YEREMIA 17:24 - WUKE SUSI WATTI'U AL᷊AL᷊USASSA

²⁴ Paatuṛṛutte anambon parenta-U. Arie mangapiddu sambau saranapa umamattu ngara pasallangannu soa indi su allon Sabatta. Ṛaea'e, allon Sabatta udde si Ya'u, wuṛṛu imbaṛṛangnga mammanara su allo udde.

YEREMIA 17:24 Referans Kwoze

TAHIUL᷊E 11:13

Nariaddi paatuṛṛutte manga parenta apan ta'u niapasingkata si yamiu allo indi; pandangngute Mawu Ruatanu wuṛṛu pattaṛṛamawute si Tou ringannu ahewallu lal᷊ummu naungngu.

SASABANGNGA 15:26

Unnu Mawu, “Paatuṛṛutte si Ya'u ringannu atonna-tonna, wuṛṛu pa'ola'e apa apan aellehang-Ku mapia; paatuṛṛutte anambon parenta-U. Amungkangngu i yamiu ma'ola'a aroddi, yamiu tawe Ta'u iṛṛuumanna ringannu manga radda'a apan Ta'u niaparanta su taumata Mesir. Ete i Ya'u Mawu apan nangapia si yamiu.”

ZAKARIA 6:15

Manga taumata sarun dumanta wuassu tampa apan marau wuṛṛu mantul᷊ungnga mapararisikku Wal᷊e-U. Napawe wal᷊en udde nasuete, i mangitou sarun maasingkatta manungku i Ya'u Mawu Apan Lembontaṛṛino nandolokku ringanni mangitou. Sarangkanambone udde sarun mariaddi amungkangngu i mangitou atonna-tonna tuttuṛṛutta manga parenta-U, Mawu Ruata Mangitou.”

YESAYA 55:2

Apa hunane mamalli sambau saranapa apan tawe maal᷊uassa naungnga, wuṛṛu mammanara hunan apa apan tawe maal᷊aidda? Tuṛṛutte parenta-Ku, ne i yamiu sarun umanna anna apan mapia, wuṛṛu mattemma anna uaimbe apan matemangnga.

YESAYA 21:7

Amungkangngu i tou maasilo tantaran awal᷊o rumanta pattaṛṛa darua, tantara apan uasa'e keledai wuṛṛu unta, i tou ṛinone manutukka mapia-pia.”

TAHIUL᷊E 11:22

Paatuṛṛutte ringannu maṛṛimadda anambon tita apan ta'u niapaasingkata si yamiu: Pandangngute Mawu Ruatanu, wuṛṛu tuṛṛutte al᷊awo'u parenta-Ne si yamiu, wuṛṛu ṛinone i yamiu sidutu uararingikka si Tou.

SASABANGNGA 20:8

Laghua'awe allon Sabat wuṛṛu addate allo udde maola'a allo apan na'ukkassa.

YEHEZKIEL 20:20

Pangaddate allon Sabat tadea'u maola'a tatialan paaire-U si yamiu, tadea'u mapanaungngi yamiu manungku ete i Ya'u Mawu Ruatanu.’