YEREMIA 17:23 - WUKE SUSI WATTI'U AL᷊AL᷊USASSA

²³ Arawe al᷊amonanu maddiri maddaringikka ara'e mappandumma manga wisara-U. Naungngi mangitou maattikka, wuṛṛu maddiri tumuṛṛutta wuṛṛu tagguanna.

YEREMIA 17:23 Referans Kwoze

AMSAL 29:1

Isai sidutu lullawangnga awungkangngu tantiroanna, su sambau tempo sarun mawinasa wuṛṛu tate maola'a apia.

YEREMIA 19:15

manungku Mawu Apan Lembontaṛṛino, Ruatan Israel, nabbisara arendi, “Ana waugu mal᷊awangnga wuṛṛu maddiri maddaringikka, ne i Ya'u sarun mandantan su soa indi wuṛṛu su anambon ampungnga maranine al᷊awo'u asasilaka apan buatte Ta'u nihol᷊aga.”

YEREMIA 11:10

I mangitou buatte na'ola'a rosa apan niola'u al᷊amona mangitou apan maddiri tumuṛṛutta si Ya'u, i mangitou massubba mawu waine wuṛṛu maddiri tumuṛṛutta parenta-U. Mawae Israel aroddi lai Yehuda lullawangnga paaire apan buatte Ta'u niola'a ringannu al᷊amonan mangitou.

WATTI'U MANGA RASUL 7:51

Wal᷊ine hampa aatikku puan manga tuṛṛangnga, wuṛṛu aroddi asahadde tumuṛṛutta Ruata! Tal᷊inganu wengella ipadaringikka wisaran Ruata! I yamiu naal᷊ihida ere iupungngu al᷊amonanu; sidutu lullawangnga Ghaṛṛahon Ruata!

ZEFANYA 3:7

I Ya'u maṛṛingidda, ‘Orassa indi uma-U sarun mangaddatta si Ya'u wuṛṛu maddaringikka al᷊awo'u tatagu-U. I mangitou sarun mannaungnga al᷊aṛṛa'a apan Ta'u nionggolla si mangitou.’ Arawe wutte'e, i mangitou lembon maṛṛimadda lai ma'ola'a al᷊al᷊eo wuassu paarorone.

YEHEZKIEL 20:21

Arawe ingana'a saṛṛen tumuwo udde mal᷊awangnga si Ya'u. I mangitou lullawangnga manga tita-U wuṛṛu tawe maddaringikka manga parenta-U, apan maola'a wataṛṛu manungku taumata apan tuttuṛṛuta udde sidutu wiakka. I mangitou manggal᷊usa'a allon Sabat. Ana waugu udde i Ya'u nasaddiate mamallossu asasa'u-U su saruanni mangitou su wadda'u anne udde wuṛṛu mamate si mangitou sarangkanambone.

YEREMIA 32:33

I mangitou buatte nanantang-Ku salaiwe I Ya'u sidutu mangngenggenna si mangitou, i mangitou maddiri maddaringikka wuṛṛu mangimanna.

YESAYA 48:4

I Ya'u masingkatta manungku naungngu maattikka, pua maattikka wuṛṛu puane watu.

YEHEZKIEL 20:16

Wawansaga udde Ta'u niwisara ana waugu i mangitou tawe maddaringikka manga parenta-U, nilumawangnga manga tita-U wuṛṛu nanggal᷊usa'a allon Sabat. I mangitou mappianne massubba manga paal᷊uanni mangitou.

YEHEZKIEL 20:13

Arawe su wadda'u anne udde, i mangitou nilumawangnga manga parenta-U, wuṛṛu nanol᷊a'u manga tita-U apan maola'a wataṛṛu manungku taumata apan matuṛṛuta sidutu wiakka. I mangitou tumanite nanggal᷊usa'a allon Sabat. Ana waugu udde, su wadda'u anne udde i Ya'u nasaddiate mamallossu asasa'u-U su saruanni mangitou wuṛṛu mamate si mangitou.

YEREMIA 35:15

I Ya'u sidutu mandolokka ringanni yamiu anambon allang-Ku manga nabi, wuṛṛu i mangitou buatte nanantiro si yamiu tadea'u mamal᷊u pallal᷊agunu wuṛṛu tate ma'ola'a al᷊al᷊eo. I mangitou mapanaungnga si yamiu tadea'u ariete massubba manga mawu waine wuṛṛu tate mattaṛṛamawu si mangitou, tadea'u i yamiu wotongnge sidutu uatana'a su wanua indi apan buatte Ta'u nionggolla si yamiu wuṛṛu su al᷊amonanu. Arawe i yamiu maddiri mappandumma wuṛṛu maddiri maddaringikka si Ya'u.

YEREMIA 7:28

Nariaddi, wal᷊oa'e si mangitou manungku i mangitou uddewe sambau walahanna apan maddiri tumuṛṛutta si Ya'u, Mawu, Ruata mangitou. I mangitou maddiri manutukka wuassu ṛuumanna apan buatte niapendamanne. Tatuṛṛutta si Ya'u nawul᷊ite, ewe'e tate iwatti'a lai.”

YEREMIA 6:8

Ei tumana'u Yerusalem, ṛinone anambon hal᷊ahe udde maola'a pananaungannu! Arie ma'oman sara i Ya'u manantangngi yamiu wuṛṛu Ta'u wal᷊uanna soanu mabbal᷊i wadda'u anne apan tawe wanuannu taumata.”

AMSAL 8:10

Arega'e tatantiro'u nangillembo wuassu sal᷊a'a tutune, pakkoroa'e asingkatta nangillembo wuassu wul᷊awanna tutune.

AMSAL 5:12

Wua'udde i'o sarun mabbisara, “Ah, anio ia'i maddantinnu tatantiro? Anio i ya'u maddiri tagguanna?

AMSAL 1:5

Ringannu manga tatantiro indi taumata pande lai sarun aatambanna asingkanne, wuṛṛu taumata apan pia si'ol᷊ane sarun maasomba aehetta.

AMSAL 1:3

Manga tatantiro indi mangngaṛṛa'a ereapa taumata wotongnge mabbiakka ringannu pande, tawe mallinga, matul᷊idda wuṛṛu naṛṛino.

DARALO 50:17

Ana waugu i'o maddiri maddaringikka tatagu-Ku, wuṛṛu mannol᷊a'u manga parenta-Ku.

MAL᷊AṚṚUUNGNGA 6:10

Buatte Ta'u niwal᷊o si yamiu manungku ete i Ya'u Mawu Ruatanu, wuṛṛu i yamiu imbaṛangnga massubba manga mongannu walahannu Amori apan banuane atatanaanni yamiu orassa indi. Arawe i yamiu tawe tinumuṛutta parenta-U.’ ”

YEREMIA 5:3

Mangke atonna raddorongannu Mawu eteudde tatuṛṛutta. Mawu namuulla si yamiu, arawe i yamiu ma'ielen bagga. I tou nakkimunsa'a si yamiu, arawe i yamiu maddiri aṛṛaanna. I yamiu puane maattikka, wuṛṛu maddiri mawal᷊u wuassu manga rosanu.