YEREMIA 17:22 - WUKE SUSI WATTI'U AL᷊AL᷊USASSA

²² Arie mammanara ara'e mangapiddu sambau saranapa sumabbangnga wuassu wal᷊enu su allon Sabatta. Ṛaea'e allo udde si Ya'u ere buatte Ta'u niparenta su al᷊amonanu.

YEREMIA 17:22 Referans Kwoze

YEHEZKIEL 20:12

I mangitou Ta'u nirolokka mamantuga allon Sabat maola'a sambau tialan paaire-Ku si mangitou, tadea'u mapanaungnga si mangitou manungku i Ya'u Mawu, buatte naṛṛae mangitou si Ya'u.

YESAYA 58:13

Mawu nabbisara, “Pangaddatte allon Sabatta maola'a allo huna Mawu. Imbaṛṛangnga mammanara hausannu sassane su allo udde. Laghua'e allo udde maola'a allo al᷊al᷊uassa; Pangaddatte allon Mawu ringannu tawe sumal᷊ele; arie lai mammanara ara'e mabbisara wisara apan tawe gunane.

SASABANGNGA 23:12

Annumu allo sulal᷊ummu sangkamisa i yamiu wotongnge mammanara, arawe su allo appitune i yamiu ṛinone mangillol᷊o, tadea'u winatangngu, manga allangnga wuṛṛu manga taumata raho apan mammanara ringannu wotongnge mangillol᷊o lai.

SONDAPPA 1:10

Su allo Mawu, i ya'u niaasuttannu Ghaṛṛahon Ruata, see i ya'u naaringikka tingikka apan ma'ikkatta – nassul᷊ungngu tingikku trompeta – mabbisara su liu'u.

LUKAS 23:56

Wua'udde i mangitou napul᷊e see nanaddia manga rampa-rampa wuṛṛu lana mawangngi ipamokka winal᷊unannu Mawu Yesus. Su allon Sabatta, i mangitou nangillol᷊o mammanara ipallagun Titan agama.

LUKAS 6:5

See Mawu Yesus nabbisara, “Ana'u Taumata uataṛṛino allon Sabatta!”

YEHEZKIEL 22:8

Manga tampa patataṛṛamawuanna si Ya'u nilal᷊eonu wuṛṛu allon Sabat tawe iareganu.

IMAMATTA 23:3

Pia annummu allo ipammanara, arawe allo appitune, allon Sabat, eteudde allo pangillol᷊oanna apan niṛṛaen Mawu. Su allo udde ṛinone i yamiu ma'ola'a ammul᷊annu patataṛṛamawu wuṛṛu imbaṛṛangnga mammanara.

IMAMATTA 19:3

Suapan taumata ṛinone mangaddata iamangnge wuṛṛu inangnge wuṛṛu maddamean alloun Sabat ere buatte Ta'u nirolokka. Ete i Ya'u Ruatanu.

NEHEMIA 13:15

Sutempo udde i ya'u naasilo manungku su allon Sabat manga pira taumata su Yehuda mammakkan anggore. Pia taumata waine lai apan mallurannu gandumma, anggore, wuan ara wuṛṛu manga saranapa waine su keledaine wuṛṛu niapidde watukku Yerusalem. I mangitou ta'u nisingadda mabbal᷊u'a su Yerusalem.

YEREMIA 17:24

Paatuṛṛutte anambon parenta-U. Arie mangapiddu sambau saranapa umamattu ngara pasallangannu soa indi su allon Sabatta. Ṛaea'e, allon Sabatta udde si Ya'u, wuṛṛu imbaṛṛangnga mammanara su allo udde.

ZAKARIA 1:4

Ariewe ere iupungngu al᷊amonanu. Sutempon dorone manga nabi mammasingkattu tanata-U si mangitou tadea'u i mangitou tate lai ma'ola'a al᷊al᷊eo wuṛṛu ma'ola'a rosa. Arawe i mangitou tawe maddaringikka wuṛṛu maddiri tumuṛṛutta si Ya'u.