngaran pasallangannu wal᷊en araratuanna indi. I mangitou suadio'a ringannu mamanaran araratuanne wuṛṛu tumanangnge sarun suma'e kereta wuṛṛu awal᷊o.

YESAYA 9:7

Mawu buatte nangema'u ṛuumanna su araratuannu Israel.

IBRANI 12:22

Arawe, i yamiu suete nirumanta watukku Wuiddu Sion wuṛṛu soan Ruata apan biakka, eteudde Yerusalem apan su surga ringannu mala'ekan-Ne su ṛiwune.

YEREMIA 33:21

Aroddi lai Ya'u buatte namattan paaire ringannu allang-Ku Daud, manungku wuassu papapulunne sidutu sarun pia sangkatou apan maola'a ratu; wuṛṛu i Ya'u buatte namattan paaire ringannu manga imam papapulunni Lewi manungku i mangitou sidutu sarun mangimbe si Ya'u. Manga paaire udde tawe iapappassa.

YEREMIA 33:17

I Ya'u, Mawu, na'ire manungku sidutu sarun pia sangkatou wuassu papapulunni Daud apan maola'a ratun Israel;

YEREMIA 33:15

Sutempo udde sangkatou apan matul᷊idda wuassu papapulunni Daud sarun Ta'u pileanna maola'a ratu. Ratu udde sarun mammanara ringannu atatul᷊idda wuṛṛu naṛṛino su ahewallu wanua.

2 SAMUEL 7:16

I'o sidutu uatahuanna papapulunna, wuṛṛu araratuannu sarun Ta'u olaanna mattaṛṛangnga saran mal᷊annu-l᷊annu. Sarangkal᷊o'engnge sangkatou wuassu papapulunnu sarun mamarenta maola'a sangkatou ratu.’ ”

YEREMIA 22:30

“Taumata udde buatte nitantunna tadea'u awul᷊iannu al᷊aṛṛanangnge wuṛṛu sidutu tawe maaola'a wiakke. Wuassu papapulunne taweddu mahessi sulal᷊ummu mammarenta su Yehuda ere sangkatou ratu papapulunni Daud. I Ya'u, Mawu, buatte nabbisara.”

YEREMIA 13:13

Ne wal᷊oa'e si mangitou manungku manga taumatan wanua indi, manga ratune papapulunni Daud, manga imam, nabi, wuṛṛu anambon tumana'u Yerusalem sarun Ta'u loṛṛoannu anggore ma'oman sara mapene tadea'u iwu'anne.

2 SAMUEL 8:4

I Daud naasametta 1.700 su atoune tantara uasa'e awal᷊o wuṛṛu 20.000 su atoune tantara u'amattu ledda. I tou napaallomen anambon awal᷊o, nallambe sambageanganna, natimu su maṛṛasutta keretan pangalo.

1 SAMUEL 8:11

“Etearendi sal᷊immurine i yamiu sarun parentannu ratu,” etearoddi i Samuel mannal᷊a'a. “I tou sarun mamata'u manga anangngu maola'a tantara; sambageanganna wuassi mangitou maola'a tantaran kereta, sambageanganna lai maola'a tantara uasa'e awal᷊o, wuṛṛu waine lai tantara u'amattu ledda.

TAHIUL᷊E 17:16

Ratu tawe wotongnge manahuanna awal᷊o manambo ionggola su tantarane wuṛṛu tawe wotongnge mandolokku walahanna indi mabelengnga watukku Mesir huna mamalli awal᷊o, ana waugu Mawu buatte nabbisara manungku alaṛṛanang-Nge tawe wotongnge mabelengnga watukku wanua udde.

SASABANGNGA 12:14

Allo udde ṛinone maola'a pananaunganni yamiu maola'a allo wahewa su Mawu. Su sarangkal᷊o'engnge allo udde ṛinone ilallaghun kamiu suapan tonna.”

YEREMIA 25:5

I mangitou mandolokki yamiu manatangngu ola'u pabbiaṛṛannu apan dal᷊eo, wuṛṛu manga inolaannu apan ma'arosa, tadea'u i yamiu wotongnge sidutu uatana'a su wanua indi apan buatte nionggollu Mawu si yamiu wuṛṛu al᷊amonanu maola'a pussa'a.

YEREMIA 7:7

Amungkangngu i yamiu mamal᷊u ola'u pabbiaṛṛannu wuṛṛu pallal᷊agunu see lai tate ma'ola'a sarangkanambone udde, i Ya'u sarun mamalan kamiu sidutu uatana'a su wanua indi apan buatte Ta'u nionggolla maola'a leta'a pussa'a su al᷊amonanu.